APAN AQAO: 24
24
Isag Qhid' Mae" Yham Sang Myhi" Yu: Ra" Khyo
1Ana" Abraham wa gyai mao" byaug mung: Asang wa yao: kad' ra" lo, mau" ja: khao: ngo" mae shaman" byid' ra". 2Abraham wa yao: qo" ra" gu: alhab' re zam: pyo yaug ngad: ra" apyad qi" thao" ra" daui daui okaung re- Nga" paung gyo: mae ni" lo, jhoe" to: yang: thao: ce' to: wa,- 3Nao wa nga" yauggai zo" nho: yham sang myhi" re ce: Khanan mung" mae" byu qe mae"makhyin: yu byid: nae" ga" ra" khyo re mug:gaung we' myid gaung sang: ra" Asang Mao"So: mang re lao: yang: nao re ngo thao: ce' to: mung: ta" nhao nug: ra". 4Nao wa ngo khau: ra" mung"dan: khyo tug' lo" mung: nga" ba nam ug zo: qe mae" nga" yauggai zo: Isag qhid' mae" yham sang myhi" yeqho: yu ca" ra"- ga: ta" ra".
5Ngadqere: ai: daui daui okaung wa- aire myiqe: nau" yao" yham mae" ce: mug: khyo ngo we' macao: lo ngad: re pe" ru: kad' nae" i? Ni" yauggai zo: re nao thug' li" ra" mug: khyo ngo nhao: ke' nae" i? ga: myid' ra".
6Abraham wa- ai: mug: khyo nao nga" zo: re manhao: ke' ca" rure nao ba: to: wa,- 7Mug:gaung re sang: ra" Asang Mao"So wa- Nga" pho" yham mae" we' nga" ba nam sang cao: qenho: mug: mae" jhui" lo mung: ce: mug: re nga" myid:zo: qere byid: nae" ga: yao: wa ngore dao:so: byid' to" ra". Ai mug: mae" nga" yauggai zo" qhid' mae" yham sang myhi" re nao ye qo" qho sho' yao: wa yao" mug: lagyo: re ni" qhid' au: mae nhao: ke' byid' li" nae". 8Myiqe: nau" wa nao we' daga" manug: cao: lo ngad: re wa nao wa ce: dao:so: mae" loe; beim: li" nae". Ngadqere: pe" ru: boe" jo, boe" jo, nao wa nga" yauggai zo: re ai: mug: khyo maqo" jhui" tug' ye: nae"- ga: ta" ra". 9Airumung: ai: daui daui yaug wa yao" lo, re yao" Asang Abraham nho: paung gyo: mae jhoe" to: yang: Abraham ta" ru we' dakhyo: kad' nae" qhid' mae" thao: ce' to" ra".
10Abraham nho: jo,nho" zai yo re zam: pyo: ra" yaug ngad: ra" daui daui yaug wa yao" asang: gola:u daxe dau we' Naho na: ra" Mesopotamia mung" mug: am: shad' mae" vomo" khyo ye" lo" ra". 11Yao: ai: khyo joe" ye: lao" vomo" taung gaung shad' mae" qid thaung: mae gola:u jham re ab' nhao: ra" ai: ayo, wa myi" thao ngad mung: myiqe: qe qid khae nae" thug' li" ako". 12Yao: wa nga" Asang Abraham nho: Asang Mao"So we" ana" ba ngore aung doe; nhao mung: ni" dao:so: nga" asang: dao mae kad' byid: la,- 13Ngo wa ce: vomo" mae" myiqe: nau" qe qid li" khe' yu genae" ra" ce: qid thaung: mae na: jo; ra". 14Ngo wa yao: bam mae" dayaug re- jeju we' ni" nho: qid am re khyo" mung: ngore qid jhaug' la, ein: ta" nae". Ailao" yao: wa shaug' wa,- amung: ni" nho: gola:u jham: qhid' mae" re: ngo qid khe' byid: nae"- ga: ta" ngad: re wa yao: wa ni" daui daui yaug Isag nho: qhid' mae" nao khyin: yu: ra" yaug ngad shao:- ceru boe" lao"- nao khyin: yu: ra" yaug ngad shao:- ceru boe" lao"- nao wa ni" dao:so: re nga" Asang re kad' pyang" byid' va" rure ngo ba nae" ga: akyu" mho' ra".
15Yao: akyu" mabin: mho' shire- Rebekha wa yao" lo, sin mae qid am vo, yang: joe" li" ra". Yao: wa Abraham nho: yao: nhaung: Naho we' yao" yham sang myhi" Milkha tao: nho: yauggai zo: Bethuela nho: myiqe: zo: ngad: ra". 16Yao: wa gyai yaung" ra" myiqe: nau"ngad: ru we' zomyi: gyang" ngad: ashi". Yao: wa qid thaung: khyo gyo" ye: mung: yao" qid am re qid khae: pyang" mung: tug' lo: ra". 17Ai: daui daui yaug yao: re yeqhug' nae" ye" lo" mung:- jeju we' ni" qid am mae" ngore qid byid: jhaug' la,- ga: ta" ra".
18Ailao" yao: wa nhag' bo pho" we"- shaug' wa,- ga: ta" mung: yao" lo, sin mae" qid am re phyad za: khyo" yu yang: qid am re zaui" ci yang: jhaug' ra". 19Yao: bin: shaug' lao"- Rebekha wa ni" nho: gola:u jham: qhid' mae" re: ngo qid khe' byid: nae"- yao: bam gyi: sho' shaug' vageshao:- ga: ta" ra". 20Aimung: yao: wa gug'nyhug' jham shaug' ra" qid thaung: lhao: khug khyo yao" qid am mae" phyad za: gan sho' vhe' zaui mung:- qid yedam: khae: yu nae" qhid' mae" qid thaung: khyo tao" gyo" ye" lo" ra". Ai: daui daui yaug: nho: gola:u jham alhab' bin: shaug' sho' qid khae: zaui byid' ra". 21Ai: yauggai pho" wa Asang yao: re aung doe; nhao: va" rure ba nae" qhid' mae" sae za: yao: re lhaug' qu" na: ra".
22Yao: airu: qid bin: khe' jhaug' lao" yauggai pho" wa phug' de; ra" qhang kheim" yu: yu mung: yao" nho mae te' byid' ru we' qhang thang: qi: dazam" re yao" lo, mae vhe' byid' ra". 23Amung: yao: wa jeju we' ni" pho" khag' ngad: rure ngore ta" kyo: la,- yao" yham mae ngo we' nga" byu qe bang" khug: yu nae" jo, qo jham jo; ra" i? ga: myid' ra".
24Ailao" yao: wa- nga" pho" wa Naho we' Milkha tao: yauggai zo: Bethuela ngad: ga: phaug' tau" ra". 25Ngonhaung" yham mae khavho we' mhin kyaug' myo: sho' jo, mung: naonhaung" bang" khug nae" jo, qo re: jo; ga: tau" ra".
26Ailao" yauggai pho" wa pad' thaug' thaug' yang: Asang re caung:pa" ra". 27Yao: wa- nga" asang re kyid kyid za: dao:so: kad' pyang" byid: yaug ngad: ra" nga" asang Abraham nho: Asang Mao"So re caung:khin" byid: ge,- Asang wa nga" asang: nho: ba nam sang: cao: qejhao" din: za: ngore jhui" li" ava"- ga: ta" ra".
28Myiqe: nau" wa yao: myhi" nho: yham khyo tao" lo mung: boe" ra" khyo alhab' re lo" ta" kyo" ra". 29Rebekha wa La Ban ga: mang: ra" yao: mao: dayaug qo" ra". Yao: wa Abraham nho: daui daui yaug: na: ra" qid thaung: khyo ye: nae" qhid' mae" taung gaung khyo tao" thug' lo" ra". 30La ban wa yao: nhae: mo" nho kheim" re we' yao" lo, mae" thang: re myao lao"- ai: yauggai pho" Rebekha re pe" ta" ra" dao: jham re yao: nhae: mo" ta" yang: the' gyo" ra". Aimung: La Ban wa qid thaung: mae yao" gola:u nhae mae ye; jo; ra" Abraham nho: daui daui yaug jhao" ye" lo" ra". 31Amung: yao: wa- ngo we' daga" yham khyo lo ri:- nao wa Asang: yang shaman" byid' to" ra" yaug ngad: ra". Ce: taung gaung mae nao pe"mung: ye; jo; i? Nga" yham mae ni" qhid' mae" qe, daqe, jin" jin" jo;- ni" gola:u jham: qhid' mae" re: jo, qo jo;- ga: ta" ra".
32Airumung: ai: yauggai pho" wa yham khug khyo vao ye" lo" ra". La Ban wa gola:u jham mae" qo jham re khyo" pye' mung: khavho we' mhin: kyaug' jham byid: zho" ra". Ai: thao yao wa Abraham: daui daui yaug we' yao" byu qe khyid cid' nae" qhid' mae" qid khe' byid' ra". 33Zo:ve cijoe" lo lao"- ai: yauggai pho" wa ngo wa ngo ca" ra" dao: re mabin: jhau jhau wa ngo mazo: nae"- ga: ta" ra".
Ailao"- La Ban wa xo' yang: jhau wa,- ga: ta" ra".
34Ailao" yao: wa- ngo wa Abraham nho: daui daui yaug ngad:- 35Asang wa nga" asang re gyai myo: sho' shaman" byid: mung: yao: re jo,nho" qo" yaug dayaug boe" nhao: ra". Asang wa yao: re yao kyaung"- cad' kyaung"- nung: kyaung"- ngaui- qhang- jeim pho"- jeim myhi" jham gola:u jham loze jham byid' to" ra". 36Nga" asang: yham sang myhi" Sara wa yao: mao: thao re nga" asang: qhid' mae" yauggai zo: dayaug re khau byid: mung: nga" Asang wa yao: sang: ra" gu: ja: khao: ngo" yao: re byid' to" ava". 37Nga" Asang wa yao" amyin" dao: re phug' cao" nae" qhid' mae" ngore jham tang: yang: dao:so: kad' nhao: ra". Yao: wa- nga" yauggai zo" qhid' mae" yham sang myhi" re Khanan mung: mae" myiqe: nau" qe mae" dakhyin wa,- 38Ai: atha" nga" pho" nho: amyu" qe- nga" ba nam sang: cao: qejhao" ye: mung: yao" qhid' mae" yham sang myhi" re khyin byid: wa,- ga: ta" ra". 39Ailao" ngo wa nga" asan re- ai: myiqe: nau" ngo we' daga" macao: lo nae" re wa pe" ru: i? ein: myid' ra". 40Yao: wa ngo khonhae" re: yao" dao: re phug' cao" byid' na: yaug ngad: ra". Asang wa yao" mug: lagyo: re nao we' daga" nhao: ke' byid: mung: nao re aung myaug: nhao: li" nae". Nao wa nga" yauggai zo: qhid' mae" yham sang myhi" re nga" amyu" nga" pho" nho: yham byu qe mae" yeqo" yu byid' li" nae". 41Ni" nho: thao: ce' dao: mae" loe; beim nae" ru ni" qhid' mae" khyo dakhe' za: jo; ra". Aiwa nao nga" ba nam sang: cao: qejhao" ye: lao" nao re yao: bam lham: ha: pye' ko" ngad: re wa- nao wa aimae" loe; li" nae"- ga: ta" ra".
42Ana" ba ngo qid thaung: khyo joe" lo: au: ngo wa nga" Asang Abraham nho: Mao"So we" jeju we' ngo zaui" na: ra" mau" zo" re aung myaug nhao la, 43Ngo wa ce: qid thaung: mae na: jo; ra". Myiqe: nau" dayaug qid khe' nae" thug' li" lao" yao" qid am mae" ngore byid: jhaug' la, ein: yao: re ngo mho' nae". 44Yao: wa qad mung:- nga" gola:u jham: qid qhid' mae" re: qid khe' byid' ru ngad: re wa yao: nga" asang nho: yauggai zo" qhid' mae" yham sang myhi" khyo" nao: yang khyin: to: yaug ngad vashao:- ein: ngo akyu" mho' ra". 45Nhag' lam: khug mae akyu" mabin: mho' shire Rebekha wa yao" lo, sin mae qid am vo, yang: joe" li" mung: qid asang: khae: yu nae" ga: qid thaung: khyo gyo" ye" lo" ra". Ailao" ngo wa yao: re- jeju khyo" ngore qid byid: jhaug' la,- ein: mho' ra". 46Yao: wa phyad za: yao" lo, sin mae" qid am re khyo" mung: shaug' wa,- ni" nho: gola:u jham rere: ngo qid khae byid: nae"- ga: ta" ra". Ailao" ngo shaug' mung: yao: wa gola:u jham re qid khe' zaui byid' ra". 47Ngo wa yao: re- ni" pho" khag' ngad: i? ein: myid' re yao: wa- nga" pho" wa Naho we' Milkha tao: yauggai zo: Bethuela ngad: ga: phaug' tau" ra". Ailao" ngo wa yao" nho mae akheim" te' byid: mung: yao" lo, mae thang: vhe' byid' ra". 48Ngo wa pad' thaug' thaug' mung: Asang re caung:pa" ra". Nga" asang: yauggai zo" qhid' mae" yao" myiqe: zo: re ngo li" qhug' ra" jo, qo khyo din: za: ngore jhui" li" byid' ra" nga" asang: nho:Asang Mao"So re ngo caung:khin" byid' ra". 49Ana" nga" asang re ngonhaung" kad' ca" ra" naonhaung" qo re naonhaung" kad' pyang" byid: mung: yao: re nyang" za: kad' nae" naonhaung" seim" ko" re wa jeju khyo" ngore ta" gela, pe" kad' nae" rure ngo myid: phyid' nae"- ga: ta" ra".
50Ailao" La Ban we' Bethuela wa ce: khyo wa Asang mae" boe" li" ru ngad: ruyang ngonhaung" myid: phyid' nae" khyo majo, ngad: ra". 51Rebekha wa cemae na: ra" yao: re jhui: yang: lo" wa, Asang yao: yao: ta" to" ru we' dakhyo: yao: re ni" asang: yauggai zo" nho: yham sang myhi" boe" nhao wa,- ga: ta" ako". 52Abraham nho: daui daui yaug ce: dao: re the' gyo: lao" yao: wa goe; gyo" mung: Asang re caung:pa" ra". 53Ailao" yao: wa ve,mai ve,bau: ngaui we' qhang zai jham phoe' thug' mung:- aijham re Rebekha re byid' ra". Yao: maung re we' yao: myhi" rere: phug' de; ra" jhaung qhu" jham byid' ra".
54Ai: thao re Abraham nho: daui daui yaug we' yao: we' daga" bocao: li" ra" mo, wa zo: shaug' ako". Amung: ai: myi re aimae na lai: pye' ako". Yao: bam ne, seim no' mae" to" yang: yao: wa nga" asang jhao" dam: phao: lo" nhao gela,- ga: ta" ra".
55Ngadqere: Rebekha nho: yao: mao: we' yao: myhi" wa myiqe: nau" re ngonhaung" we' daga" dalaban mangad: lao" ba xe na nhao shige, ai: dao re yao: lo" vashao: ga: ta" ako".
56Ngadqere: yao: wa- ngonhaung" re dathang nhao lo: gela,- Asang wa nga" gyaung: khyo re aung myaug nhao: ava"- nga" asang jhao" phao: lo" nhao gela, se,- ga: ta" ra".
57-58Yao: bam wa myiqe: nau" re khai: yu mung: yao: pe" ru: ta" nae" rure myid' qu" gelang: ga: ta" ako". Airumung: yao: bam wa Rebekha re khai: yu yang: nao ceyaug we' cao: lo" nug: i? ga: myid' ako".
Ailao" yao: wa cao: lo" nug: ga: tau" ra".
59Airumung: yao: bam wa Rebekha re we' yao" daui daui okaung myhi" re Abraham nho: daui daui okaung yaug we' yao" byu qe we' daga" nhao ke' ako". 60Amung: yao: bam wa Rebekha re- nhae: mo" we" nao wa tig- taung- tug myo: sho' nho: yao: myhi" ngad vashao:-
ni"myid:zo: qe wa yao: bam: gyevo qenho: vomo" jham re sang: yu vageshao:-
ga: ce: shaman" dao: jham shaman" byid' ke' ako".
61Ai: thao Rebekha we' yao" daui daui myiqe: nau" qe wa seim" jin" mung: Abraham nho: daui daui yaug we' daga" cao nae" qhid' mae" gola:u dao khyo do; zaung yang: yao: bam alhab' mo, to" thug' li" ako".
62Isag wa Ngo re Myao: Ra" Daui: Na Ra" Yaug: nho: qid thaung: ga" ra" din"pyad' yo khyo joe" li" mung: Khanan mung" mug: thao shad' mae thang: na: jo; ra". 63Yao: wa myi" thao re khyo su" qin" nae" qhid' mae" pa: din" khyo thug' ye" lo" ra". Amung: yao: wa gola:u jham lo: na ko" rure the' myao: ra". 64Rebekha wa Isag re myao lao"- yao: wa gola:u dao mae" gyo" mung:- 65Abraham nho: daui daui yaug re- pa:din" mae ngonhaung" jhao" su" li" na: ra" yauggai wa khag' ngad: ra" i? ga: myid' ra".
Ailao" daui daui yaug wa yao: wa nga" asang ngad: ra" ga: phaug' tau" ra". Aimung: Rebekha wa yao" lang yang" re yu: yu mung: yao" myo, khung: re nghoe' pye' ra".
66Ai: daui daui yaug wa yao: kad' lo: ra" khyo ja: khao: ngo" Isag re ta" kyo" ra". 67Ai: thao Isag nho: yao: myhi" Sara na: lai: lo: ra" zaung khug khyo Rebekha re jhui" vao ye: mung: yao: wa Isag nho: yham sang myhi" boe" lo: ra". Isag wa Rebekha re jhid'de; ra". Amung: Isag wa yao: myhi" shid: byaug yang: kaug' ra" myid re nhag' tang" byid' ru qhug' ra".
Արդեն Ընտրված.
APAN AQAO: 24: LHCL
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© Bible Society of Myanmar 2009
APAN AQAO: 24
24
Isag Qhid' Mae" Yham Sang Myhi" Yu: Ra" Khyo
1Ana" Abraham wa gyai mao" byaug mung: Asang wa yao: kad' ra" lo, mau" ja: khao: ngo" mae shaman" byid' ra". 2Abraham wa yao: qo" ra" gu: alhab' re zam: pyo yaug ngad: ra" apyad qi" thao" ra" daui daui okaung re- Nga" paung gyo: mae ni" lo, jhoe" to: yang: thao: ce' to: wa,- 3Nao wa nga" yauggai zo" nho: yham sang myhi" re ce: Khanan mung" mae" byu qe mae"makhyin: yu byid: nae" ga" ra" khyo re mug:gaung we' myid gaung sang: ra" Asang Mao"So: mang re lao: yang: nao re ngo thao: ce' to: mung: ta" nhao nug: ra". 4Nao wa ngo khau: ra" mung"dan: khyo tug' lo" mung: nga" ba nam ug zo: qe mae" nga" yauggai zo: Isag qhid' mae" yham sang myhi" yeqho: yu ca" ra"- ga: ta" ra".
5Ngadqere: ai: daui daui okaung wa- aire myiqe: nau" yao" yham mae" ce: mug: khyo ngo we' macao: lo ngad: re pe" ru: kad' nae" i? Ni" yauggai zo: re nao thug' li" ra" mug: khyo ngo nhao: ke' nae" i? ga: myid' ra".
6Abraham wa- ai: mug: khyo nao nga" zo: re manhao: ke' ca" rure nao ba: to: wa,- 7Mug:gaung re sang: ra" Asang Mao"So wa- Nga" pho" yham mae" we' nga" ba nam sang cao: qenho: mug: mae" jhui" lo mung: ce: mug: re nga" myid:zo: qere byid: nae" ga: yao: wa ngore dao:so: byid' to" ra". Ai mug: mae" nga" yauggai zo" qhid' mae" yham sang myhi" re nao ye qo" qho sho' yao: wa yao" mug: lagyo: re ni" qhid' au: mae nhao: ke' byid' li" nae". 8Myiqe: nau" wa nao we' daga" manug: cao: lo ngad: re wa nao wa ce: dao:so: mae" loe; beim: li" nae". Ngadqere: pe" ru: boe" jo, boe" jo, nao wa nga" yauggai zo: re ai: mug: khyo maqo" jhui" tug' ye: nae"- ga: ta" ra". 9Airumung: ai: daui daui yaug wa yao" lo, re yao" Asang Abraham nho: paung gyo: mae jhoe" to: yang: Abraham ta" ru we' dakhyo: kad' nae" qhid' mae" thao: ce' to" ra".
10Abraham nho: jo,nho" zai yo re zam: pyo: ra" yaug ngad: ra" daui daui yaug wa yao" asang: gola:u daxe dau we' Naho na: ra" Mesopotamia mung" mug: am: shad' mae" vomo" khyo ye" lo" ra". 11Yao: ai: khyo joe" ye: lao" vomo" taung gaung shad' mae" qid thaung: mae gola:u jham re ab' nhao: ra" ai: ayo, wa myi" thao ngad mung: myiqe: qe qid khae nae" thug' li" ako". 12Yao: wa nga" Asang Abraham nho: Asang Mao"So we" ana" ba ngore aung doe; nhao mung: ni" dao:so: nga" asang: dao mae kad' byid: la,- 13Ngo wa ce: vomo" mae" myiqe: nau" qe qid li" khe' yu genae" ra" ce: qid thaung: mae na: jo; ra". 14Ngo wa yao: bam mae" dayaug re- jeju we' ni" nho: qid am re khyo" mung: ngore qid jhaug' la, ein: ta" nae". Ailao" yao: wa shaug' wa,- amung: ni" nho: gola:u jham: qhid' mae" re: ngo qid khe' byid: nae"- ga: ta" ngad: re wa yao: wa ni" daui daui yaug Isag nho: qhid' mae" nao khyin: yu: ra" yaug ngad shao:- ceru boe" lao"- nao khyin: yu: ra" yaug ngad shao:- ceru boe" lao"- nao wa ni" dao:so: re nga" Asang re kad' pyang" byid' va" rure ngo ba nae" ga: akyu" mho' ra".
15Yao: akyu" mabin: mho' shire- Rebekha wa yao" lo, sin mae qid am vo, yang: joe" li" ra". Yao: wa Abraham nho: yao: nhaung: Naho we' yao" yham sang myhi" Milkha tao: nho: yauggai zo: Bethuela nho: myiqe: zo: ngad: ra". 16Yao: wa gyai yaung" ra" myiqe: nau"ngad: ru we' zomyi: gyang" ngad: ashi". Yao: wa qid thaung: khyo gyo" ye: mung: yao" qid am re qid khae: pyang" mung: tug' lo: ra". 17Ai: daui daui yaug yao: re yeqhug' nae" ye" lo" mung:- jeju we' ni" qid am mae" ngore qid byid: jhaug' la,- ga: ta" ra".
18Ailao" yao: wa nhag' bo pho" we"- shaug' wa,- ga: ta" mung: yao" lo, sin mae" qid am re phyad za: khyo" yu yang: qid am re zaui" ci yang: jhaug' ra". 19Yao: bin: shaug' lao"- Rebekha wa ni" nho: gola:u jham: qhid' mae" re: ngo qid khe' byid: nae"- yao: bam gyi: sho' shaug' vageshao:- ga: ta" ra". 20Aimung: yao: wa gug'nyhug' jham shaug' ra" qid thaung: lhao: khug khyo yao" qid am mae" phyad za: gan sho' vhe' zaui mung:- qid yedam: khae: yu nae" qhid' mae" qid thaung: khyo tao" gyo" ye" lo" ra". Ai: daui daui yaug: nho: gola:u jham alhab' bin: shaug' sho' qid khae: zaui byid' ra". 21Ai: yauggai pho" wa Asang yao: re aung doe; nhao: va" rure ba nae" qhid' mae" sae za: yao: re lhaug' qu" na: ra".
22Yao: airu: qid bin: khe' jhaug' lao" yauggai pho" wa phug' de; ra" qhang kheim" yu: yu mung: yao" nho mae te' byid' ru we' qhang thang: qi: dazam" re yao" lo, mae vhe' byid' ra". 23Amung: yao: wa jeju we' ni" pho" khag' ngad: rure ngore ta" kyo: la,- yao" yham mae ngo we' nga" byu qe bang" khug: yu nae" jo, qo jham jo; ra" i? ga: myid' ra".
24Ailao" yao: wa- nga" pho" wa Naho we' Milkha tao: yauggai zo: Bethuela ngad: ga: phaug' tau" ra". 25Ngonhaung" yham mae khavho we' mhin kyaug' myo: sho' jo, mung: naonhaung" bang" khug nae" jo, qo re: jo; ga: tau" ra".
26Ailao" yauggai pho" wa pad' thaug' thaug' yang: Asang re caung:pa" ra". 27Yao: wa- nga" asang re kyid kyid za: dao:so: kad' pyang" byid: yaug ngad: ra" nga" asang Abraham nho: Asang Mao"So re caung:khin" byid: ge,- Asang wa nga" asang: nho: ba nam sang: cao: qejhao" din: za: ngore jhui" li" ava"- ga: ta" ra".
28Myiqe: nau" wa yao: myhi" nho: yham khyo tao" lo mung: boe" ra" khyo alhab' re lo" ta" kyo" ra". 29Rebekha wa La Ban ga: mang: ra" yao: mao: dayaug qo" ra". Yao: wa Abraham nho: daui daui yaug: na: ra" qid thaung: khyo ye: nae" qhid' mae" taung gaung khyo tao" thug' lo" ra". 30La ban wa yao: nhae: mo" nho kheim" re we' yao" lo, mae" thang: re myao lao"- ai: yauggai pho" Rebekha re pe" ta" ra" dao: jham re yao: nhae: mo" ta" yang: the' gyo" ra". Aimung: La Ban wa qid thaung: mae yao" gola:u nhae mae ye; jo; ra" Abraham nho: daui daui yaug jhao" ye" lo" ra". 31Amung: yao: wa- ngo we' daga" yham khyo lo ri:- nao wa Asang: yang shaman" byid' to" ra" yaug ngad: ra". Ce: taung gaung mae nao pe"mung: ye; jo; i? Nga" yham mae ni" qhid' mae" qe, daqe, jin" jin" jo;- ni" gola:u jham: qhid' mae" re: jo, qo jo;- ga: ta" ra".
32Airumung: ai: yauggai pho" wa yham khug khyo vao ye" lo" ra". La Ban wa gola:u jham mae" qo jham re khyo" pye' mung: khavho we' mhin: kyaug' jham byid: zho" ra". Ai: thao yao wa Abraham: daui daui yaug we' yao" byu qe khyid cid' nae" qhid' mae" qid khe' byid' ra". 33Zo:ve cijoe" lo lao"- ai: yauggai pho" wa ngo wa ngo ca" ra" dao: re mabin: jhau jhau wa ngo mazo: nae"- ga: ta" ra".
Ailao"- La Ban wa xo' yang: jhau wa,- ga: ta" ra".
34Ailao" yao: wa- ngo wa Abraham nho: daui daui yaug ngad:- 35Asang wa nga" asang re gyai myo: sho' shaman" byid: mung: yao: re jo,nho" qo" yaug dayaug boe" nhao: ra". Asang wa yao: re yao kyaung"- cad' kyaung"- nung: kyaung"- ngaui- qhang- jeim pho"- jeim myhi" jham gola:u jham loze jham byid' to" ra". 36Nga" asang: yham sang myhi" Sara wa yao: mao: thao re nga" asang: qhid' mae" yauggai zo: dayaug re khau byid: mung: nga" Asang wa yao: sang: ra" gu: ja: khao: ngo" yao: re byid' to" ava". 37Nga" Asang wa yao" amyin" dao: re phug' cao" nae" qhid' mae" ngore jham tang: yang: dao:so: kad' nhao: ra". Yao: wa- nga" yauggai zo" qhid' mae" yham sang myhi" re Khanan mung: mae" myiqe: nau" qe mae" dakhyin wa,- 38Ai: atha" nga" pho" nho: amyu" qe- nga" ba nam sang: cao: qejhao" ye: mung: yao" qhid' mae" yham sang myhi" re khyin byid: wa,- ga: ta" ra". 39Ailao" ngo wa nga" asan re- ai: myiqe: nau" ngo we' daga" macao: lo nae" re wa pe" ru: i? ein: myid' ra". 40Yao: wa ngo khonhae" re: yao" dao: re phug' cao" byid' na: yaug ngad: ra". Asang wa yao" mug: lagyo: re nao we' daga" nhao: ke' byid: mung: nao re aung myaug: nhao: li" nae". Nao wa nga" yauggai zo: qhid' mae" yham sang myhi" re nga" amyu" nga" pho" nho: yham byu qe mae" yeqo" yu byid' li" nae". 41Ni" nho: thao: ce' dao: mae" loe; beim nae" ru ni" qhid' mae" khyo dakhe' za: jo; ra". Aiwa nao nga" ba nam sang: cao: qejhao" ye: lao" nao re yao: bam lham: ha: pye' ko" ngad: re wa- nao wa aimae" loe; li" nae"- ga: ta" ra".
42Ana" ba ngo qid thaung: khyo joe" lo: au: ngo wa nga" Asang Abraham nho: Mao"So we" jeju we' ngo zaui" na: ra" mau" zo" re aung myaug nhao la, 43Ngo wa ce: qid thaung: mae na: jo; ra". Myiqe: nau" dayaug qid khe' nae" thug' li" lao" yao" qid am mae" ngore byid: jhaug' la, ein: yao: re ngo mho' nae". 44Yao: wa qad mung:- nga" gola:u jham: qid qhid' mae" re: qid khe' byid' ru ngad: re wa yao: nga" asang nho: yauggai zo" qhid' mae" yham sang myhi" khyo" nao: yang khyin: to: yaug ngad vashao:- ein: ngo akyu" mho' ra". 45Nhag' lam: khug mae akyu" mabin: mho' shire Rebekha wa yao" lo, sin mae qid am vo, yang: joe" li" mung: qid asang: khae: yu nae" ga: qid thaung: khyo gyo" ye" lo" ra". Ailao" ngo wa yao: re- jeju khyo" ngore qid byid: jhaug' la,- ein: mho' ra". 46Yao: wa phyad za: yao" lo, sin mae" qid am re khyo" mung: shaug' wa,- ni" nho: gola:u jham rere: ngo qid khae byid: nae"- ga: ta" ra". Ailao" ngo shaug' mung: yao: wa gola:u jham re qid khe' zaui byid' ra". 47Ngo wa yao: re- ni" pho" khag' ngad: i? ein: myid' re yao: wa- nga" pho" wa Naho we' Milkha tao: yauggai zo: Bethuela ngad: ga: phaug' tau" ra". Ailao" ngo wa yao" nho mae akheim" te' byid: mung: yao" lo, mae thang: vhe' byid' ra". 48Ngo wa pad' thaug' thaug' mung: Asang re caung:pa" ra". Nga" asang: yauggai zo" qhid' mae" yao" myiqe: zo: re ngo li" qhug' ra" jo, qo khyo din: za: ngore jhui" li" byid' ra" nga" asang: nho:Asang Mao"So re ngo caung:khin" byid' ra". 49Ana" nga" asang re ngonhaung" kad' ca" ra" naonhaung" qo re naonhaung" kad' pyang" byid: mung: yao: re nyang" za: kad' nae" naonhaung" seim" ko" re wa jeju khyo" ngore ta" gela, pe" kad' nae" rure ngo myid: phyid' nae"- ga: ta" ra".
50Ailao" La Ban we' Bethuela wa ce: khyo wa Asang mae" boe" li" ru ngad: ruyang ngonhaung" myid: phyid' nae" khyo majo, ngad: ra". 51Rebekha wa cemae na: ra" yao: re jhui: yang: lo" wa, Asang yao: yao: ta" to" ru we' dakhyo: yao: re ni" asang: yauggai zo" nho: yham sang myhi" boe" nhao wa,- ga: ta" ako". 52Abraham nho: daui daui yaug ce: dao: re the' gyo: lao" yao: wa goe; gyo" mung: Asang re caung:pa" ra". 53Ailao" yao: wa ve,mai ve,bau: ngaui we' qhang zai jham phoe' thug' mung:- aijham re Rebekha re byid' ra". Yao: maung re we' yao: myhi" rere: phug' de; ra" jhaung qhu" jham byid' ra".
54Ai: thao re Abraham nho: daui daui yaug we' yao: we' daga" bocao: li" ra" mo, wa zo: shaug' ako". Amung: ai: myi re aimae na lai: pye' ako". Yao: bam ne, seim no' mae" to" yang: yao: wa nga" asang jhao" dam: phao: lo" nhao gela,- ga: ta" ra".
55Ngadqere: Rebekha nho: yao: mao: we' yao: myhi" wa myiqe: nau" re ngonhaung" we' daga" dalaban mangad: lao" ba xe na nhao shige, ai: dao re yao: lo" vashao: ga: ta" ako".
56Ngadqere: yao: wa- ngonhaung" re dathang nhao lo: gela,- Asang wa nga" gyaung: khyo re aung myaug nhao: ava"- nga" asang jhao" phao: lo" nhao gela, se,- ga: ta" ra".
57-58Yao: bam wa myiqe: nau" re khai: yu mung: yao: pe" ru: ta" nae" rure myid' qu" gelang: ga: ta" ako". Airumung: yao: bam wa Rebekha re khai: yu yang: nao ceyaug we' cao: lo" nug: i? ga: myid' ako".
Ailao" yao: wa cao: lo" nug: ga: tau" ra".
59Airumung: yao: bam wa Rebekha re we' yao" daui daui okaung myhi" re Abraham nho: daui daui okaung yaug we' yao" byu qe we' daga" nhao ke' ako". 60Amung: yao: bam wa Rebekha re- nhae: mo" we" nao wa tig- taung- tug myo: sho' nho: yao: myhi" ngad vashao:-
ni"myid:zo: qe wa yao: bam: gyevo qenho: vomo" jham re sang: yu vageshao:-
ga: ce: shaman" dao: jham shaman" byid' ke' ako".
61Ai: thao Rebekha we' yao" daui daui myiqe: nau" qe wa seim" jin" mung: Abraham nho: daui daui yaug we' daga" cao nae" qhid' mae" gola:u dao khyo do; zaung yang: yao: bam alhab' mo, to" thug' li" ako".
62Isag wa Ngo re Myao: Ra" Daui: Na Ra" Yaug: nho: qid thaung: ga" ra" din"pyad' yo khyo joe" li" mung: Khanan mung" mug: thao shad' mae thang: na: jo; ra". 63Yao: wa myi" thao re khyo su" qin" nae" qhid' mae" pa: din" khyo thug' ye" lo" ra". Amung: yao: wa gola:u jham lo: na ko" rure the' myao: ra". 64Rebekha wa Isag re myao lao"- yao: wa gola:u dao mae" gyo" mung:- 65Abraham nho: daui daui yaug re- pa:din" mae ngonhaung" jhao" su" li" na: ra" yauggai wa khag' ngad: ra" i? ga: myid' ra".
Ailao" daui daui yaug wa yao: wa nga" asang ngad: ra" ga: phaug' tau" ra". Aimung: Rebekha wa yao" lang yang" re yu: yu mung: yao" myo, khung: re nghoe' pye' ra".
66Ai: daui daui yaug wa yao: kad' lo: ra" khyo ja: khao: ngo" Isag re ta" kyo" ra". 67Ai: thao Isag nho: yao: myhi" Sara na: lai: lo: ra" zaung khug khyo Rebekha re jhui" vao ye: mung: yao: wa Isag nho: yham sang myhi" boe" lo: ra". Isag wa Rebekha re jhid'de; ra". Amung: Isag wa yao: myhi" shid: byaug yang: kaug' ra" myid re nhag' tang" byid' ru qhug' ra".
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© Bible Society of Myanmar 2009