URA TIN AYRA 10
10
Suu kay ndaŋgarana
1Gola wanni sem goryoŋ Nowana, Sem, Kam, Jafet. Dagan mbo ŋgol ma tli kay ndaŋgarana, asi vuɗ gorra, wanni sesiya.
2Goryoŋ Jafetna, Gomer, Magog, Maday, Yavan, Tubal, Mesek u Tiras. 3Goryoŋ Gomerna, Askenaz, Rifat u Togarma. 4Goryoŋ Yavanna, Elika, Tarsis, Kittim u Rodanim. 5Suuna zul kay daara, njay ki u mbas masira u vunusiya ni u njafasiya, u dee masira lay.
6Goryoŋ Kamma, Kuk u Misraim, Put u Kanaan. 7Goryoŋ Kukŋa, Seba, Havila, Sabta, Ragma, u Sabteka. Goryoŋ Ragmana, Saba u Dedan.
8Kukŋi bu Nimrod ma kak mulla jew kay ndaŋgarana. 9U njunda vi Yawe Nimrod mbuɗ sa ma ndoon cocona. Ni kay ndaɗta suuna di ana, «Li sa ma ndoon cocona ii Yawe ko Nimrod naa.» 10Ҥoŋzi namma ŋgolo ma jewna ni Babel, Erek, Akad u Kalne, hu mbassa Sinear. 11Nimrod hin mbas ndaɗta ha ki tani tuɗ Asiri. Nam min ɦoŋzina Ninive, Rehobot u Kela, 12u Ressen duk ɦoŋzi ma Ninive u zi ma ŋgol ma Kelana.
13Misraimmi bu ŋgolo suu Ludna, Anamma, Lehabma, Naftuna, 14Patrosna, Kasluna, ni njaf suu Filistinna, u Kaftorna.
15Kanaan vuɗ Sidon, gorom ma ŋgolna, u Het. 16Ni bu ŋgolo suu Jebusna, Amorna, Girgakŋa, 17Hivna, Arkenna, Sinena, 18Arvadna, Semarna u Hamatna. Ŋgoo dagani suu Kanaanna njay kiyo. 19Ndaŋga masira col ay Sidon ta ta tew Gerar, u Gaza. Tew keŋ ma Sodom u Gomor, Adma u Seboim, gak gak tew Leka. 20Ni goryoŋ Kamma njay ki ni u njafasiya u vunusiya, ki hu mbas masira, u dee masira zeɗ zeɗ.
21Sem wayaŋ Jafet ma ŋgolna vuɗ gorra lay. Nammi bu ŋgolo Heber u njafam halaŋ. 22Goryoŋ Semma ni Elam, Asur, Arpaksad, Lud u Aram. 23Goryoŋ Aramma, Us, Hul, Geter u Mak.
24Arpaksad ni bu Sela, Sela ni bu Heber. 25Heber vuɗ gorra mba', ma ŋgolna yam ana Peleg, ni ana ɓorowra, kay mege, hu coki ndaɗta ni suuna ɓorow irisi ki zeɗ zeɗ. Wayam ma goona sem ana Yoktan. 26Yoktan vuɗ Almodad, Selef, Hasarmavet, Yera, 27Hadoram, Uzal, Dikla, 28Obal, Abimael, Saba, 29Ofir, Havila, Yobab. Halaŋ ca ni goryoŋ Yoktanna. 30Asi laki ni duk ɦoŋ Meka u li ɦinira Sefarra ii u maɗiina.
31Ni goryoŋ Semma njay ki u njafasi u vunusi, hu mbas masira u dee masira zeɗ zeɗ.
32Ni dee goryoŋ Nowana li ni na, sesi u deeresi njafasi zeɗ zeɗ. Deera njay ki ŋgoo mbo ŋgolna ma tli kay ndaŋgarana zeɗ zeɗ col ay ni usiya.
Արդեն Ընտրված.
URA TIN AYRA 10: BMS
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Bible Moussey © Bible Society of Chad, 2002.