चेलै रै कम 9
9
शाऊल रा ह्रदय परिवर्तन
(चेलै रै कम 22:6-16; 26:12-18)
1शाऊल जैडा हालि तिकर प्रभु रै चेलै जो धमकाणै अतै मारनै री धुन मन्ज थू, महायाजक बल्लै गो। 2अतै तिनी दमिश्क शहर रै यहूदी रै सभागार रै नां पुर ऐस मतलब जो लेई करी चिट्ठी मँगी कि कै मर्द कै जनानी, जिंआं जो सो यीशु रै दसुरै पंथ पुर चलदा पाला तियां जो बनी करी यरूशलेम लेई ईला। 3पर चलदै चलदै जैहणै शाऊल अतै तसेरै साथी दमिश्क शहर रै नेड़ै पुजु ता अकदम अम्बरा थऊँ चंऊ कनारी लौ चमकी, 4अतै सो धरती पुर पैई गो अतै ऐह हुणु, “हे शाऊल, हे शाऊल, तू मिन्जो कजो सतांदा?”
5तिनी पूछु, “हे प्रभु तू कुणआ?” तिनी बल्लू, “अऊँ यीशु हा, जैसिओ तू सतांदा। 6पर अबै उूठी करी नगर मन्ज गा, अतै जैडा तिजो करना सो तिजो दस्सी दिणा।”
7जैड़ै मणु तैस सोगी थियै, सो अवाक् रैई गै; क्ओकि आवाज ता सो हुणु करदै थियै पर तियां जो हुजु कोई ना करदा थू। 8ता शाऊल धरती थऊँ ऊठु, पर जैहणै हाख्री खोली ता तैसिओ कुछ भी ना हुजु, ता सो तसेरा हत्थ पकड़ी के दमिश्क नगर लेई गै। 9सो त्राई दिन तक ना हेरी सकू, अतै ना खाऊ अतै ना पिऊ।
10दमिश्क नगर मन्ज हनन्याह नां रा अक्क चेला थू, तैस सोगी प्रभुऐ दर्शन मन्ज बल्लू, “हे हनन्याह!” तिनी बल्लू, “हाँ प्रभु।”
11ता प्रभुऐ तैस सोगी बल्लू, “उूठी करी तैहा गळी मन्ज गा जैड़ी ‘सिधी’ कहलान्दिआ, अतै यहूदा रै घरै मन्ज शाऊल नां रा तरसुसवासी जो पुछ; क्ओकि हेर, सो प्रार्थना करू करदा। 12अतै तिनी हनन्याह नां रै अक्की मणु जो अंदर ईन्दै अतै अपणै ऊपर हत्थ रखदै हेरू; ताकि सो फिरी हेरना लगी पैय्आ।”
13हनन्याह जवाव दिता, “हे प्रभु, अऊँ ऐस मणु रै बारै मन्ज मतै थऊँ हुणुरा कि ईनी यरूशलेम मन्ज तेरै पवित्र मणु सोगी बड़ी बड़ी बुराई करूरी हिन; 14अतै ऐसिओ प्रधान याजका थऊँ ऐह अधिकार भी मुळुरा हा कि जैडा तेरा नां लैन्दै हिन, तियां सबी जो ऐह बन्दी बणाई लेय्आ।”
15पर प्रभुऐ तैस सोगी बल्लू, “तू चली गा; क्ओकि सो ता गैर यहूदी जो अतै राजा अतै इस्त्राएली रै सामणै मेरा नां प्रकट करनै तांयें मेरा चुणुरा जन हा। 16अतै मुँ तैसिओ दसणा कि मेरा नां तांयें तैसिओ किन्ना किन्ना दुख चुकणा पैणा।”
17ता हनन्याह उूठी करी तैस घरा मन्ज गो जैड़ी शाऊल थू, अतै तैस पुर अपणा हत्थ रखी करी बल्लू, “हे भाई शाऊल, प्रभुऐ, अर्थात यीशुऐ, जैडा तैस रस्तै मन्ज, जेहा मित्तै तू आ तिजो हुजु थू, तिनी ही मिन्जो भैजुआ कि तू फिरी हेरना लगी पैय्आ अतै पवित्र आत्मा सितै भरी गच्छा।” 18अतै झट तसेरी हाख्री थऊँ छिलकै जिन्नै पैई गै अतै सो हेरना लगी पैऊ, अतै उूठी करी बपतिस्मा लैऊ; 19फिरी खाणा खाई करी ताकत आई।
सो कई दिन तक तियां चेलै सोगी रैऊ जैड़ै दमिशक शहर मन्ज थियै।
दमिश्क मन्ज शाऊल रा प्रचार
20ता शाऊल झट दमिशक शहर मन्ज यहूदी रै सभागार मन्ज यीशु रा प्रचार करना लगा कि सो प्रमात्मैं रा पुत्र हा। 21सब हुणनैबाळै हैरान भूच्ची करी बलणा लगै, “कै ऐह सो मणु निय्आ जैडा यरूशलेम मन्ज यीशु रा नां लैणैबाळै जो मारी दिन्दा थू; अतै ऐड़ी भी तैत तांयें ही छूरा थू कि तियां जो बनी करी प्रधान याजका बलै लेई गच्छा?” 22पर शाऊल होर भी सामर्थी भुन्दा गो, अतै ऐसा गल्ला री गवाही दिकरी कि मसीह ऐह ही हा, दमिश्क मन्ज रैहणैवाळै यहूदी रा मुँह बन्द करदा रैऊ।
23जैहणै मतै दिन भूच्ची गै ता यहूदिये मिलीकरी तैसिओ मारी दिणै री योजना बणाई। 24पर तंयारी योजना शाऊल जो पता लगी गई। सो तैसिओ मारनै तांयें रात-दिन फाटका मन्ज घात लगाई खड़ी रैहन्दै थियै। 25पर राती तसेरै चेलै तैसिओ लेई करी शहरा री दीवार पुर गै अतै शाऊल जो टोकरै मन्ज बहालु अतै टोकरै जो रस्सी सोगी बनी करी दीवार रै दूई कनारी उतारी दिता।
यरूशलेम मन्ज शाऊल
26यरूशलेम मन्ज पुजीकरी शाऊल चेलै सोगी मिलणै रै कोशिश करी; पर सब तैस थऊँ डरदै थियै, क्ओकि तियां जो विस्वास ना भुन्दा थू, कि सो भी अक्क यीशु रा चेला बणी गो हा। 27पर बरनबास तैसिओ अपणै सोगी प्रेरिता बलै नि करी तियां जो बल्लू कि ईनी कस तरीकै बत्ता मन्ज यीशु जो हेरूआ, अतै ईनी तियां सोगी गल्ला करी; फिरी दमिश्क मन्ज ईनी कस तरीकै हिम्मत सोगी प्रचार करूआ। 28सो तियां सोगी यरूशलेम मन्ज इन्दा-गान्दा रैऊ 29अतै बेधड़क भूच्ची करी प्रभु रै नां रा प्रचार करदा; अतै यूनानी भाषा बलणैवाळै यहूदी सोगी गल्ल बात अतै वाद-विवाद करदा थू। पर सो तैसिओ मारनै रा पा करना लगै। 30ऐह जाणी करी विस्वासी भाई तैसिओ कैसरिया शहर लेई आये, अतै तरसुस शहर जो भैजी दिता।
31ऐस तरीकै पूरै यहूदिया, गलील अतै सामरिया परदेस मन्ज कलीसिया जो चैन मुळु, अतै तंयारी उन्नति भुन्दी गई; अतै सो प्रभु रै ड़रा अतै पवित्र आत्मा री शान्ती मन्ज चलदी अतै गिणती मन्ज बददी रैई।
लुद्दा अतै याफा नगर मन्ज पतरस
32फिरी ऐसा भुआ कि पतरस हर जगह फिरदा फिरदा, तियां पवित्र मणु वलै भी पुजु जैड़ै लुद्दा ग्राँ मन्ज रैहन्दै थियै। 33तैड़ी तैसिओ एनियास नां रा हद्रगीं मणु मुळु, जैडा अठ साला थऊँ मन्जै पुर पेऊरा थू। 34पतरसै तैस सोगी बल्लू, “हे एनियास! यीशु मसीह तिजो ठीक करदा। उठ, अपणै बछाणा चुक।” सो झट खड़ी गो। 35ता लुद्दा अतै शारोन रै रैहणै बाळै कई मणु तैसिओ हेरी करी प्रभु री कनारी फिरै।
36याफा नगर मन्ज तबीता#9:36 तबीता यूनानी भाषा मन्ज तबीता जो दोरकास बलदै हिन जठेरा अर्थ हा हिरण। नां री अक्क विस्वासी रैहन्दी थी। सो बड़ै भलै भलै कम अतै गरीबा री मदद करदी थी। 37तियां दिन मन्ज सो बमार भूच्ची करी मरी गई; अतै तिन्यै तैहा जो नहलाई करी अटारी मन्ज रखी दिता। 38ठेरैतांये कि लुद्दा याफा नगर रै नेड़ै थू, चेलै ऐह हुणी करी कि पतरस तैड़ीआ, दोई मणु भैजी करी तैस सोगी बिनती करी, “असु बलै ईणै री देर मत कर।”
39ता पतरस उूठी करी तियां सोगी भूच्ची गो, अतै जैहणै सो पुजु ता सो तैसिओ अटारी पुर लेई गै। सब विधवा रून्दी-रून्दी तसेरै ब्रखै खड़ी गई, अतै जैड़ै कुरतै अतै कपड़ै तैहै तियां सोगी बणाऊरै थियै, तियां जो दसणा लगी।
40ता पतरसै सबी जो बाहर करी दिता, अतै घुटनै रै भारै प्रार्थना करी अतै लाशा री कनारी हेरी करी बल्लू, “हे तबीता उठ।” ता तैहै अपणी हाख्री खोली दिती; अतै पतरस जो हेरी करी उूठी बैही। 41तिनी बाल दिकरी तैहा जो उठालु, अतै पवित्र मणु अतै विधवा जो हैदी करी तैहा जो जिन्दा दसी दिता। 42ऐह गल्ल पूरै याफा नगर मन्ज फैली गई; अतै मतै सारै मणुऐ प्रभु पुर विस्वास करू। 43अतै पतरस याफा नगर मन्ज शमौन नां रै कसकि चमड़े रा धन्धा करनैवाळै रै बलै बड़ै दिन तक रैऊ।
Արդեն Ընտրված.
चेलै रै कम 9: GBKNT
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
This work is licensed under Creative Commons Attribution-ShareAlike 4.0 License.
चेलै रै कम 9
9
शाऊल रा ह्रदय परिवर्तन
(चेलै रै कम 22:6-16; 26:12-18)
1शाऊल जैडा हालि तिकर प्रभु रै चेलै जो धमकाणै अतै मारनै री धुन मन्ज थू, महायाजक बल्लै गो। 2अतै तिनी दमिश्क शहर रै यहूदी रै सभागार रै नां पुर ऐस मतलब जो लेई करी चिट्ठी मँगी कि कै मर्द कै जनानी, जिंआं जो सो यीशु रै दसुरै पंथ पुर चलदा पाला तियां जो बनी करी यरूशलेम लेई ईला। 3पर चलदै चलदै जैहणै शाऊल अतै तसेरै साथी दमिश्क शहर रै नेड़ै पुजु ता अकदम अम्बरा थऊँ चंऊ कनारी लौ चमकी, 4अतै सो धरती पुर पैई गो अतै ऐह हुणु, “हे शाऊल, हे शाऊल, तू मिन्जो कजो सतांदा?”
5तिनी पूछु, “हे प्रभु तू कुणआ?” तिनी बल्लू, “अऊँ यीशु हा, जैसिओ तू सतांदा। 6पर अबै उूठी करी नगर मन्ज गा, अतै जैडा तिजो करना सो तिजो दस्सी दिणा।”
7जैड़ै मणु तैस सोगी थियै, सो अवाक् रैई गै; क्ओकि आवाज ता सो हुणु करदै थियै पर तियां जो हुजु कोई ना करदा थू। 8ता शाऊल धरती थऊँ ऊठु, पर जैहणै हाख्री खोली ता तैसिओ कुछ भी ना हुजु, ता सो तसेरा हत्थ पकड़ी के दमिश्क नगर लेई गै। 9सो त्राई दिन तक ना हेरी सकू, अतै ना खाऊ अतै ना पिऊ।
10दमिश्क नगर मन्ज हनन्याह नां रा अक्क चेला थू, तैस सोगी प्रभुऐ दर्शन मन्ज बल्लू, “हे हनन्याह!” तिनी बल्लू, “हाँ प्रभु।”
11ता प्रभुऐ तैस सोगी बल्लू, “उूठी करी तैहा गळी मन्ज गा जैड़ी ‘सिधी’ कहलान्दिआ, अतै यहूदा रै घरै मन्ज शाऊल नां रा तरसुसवासी जो पुछ; क्ओकि हेर, सो प्रार्थना करू करदा। 12अतै तिनी हनन्याह नां रै अक्की मणु जो अंदर ईन्दै अतै अपणै ऊपर हत्थ रखदै हेरू; ताकि सो फिरी हेरना लगी पैय्आ।”
13हनन्याह जवाव दिता, “हे प्रभु, अऊँ ऐस मणु रै बारै मन्ज मतै थऊँ हुणुरा कि ईनी यरूशलेम मन्ज तेरै पवित्र मणु सोगी बड़ी बड़ी बुराई करूरी हिन; 14अतै ऐसिओ प्रधान याजका थऊँ ऐह अधिकार भी मुळुरा हा कि जैडा तेरा नां लैन्दै हिन, तियां सबी जो ऐह बन्दी बणाई लेय्आ।”
15पर प्रभुऐ तैस सोगी बल्लू, “तू चली गा; क्ओकि सो ता गैर यहूदी जो अतै राजा अतै इस्त्राएली रै सामणै मेरा नां प्रकट करनै तांयें मेरा चुणुरा जन हा। 16अतै मुँ तैसिओ दसणा कि मेरा नां तांयें तैसिओ किन्ना किन्ना दुख चुकणा पैणा।”
17ता हनन्याह उूठी करी तैस घरा मन्ज गो जैड़ी शाऊल थू, अतै तैस पुर अपणा हत्थ रखी करी बल्लू, “हे भाई शाऊल, प्रभुऐ, अर्थात यीशुऐ, जैडा तैस रस्तै मन्ज, जेहा मित्तै तू आ तिजो हुजु थू, तिनी ही मिन्जो भैजुआ कि तू फिरी हेरना लगी पैय्आ अतै पवित्र आत्मा सितै भरी गच्छा।” 18अतै झट तसेरी हाख्री थऊँ छिलकै जिन्नै पैई गै अतै सो हेरना लगी पैऊ, अतै उूठी करी बपतिस्मा लैऊ; 19फिरी खाणा खाई करी ताकत आई।
सो कई दिन तक तियां चेलै सोगी रैऊ जैड़ै दमिशक शहर मन्ज थियै।
दमिश्क मन्ज शाऊल रा प्रचार
20ता शाऊल झट दमिशक शहर मन्ज यहूदी रै सभागार मन्ज यीशु रा प्रचार करना लगा कि सो प्रमात्मैं रा पुत्र हा। 21सब हुणनैबाळै हैरान भूच्ची करी बलणा लगै, “कै ऐह सो मणु निय्आ जैडा यरूशलेम मन्ज यीशु रा नां लैणैबाळै जो मारी दिन्दा थू; अतै ऐड़ी भी तैत तांयें ही छूरा थू कि तियां जो बनी करी प्रधान याजका बलै लेई गच्छा?” 22पर शाऊल होर भी सामर्थी भुन्दा गो, अतै ऐसा गल्ला री गवाही दिकरी कि मसीह ऐह ही हा, दमिश्क मन्ज रैहणैवाळै यहूदी रा मुँह बन्द करदा रैऊ।
23जैहणै मतै दिन भूच्ची गै ता यहूदिये मिलीकरी तैसिओ मारी दिणै री योजना बणाई। 24पर तंयारी योजना शाऊल जो पता लगी गई। सो तैसिओ मारनै तांयें रात-दिन फाटका मन्ज घात लगाई खड़ी रैहन्दै थियै। 25पर राती तसेरै चेलै तैसिओ लेई करी शहरा री दीवार पुर गै अतै शाऊल जो टोकरै मन्ज बहालु अतै टोकरै जो रस्सी सोगी बनी करी दीवार रै दूई कनारी उतारी दिता।
यरूशलेम मन्ज शाऊल
26यरूशलेम मन्ज पुजीकरी शाऊल चेलै सोगी मिलणै रै कोशिश करी; पर सब तैस थऊँ डरदै थियै, क्ओकि तियां जो विस्वास ना भुन्दा थू, कि सो भी अक्क यीशु रा चेला बणी गो हा। 27पर बरनबास तैसिओ अपणै सोगी प्रेरिता बलै नि करी तियां जो बल्लू कि ईनी कस तरीकै बत्ता मन्ज यीशु जो हेरूआ, अतै ईनी तियां सोगी गल्ला करी; फिरी दमिश्क मन्ज ईनी कस तरीकै हिम्मत सोगी प्रचार करूआ। 28सो तियां सोगी यरूशलेम मन्ज इन्दा-गान्दा रैऊ 29अतै बेधड़क भूच्ची करी प्रभु रै नां रा प्रचार करदा; अतै यूनानी भाषा बलणैवाळै यहूदी सोगी गल्ल बात अतै वाद-विवाद करदा थू। पर सो तैसिओ मारनै रा पा करना लगै। 30ऐह जाणी करी विस्वासी भाई तैसिओ कैसरिया शहर लेई आये, अतै तरसुस शहर जो भैजी दिता।
31ऐस तरीकै पूरै यहूदिया, गलील अतै सामरिया परदेस मन्ज कलीसिया जो चैन मुळु, अतै तंयारी उन्नति भुन्दी गई; अतै सो प्रभु रै ड़रा अतै पवित्र आत्मा री शान्ती मन्ज चलदी अतै गिणती मन्ज बददी रैई।
लुद्दा अतै याफा नगर मन्ज पतरस
32फिरी ऐसा भुआ कि पतरस हर जगह फिरदा फिरदा, तियां पवित्र मणु वलै भी पुजु जैड़ै लुद्दा ग्राँ मन्ज रैहन्दै थियै। 33तैड़ी तैसिओ एनियास नां रा हद्रगीं मणु मुळु, जैडा अठ साला थऊँ मन्जै पुर पेऊरा थू। 34पतरसै तैस सोगी बल्लू, “हे एनियास! यीशु मसीह तिजो ठीक करदा। उठ, अपणै बछाणा चुक।” सो झट खड़ी गो। 35ता लुद्दा अतै शारोन रै रैहणै बाळै कई मणु तैसिओ हेरी करी प्रभु री कनारी फिरै।
36याफा नगर मन्ज तबीता#9:36 तबीता यूनानी भाषा मन्ज तबीता जो दोरकास बलदै हिन जठेरा अर्थ हा हिरण। नां री अक्क विस्वासी रैहन्दी थी। सो बड़ै भलै भलै कम अतै गरीबा री मदद करदी थी। 37तियां दिन मन्ज सो बमार भूच्ची करी मरी गई; अतै तिन्यै तैहा जो नहलाई करी अटारी मन्ज रखी दिता। 38ठेरैतांये कि लुद्दा याफा नगर रै नेड़ै थू, चेलै ऐह हुणी करी कि पतरस तैड़ीआ, दोई मणु भैजी करी तैस सोगी बिनती करी, “असु बलै ईणै री देर मत कर।”
39ता पतरस उूठी करी तियां सोगी भूच्ची गो, अतै जैहणै सो पुजु ता सो तैसिओ अटारी पुर लेई गै। सब विधवा रून्दी-रून्दी तसेरै ब्रखै खड़ी गई, अतै जैड़ै कुरतै अतै कपड़ै तैहै तियां सोगी बणाऊरै थियै, तियां जो दसणा लगी।
40ता पतरसै सबी जो बाहर करी दिता, अतै घुटनै रै भारै प्रार्थना करी अतै लाशा री कनारी हेरी करी बल्लू, “हे तबीता उठ।” ता तैहै अपणी हाख्री खोली दिती; अतै पतरस जो हेरी करी उूठी बैही। 41तिनी बाल दिकरी तैहा जो उठालु, अतै पवित्र मणु अतै विधवा जो हैदी करी तैहा जो जिन्दा दसी दिता। 42ऐह गल्ल पूरै याफा नगर मन्ज फैली गई; अतै मतै सारै मणुऐ प्रभु पुर विस्वास करू। 43अतै पतरस याफा नगर मन्ज शमौन नां रै कसकि चमड़े रा धन्धा करनैवाळै रै बलै बड़ै दिन तक रैऊ।
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
This work is licensed under Creative Commons Attribution-ShareAlike 4.0 License.