चेलै रै कम 10
10
पतरस जो कुरनेलियुस रा बुलावा
1कैसरिया नगर मन्ज कुरनेलियुस नां रा अक्क मणु थू, जैडा इतालियानी नां री पलटण रा सुबेदार थू। 2सो भक्त थू, अतै अपणै पूरै घरानै सोगी प्रमात्मैं थऊँ ड़रदा थू, अतै यहूदी मणु जो बड़ा दान दिन्दा, अतै बराबर प्रमात्मां सितै प्रार्थना करदा थू। 3अक्क दिन तिनी दिना रै लगभग त्राई बजै स्पष्ट रूपा सितै हेरू कि प्रमात्मैं रा अक्क स्वर्गदूत तैस बलै अंदर ईच्ची करी बलदा, “हे कुरनेलियुस!”
4तिनी तैसिओ ध्याना सोगी हेरू अतै ड़री करी बल्लू, “हे प्रभु, कै हा?” तिनी तैस सोगी बल्लू, “तेरी प्रार्थना अतै तेरै दान प्रमात्मैं याद करै हिन; 5अतै अबै याफा नगर मन्ज मणु भैजी करी शमौन जैसिओ पतरस भी बलदै हिन, हैदी लै। 6सो शमौन, चमड़े रा कम करनै बाळै रै घरै ठहरूरा हा, जैसेरा घर समुंद्र रै कण्ड़ै हा।”
7जैहणै सो स्वर्गदूत जिनी तैस सोगी गल्ला करी थी चली गो, ता तिनी दोई सेवक, अतै जैड़ै तसेरै सामणै हाजिर रैहन्दै थियै तियां थऊँ अक्क सपाई भक्त जो हैदु, 8अतै तियां जो सब गल्ला समझाई करी याफा नगर जो पतरस जो लैईणा भैजु।
पतरसा रा दर्शन
9दूये दिन चलदै चलदै जैहणै सो मणु नगरा मन्ज पुजै, ता दोफारा रै नेड़ै पतरस कोठै पुर प्रार्थना करनै जो चढु। 10तैसिओ भूख लगी अतै कुछ खाणा चाहन्दा थू, पर जैहणै सो खाणा बनाणै री तैयारी करू करदै थियै तैहणै सो बेहोश भूच्ची गो; 11अतै तिनी हेरू, कि अम्बर खुली गो हा; अतै अक्क बड़ी चादर सांईयै चंऊ कनारै थऊँ लटकुरा धरती री कनारी ओसु करदा। 12जैत मन्ज धरती रै सब तरह रै चौं पैरा बाळै अतै रेगणैवाळै जन्तु अतै अम्बरा रै पक्षी थियै। 13तैसिओ ऐसा शब्द हुणु कि, “हे पतरस उठ, मार अतै खा।”
14पर पतरसै बल्लू, “ना प्रभु, कदी भी ना; क्ओकि मैंई कोई भी अपवित्र या अशुद्ध चिज ना खाई हा।”#लैव्य. 11:1-47; यहे. 4:14.
15फिरी तैसिओ दूई बरी हुणु, “जैडा कुछ प्रमात्मैं शुद्ध ठहराऊरा, तैतिओ तू अशुद्ध मत बल।”
16त्राई बरी ऐसा ही भुआ; ता सो चादर झट अम्बरा री कनारी चुकी लैऊ।
17जैहणै पतरस अपणै मना मन्ज सोचु ही करदा थू, कि ऐह दर्शन जैडा मैंई हेरूआ कै भूच्ची सकदा, ता हेरा, सो मणु जिंआं जो कुरनेलियुसे भैजुरा थू, शमौन रै घरा रा पता पूछदै तसेरै ही घरै ईच्ची खड़ियै, 18अतै हक्का पाई करी पुछणा लगै, “कै शमौन जैसिओ पतरस भी बलदै हिन, मेहमान ऐठीये ही हा?”
19पतरस ता तैस दर्शना पुर सोचु ही करदा थू, कि पवित्र आत्मै तैस सोगी बल्लू, “हेर त्राई मणु तेरी तोपा मन्ज हिन। 20अतै उूठी करी थलै गा, अतै नि:संकोच तियां सोगी चली गा; क्ओकि मैंई ही तियां जो भैजुरा हा।”
21ता पतरसै ओसी करी तियां मणु सोगी बल्लू, “हेरा, जैसिओ तुहै तोपू करदै हिन, सो अऊँ ही हा। तून्दै ईणै री वजह कै हा?”
22तिन्यै बल्लू, “कुरनेलियुस सुबेदार जैडा धर्मी अतै प्रमात्मैं थऊँ डरनैवाळा अतै सब यहूदी जाति मन्ज सुनाम मणु हा, तिनी अक्क पवित्र स्वर्गदूता रा दर्शन पाऊ हा कि तिजो अपणै घरा मन्ज हैदी करी बचन हुणा।” 23ता तिनी अंदर हैदी करी तंयारी सेवा करी।
कुरनेलियुस रै घरा मन्ज पतरस
दूये दिन सो तियां सोगी गो, अतै याफा नगर रै विस्वासी भाई थऊँ कुछ तैस सोगी भूच्ची गै। 24दूये दिन सो कैसरिया पुजै, अतै कुरनेलियुस अपणै टबरा अतै प्रेमी मित्रा जो इकट्ठा करीके तंयारी भाळ करू करदै थियै। 25जैहणै पतरस अंदरा जो ईणा लगुरा थू, ता कुरनेलियुस तैस सोगी मुळु, अतै तसेरै पैरै पैई करी तैसिओ प्रणाम करू; 26पर पतरसै तैसिओ चुकी करी बल्लू, “खड़ी गा, अऊँ भी ता मणु ही हा, मेरी आराधना मत कर।”
27अतै तैस सोगी गल्ल-बात करदा अंदरा जो गो, अतै मतै सारै मणु जो इकट्ठै हेरी करी 28पतरसै तियां सोगी बल्लू, “तुहै जाणदै हिन कि गैर यहूदी सितै संगति रखणा या तियां वलै गाणा असु यहूदी तांयें व्यवस्था रै विरूद्ध हा, पर प्रमात्मैं मिन्जो सितै दस्सु हा कि कसी भी मणु जो अपवित्र या अशुद्ध ना बल। 29ठेरैतांये जैहणै हैदु ता बिना कुछ कणैई करी अऊँ चली आ। अबै अऊँ पूछदा कि मिन्जो कस कम्मा तांयें हैदुआ?”
30कुरनेलियुसे बल्लू, “ऐसा घड़ी पूरै चंऊर दिन भूच्ची गै हिन, अऊँ अपणै घरै दोफारा रै लगभग त्राई बजै प्रार्थना करू करदा थू; ता के हेरू कि अक्क मणु चमकीलै कपड़ै लाऊरा, मेरै सामणै ईच्ची खडू 31अतै बलणा लगा, ‘हे कुरनेलियुस तेरी प्रार्थना हुणी लेई गई हा अतै तेरै दान भी प्रमात्मैं सामणै याद करै हिन 32ठेरैतांये कसकि जो याफा नगर भैजी करी शमौन जैसिओ पतरस भी बलदै हिन हैदी भैज। सो समुंद्र रै कण्ड़ै शमौन, चमड़े रा कम करनैवाळै रै घरै मेहमान हा।’ जैहणै तैस ईणा ता तैस प्रमात्मैं रा संदेश तुसिओ हुणाणा। 33ता मैंई झट तिजो बलै मणु भैजै, अतै तैंई भला करू कि चली आ। अबै अहै सब प्रमात्मैं रै सामणै हिन ताकि जैडा कुछ प्रमात्मैं तिजो सोगी बलुरा तैसिओ हुणन।”
पतरसा रा उपदेश
34ता पतरसै बल्लू, “अबै मिन्जो पक्का पता लगी गो हा कि प्रमात्मां कसी रा भी पक्षपात ना करदा#व्य. 10:17; 2 इति. 19:7., 35बल्कि हर जाति मन्ज जैडा प्रमात्मैं थऊँ डरदा अतै धर्मा रै कम्मा करदा, सो तैसिओ खरा लगदा।” 36जैडा बचन तिनी इस्त्राएलिओ भैजुरा, जैहणै तिनी यीशु मसीह रै द्धारा (जैडा सबी रा प्रभु हा) शान्ती रा सुसमाचार हुणाऊ,#भज. 107:20; भज. 147:18; यशा. 52:7; नहू. 1:15. 37सो बचन तुहै जाणदै हिन, जैडा यूहन्ना रै बपतिस्मा रै प्रचार थऊँ बाद गलील जिलै थऊँ शुरू भूच्ची करी यहूदिया परदेस री कई जगह मन्ज फैली गो 38प्रमात्मैं कस तरीकै सितै यीशु नासरी जो पवित्र आत्मा अतै सामर्थ सितै अभिषेक करू; सो भलाई करदा अतै सबी जो जैड़ै शैतान रै सताऊरै थियै, खरा करदा फिरू, क्ओकि प्रमात्मां तैस सोगी थू।#यशा. 61:1.
39“अहै सब तियां कमां रै गवाह हिन; जैड़ै तिनी यहूदिया परदेस अतै यरूशलेम मन्ज करूरै हिन, अतै तिन्यै तैसिओ क्रूस पुर लटकाई करी मारी दिता।#व्य. 21:22-23. 40पर तैसिओ प्रमात्मैं त्रियै दिन मरूरै थऊँ फिरी जीयाऊ, अतै प्रकट भी करी दिता; 41सब मणु पुर ना पर तियां गवाह पुर जिंआं जो प्रमात्मैं पैहलै ही चुणी लैऊरा थू, अर्थात असु पुर जिन्यैं तसेरै मरूरै थऊँ जिणै रै बाद सोगी खाऊ-पिऊ; 42अतै तिनी असिओ हूक्म दिता कि मणु मन्ज प्रचार करा अतै गवाही देय्आ, कि यीशु ही हा जैसिओ प्रमात्मैं जिन्दै अतै मरूरै रा न्यायी ठहराऊरा हा। 43तसेरी सब भविष्यवक्ता गवाही दिन्दै हिन कि जैडा कोई तैस पुर विस्वास करला, तैसिओ यीशु रै नां रै द्धारा पापा री माफी मुळणी हा।”#यशा. 33:24; यशा. 53:5-6; यिर्म. 31:34; दानि. 9:24.
गैर यहूदी पुर पवित्र आत्मा रा उतरना
44पतरस ऐह कणैऊ ही करदा थू कि पवित्र आत्मा बचन हुणनैबाळै सबी पुर उतरी आ। 45अतै जैतणै यहूदी विस्वासी पतरस सोगी छुरै थियै, सो सब हैरान भुएै कि गैर यहूदी पुर भी पवित्र आत्मा रा दान दिता।
46क्ओकि तिन्यै तियां जो होर अलग अलग भाषा बलदै अतै प्रमात्मैं री बड़ाई करदै हुणु। ता पतरसै बल्लू, 47“कै कोई पाणी जो रोकी सकदा कि ऐह बपतिस्मा ना लैन, जिन्यैं असु सांईयै पवित्र आत्मा जो पाऊ?” 48अतै पतरसै हूक्म दिता कि इन्या जो यीशु मसीह रै नां सितै बपतिस्मा दिता गच्छा। ता तिन्यै तैस सोगी बिनती करी कि सो कुछ दिन होर तियां सोगी रेय्आ।
Արդեն Ընտրված.
चेलै रै कम 10: GBKNT
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
This work is licensed under Creative Commons Attribution-ShareAlike 4.0 License.
चेलै रै कम 10
10
पतरस जो कुरनेलियुस रा बुलावा
1कैसरिया नगर मन्ज कुरनेलियुस नां रा अक्क मणु थू, जैडा इतालियानी नां री पलटण रा सुबेदार थू। 2सो भक्त थू, अतै अपणै पूरै घरानै सोगी प्रमात्मैं थऊँ ड़रदा थू, अतै यहूदी मणु जो बड़ा दान दिन्दा, अतै बराबर प्रमात्मां सितै प्रार्थना करदा थू। 3अक्क दिन तिनी दिना रै लगभग त्राई बजै स्पष्ट रूपा सितै हेरू कि प्रमात्मैं रा अक्क स्वर्गदूत तैस बलै अंदर ईच्ची करी बलदा, “हे कुरनेलियुस!”
4तिनी तैसिओ ध्याना सोगी हेरू अतै ड़री करी बल्लू, “हे प्रभु, कै हा?” तिनी तैस सोगी बल्लू, “तेरी प्रार्थना अतै तेरै दान प्रमात्मैं याद करै हिन; 5अतै अबै याफा नगर मन्ज मणु भैजी करी शमौन जैसिओ पतरस भी बलदै हिन, हैदी लै। 6सो शमौन, चमड़े रा कम करनै बाळै रै घरै ठहरूरा हा, जैसेरा घर समुंद्र रै कण्ड़ै हा।”
7जैहणै सो स्वर्गदूत जिनी तैस सोगी गल्ला करी थी चली गो, ता तिनी दोई सेवक, अतै जैड़ै तसेरै सामणै हाजिर रैहन्दै थियै तियां थऊँ अक्क सपाई भक्त जो हैदु, 8अतै तियां जो सब गल्ला समझाई करी याफा नगर जो पतरस जो लैईणा भैजु।
पतरसा रा दर्शन
9दूये दिन चलदै चलदै जैहणै सो मणु नगरा मन्ज पुजै, ता दोफारा रै नेड़ै पतरस कोठै पुर प्रार्थना करनै जो चढु। 10तैसिओ भूख लगी अतै कुछ खाणा चाहन्दा थू, पर जैहणै सो खाणा बनाणै री तैयारी करू करदै थियै तैहणै सो बेहोश भूच्ची गो; 11अतै तिनी हेरू, कि अम्बर खुली गो हा; अतै अक्क बड़ी चादर सांईयै चंऊ कनारै थऊँ लटकुरा धरती री कनारी ओसु करदा। 12जैत मन्ज धरती रै सब तरह रै चौं पैरा बाळै अतै रेगणैवाळै जन्तु अतै अम्बरा रै पक्षी थियै। 13तैसिओ ऐसा शब्द हुणु कि, “हे पतरस उठ, मार अतै खा।”
14पर पतरसै बल्लू, “ना प्रभु, कदी भी ना; क्ओकि मैंई कोई भी अपवित्र या अशुद्ध चिज ना खाई हा।”#लैव्य. 11:1-47; यहे. 4:14.
15फिरी तैसिओ दूई बरी हुणु, “जैडा कुछ प्रमात्मैं शुद्ध ठहराऊरा, तैतिओ तू अशुद्ध मत बल।”
16त्राई बरी ऐसा ही भुआ; ता सो चादर झट अम्बरा री कनारी चुकी लैऊ।
17जैहणै पतरस अपणै मना मन्ज सोचु ही करदा थू, कि ऐह दर्शन जैडा मैंई हेरूआ कै भूच्ची सकदा, ता हेरा, सो मणु जिंआं जो कुरनेलियुसे भैजुरा थू, शमौन रै घरा रा पता पूछदै तसेरै ही घरै ईच्ची खड़ियै, 18अतै हक्का पाई करी पुछणा लगै, “कै शमौन जैसिओ पतरस भी बलदै हिन, मेहमान ऐठीये ही हा?”
19पतरस ता तैस दर्शना पुर सोचु ही करदा थू, कि पवित्र आत्मै तैस सोगी बल्लू, “हेर त्राई मणु तेरी तोपा मन्ज हिन। 20अतै उूठी करी थलै गा, अतै नि:संकोच तियां सोगी चली गा; क्ओकि मैंई ही तियां जो भैजुरा हा।”
21ता पतरसै ओसी करी तियां मणु सोगी बल्लू, “हेरा, जैसिओ तुहै तोपू करदै हिन, सो अऊँ ही हा। तून्दै ईणै री वजह कै हा?”
22तिन्यै बल्लू, “कुरनेलियुस सुबेदार जैडा धर्मी अतै प्रमात्मैं थऊँ डरनैवाळा अतै सब यहूदी जाति मन्ज सुनाम मणु हा, तिनी अक्क पवित्र स्वर्गदूता रा दर्शन पाऊ हा कि तिजो अपणै घरा मन्ज हैदी करी बचन हुणा।” 23ता तिनी अंदर हैदी करी तंयारी सेवा करी।
कुरनेलियुस रै घरा मन्ज पतरस
दूये दिन सो तियां सोगी गो, अतै याफा नगर रै विस्वासी भाई थऊँ कुछ तैस सोगी भूच्ची गै। 24दूये दिन सो कैसरिया पुजै, अतै कुरनेलियुस अपणै टबरा अतै प्रेमी मित्रा जो इकट्ठा करीके तंयारी भाळ करू करदै थियै। 25जैहणै पतरस अंदरा जो ईणा लगुरा थू, ता कुरनेलियुस तैस सोगी मुळु, अतै तसेरै पैरै पैई करी तैसिओ प्रणाम करू; 26पर पतरसै तैसिओ चुकी करी बल्लू, “खड़ी गा, अऊँ भी ता मणु ही हा, मेरी आराधना मत कर।”
27अतै तैस सोगी गल्ल-बात करदा अंदरा जो गो, अतै मतै सारै मणु जो इकट्ठै हेरी करी 28पतरसै तियां सोगी बल्लू, “तुहै जाणदै हिन कि गैर यहूदी सितै संगति रखणा या तियां वलै गाणा असु यहूदी तांयें व्यवस्था रै विरूद्ध हा, पर प्रमात्मैं मिन्जो सितै दस्सु हा कि कसी भी मणु जो अपवित्र या अशुद्ध ना बल। 29ठेरैतांये जैहणै हैदु ता बिना कुछ कणैई करी अऊँ चली आ। अबै अऊँ पूछदा कि मिन्जो कस कम्मा तांयें हैदुआ?”
30कुरनेलियुसे बल्लू, “ऐसा घड़ी पूरै चंऊर दिन भूच्ची गै हिन, अऊँ अपणै घरै दोफारा रै लगभग त्राई बजै प्रार्थना करू करदा थू; ता के हेरू कि अक्क मणु चमकीलै कपड़ै लाऊरा, मेरै सामणै ईच्ची खडू 31अतै बलणा लगा, ‘हे कुरनेलियुस तेरी प्रार्थना हुणी लेई गई हा अतै तेरै दान भी प्रमात्मैं सामणै याद करै हिन 32ठेरैतांये कसकि जो याफा नगर भैजी करी शमौन जैसिओ पतरस भी बलदै हिन हैदी भैज। सो समुंद्र रै कण्ड़ै शमौन, चमड़े रा कम करनैवाळै रै घरै मेहमान हा।’ जैहणै तैस ईणा ता तैस प्रमात्मैं रा संदेश तुसिओ हुणाणा। 33ता मैंई झट तिजो बलै मणु भैजै, अतै तैंई भला करू कि चली आ। अबै अहै सब प्रमात्मैं रै सामणै हिन ताकि जैडा कुछ प्रमात्मैं तिजो सोगी बलुरा तैसिओ हुणन।”
पतरसा रा उपदेश
34ता पतरसै बल्लू, “अबै मिन्जो पक्का पता लगी गो हा कि प्रमात्मां कसी रा भी पक्षपात ना करदा#व्य. 10:17; 2 इति. 19:7., 35बल्कि हर जाति मन्ज जैडा प्रमात्मैं थऊँ डरदा अतै धर्मा रै कम्मा करदा, सो तैसिओ खरा लगदा।” 36जैडा बचन तिनी इस्त्राएलिओ भैजुरा, जैहणै तिनी यीशु मसीह रै द्धारा (जैडा सबी रा प्रभु हा) शान्ती रा सुसमाचार हुणाऊ,#भज. 107:20; भज. 147:18; यशा. 52:7; नहू. 1:15. 37सो बचन तुहै जाणदै हिन, जैडा यूहन्ना रै बपतिस्मा रै प्रचार थऊँ बाद गलील जिलै थऊँ शुरू भूच्ची करी यहूदिया परदेस री कई जगह मन्ज फैली गो 38प्रमात्मैं कस तरीकै सितै यीशु नासरी जो पवित्र आत्मा अतै सामर्थ सितै अभिषेक करू; सो भलाई करदा अतै सबी जो जैड़ै शैतान रै सताऊरै थियै, खरा करदा फिरू, क्ओकि प्रमात्मां तैस सोगी थू।#यशा. 61:1.
39“अहै सब तियां कमां रै गवाह हिन; जैड़ै तिनी यहूदिया परदेस अतै यरूशलेम मन्ज करूरै हिन, अतै तिन्यै तैसिओ क्रूस पुर लटकाई करी मारी दिता।#व्य. 21:22-23. 40पर तैसिओ प्रमात्मैं त्रियै दिन मरूरै थऊँ फिरी जीयाऊ, अतै प्रकट भी करी दिता; 41सब मणु पुर ना पर तियां गवाह पुर जिंआं जो प्रमात्मैं पैहलै ही चुणी लैऊरा थू, अर्थात असु पुर जिन्यैं तसेरै मरूरै थऊँ जिणै रै बाद सोगी खाऊ-पिऊ; 42अतै तिनी असिओ हूक्म दिता कि मणु मन्ज प्रचार करा अतै गवाही देय्आ, कि यीशु ही हा जैसिओ प्रमात्मैं जिन्दै अतै मरूरै रा न्यायी ठहराऊरा हा। 43तसेरी सब भविष्यवक्ता गवाही दिन्दै हिन कि जैडा कोई तैस पुर विस्वास करला, तैसिओ यीशु रै नां रै द्धारा पापा री माफी मुळणी हा।”#यशा. 33:24; यशा. 53:5-6; यिर्म. 31:34; दानि. 9:24.
गैर यहूदी पुर पवित्र आत्मा रा उतरना
44पतरस ऐह कणैऊ ही करदा थू कि पवित्र आत्मा बचन हुणनैबाळै सबी पुर उतरी आ। 45अतै जैतणै यहूदी विस्वासी पतरस सोगी छुरै थियै, सो सब हैरान भुएै कि गैर यहूदी पुर भी पवित्र आत्मा रा दान दिता।
46क्ओकि तिन्यै तियां जो होर अलग अलग भाषा बलदै अतै प्रमात्मैं री बड़ाई करदै हुणु। ता पतरसै बल्लू, 47“कै कोई पाणी जो रोकी सकदा कि ऐह बपतिस्मा ना लैन, जिन्यैं असु सांईयै पवित्र आत्मा जो पाऊ?” 48अतै पतरसै हूक्म दिता कि इन्या जो यीशु मसीह रै नां सितै बपतिस्मा दिता गच्छा। ता तिन्यै तैस सोगी बिनती करी कि सो कुछ दिन होर तियां सोगी रेय्आ।
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
This work is licensed under Creative Commons Attribution-ShareAlike 4.0 License.