Chenesis 27
27
1Atuk o̱ yakohmi tok, Aisak ʋt sipoknit taiyaha cha, nish kin ʋt illi tok; yohmi cha, pisa he keyu mʋt, ushi ak ni fehna Esau ya̱ i̱ howa cha, Sʋso ma, im achi tok; mihma, Yakeh, yak hikia lishke, im achi tok.
2Mihma, Yakeh, sa sipoknit taiyahʋshke, nitak a sʋlla he ʋt ithana li keyushke:
3Yʋmohmi hoka himak a̱ chi̱ nan owʋttʋt ishta̱ya, chim oski naki aiʋlhto, micha chim ititanampo aiena ka̱ ishi cha, kowi haiaka ya̱ iʋt issi nipi hoyot isht is sʋm ʋlashke,
4Micha nipi champuli an champuli chatuk a̱ chohmi ho̱ is sʋm ikbi cha, isht is sʋm ʋla na ʋpa lashke: yohmikma ik sʋllo ki̱sha kak o̱ ʋmi shilombish ʋt chi yukpalashke, im achi tok.
5Atuk o̱ Aisak ʋt ushi Esau ya̱ im anumpuli ma, Lebekah ʋt ha̱klo tok: mihma Esau ʋt issi nipi hoyot isht ʋla chi̱ hosh kowi haiaka ya̱ ia tok.
6Mihma Lebekah ʋt ushi Chekob a̱ im anumpulit, Yakeh, chi̱ki ʋt chitibapishi Esau ya̱ im anumpulit,
7Issi nipi isht ʋm ʋla cha, nipi champuli ʋm ikbi na ak pá, micha ik sʋllo ki̱sha kak osh Chihowah itikba ya̱ chi yukpali lashke, achi ho̱ ha̱klo li tuk oke,
8Yʋmohmi hoka himak a̱ sʋso ma, ʋm anumpa nana chi̱ miha li ka̱ is sʋm antiashke.
9Himak a̱ nan ʋlhpoa chipinta aiasha ka̱ ia cha, issi kosoma ushi achukma tuklo ho̱ ont ai ishit ʋm ʋlá; mikma chi̱ki ya̱ nipi champuli in champuli chatuk a̱ chohmi ho̱ im ikbi lashke;
10Mikma chi̱ki ya̱ isht ish im ona na ʋpashke, micha ik illo ki̱sha kak osh chi yukpalashke, im achi tok.
11Mihma Chekob ʋt ishki Lebekah ya̱ Yakeh, itibapishi li Esau ʋt hatuk hishi chito yokma, ʋno ʋt hatak hishi iksho sia hoke:
12A̱ki ʋt sa pashohli yoba hokmʋno, yohmikma nahaksichi im i̱ chohmi la chi̱ hoke; yohmikma ishit kalakshi ak o̱ isht il onochi la chi̱ hoke, micha nan isht aiyukpa achi̱ keyu ka chi̱ hoke, im achi tok.
13Mihma ishki ʋt, Ʋno ak o̱ nan ishit chi kalakshi ʋt si onʋtoyulashke, sʋso ma, peh ʋm anumpa hak o̱ ish im antia cha, yʋmma ont isht is sʋm ʋlashke, im achi tok.
14Mihma iʋt ont hokli cha, ishki ya̱ isht im ʋla tok: mihma ishki ʋt nipi champuli, i̱ki in champuli chatuk a̱ chohmi ho̱ ikbi tok.
15Micha Lebekah ʋt ushi akni fehna Esau i̱ nafohka holitopa yosh Lebekah ʋt aboha im a̱sha tuk a̱ ishi cha, ushi Chekob nakfish ak o̱ fohkʋchi tok:
16Mihmʋt issi kosoma ushi yash hakshup a̱ ibbak a̱ isht ompohomo mʋt, micha ikunla, hishi ik ai iksho aiena ka̱ isht ompohomo tok.
17Mihmʋt nipi champuli, micha pʋska atahli tuk ʋt ushi Chekob a̱ imʋt ibbak fohki tok.
18Mihma i̱ki ya̱ im ona cha, A̱ki ma, achi tok. Mihma, Yak a̱sha lishke; kʋta chia hoh cho? sʋso ma, achi tok.
19Mihma Chekob ʋt i̱ki ya̱, Chim ʋttahpi Esau sia hoke; is sa̱ miha tuk mak o̱ yʋmihchi lishke: chim asilhha lishke, ish wakaya cha, binilit ʋm issi nipi ya̱ ish pashke, yʋmohmi hosh chimi shilombish ʋt si yukpalashke, im achi tok.
20Mihma Aisak ʋt ushi yash, Nanta katiohmi ho̱ chekosi ish ahayuchi tuk oh cho? sʋso ma, im achi tok. Mihma, Chihowah chin Chitokaka ak osh isht ʋm ʋla tuk oke, achi tok.
21Mihma Aisak ʋt Chekob a̱, Bili̱ka mintí, chim asilhha lishke, sʋso ma, chi pashohli lashke, sʋso Esau chia fehna hokmá, keyukmá, nana hokmá, achi tok.
22Mihma Chekob ʋt i̱ki Aisak a̱ bili̱ka ona tok; mihma pashohlit pisa mʋt, Anumpa hʋto Chekob im anumpa, amba ibbak ʋto Esau ibbak oke, achi tok.
23Mihmʋt ibbak ʋt hishi chito itibapishi Esau ibbak chohmi hatuk o̱ ik ithano tok: yohmi mʋt yukpali tok.
24Mihmʋt, Sʋso Esau fehna chia hoh cho? achi tok. Mihma, Mih sia hoke, achi tok.
25Mihma, A̱ bili̱ka isht ish lashke, mikma sʋso im iss nipi ya̱ ʋpa lish, ʋmi shilombish ʋt chi yukpalashke, achi tok. Mihma i̱ bili̱ka isht ona na ʋpa tok: mihmʋt oka pa̱ki ya̱ isht im ona na ishko tok.
26Mihmʋt i̱ki Aisak ʋt, Inta, bili̱ka mintí, micha is sa̱ su̱ksowashke, sʋso ma, im achi tok.
27Mihma bili̱ka ona cha, i̱ su̱ksowa tok: mihma i̱ nai fohka balama ka̱ hu̱wa mʋt, yukpalit, Yakeh, sʋso balama kʋt osapa yo̱ Chihowah yʋt achukmali tuk a̱ balama kak o̱ chohmishke.
28Yʋmohmi hoka Chitokaka yʋt ʋba fichak, micha yakni a nia, micha onush, micha oka pa̱ki aiena laua ho̱ chimashke.
29Okla hʋt chim antiashke, micha oklushi puta kʋt chim akachunolit aka hlipkaiyachashke: chitibapishi ʋhleha ha̱ ish i̱shahlashke: mikma chishki ushi ʋhleha hʋt chim akachunolit aka hlipkaiyachashke: kʋna hosh chi kalakshichikmʋt kalakshashke, mikma kʋna hosh chi yukpalikmʋt nayukpashke, achi tok.
30Atuk o̱ yakohmi tok, Aisak ʋt Chekob a̱ yukpali kʋt ont tahli makinli ho̱, atuk o̱ Chekob ʋt i̱ki Aisak itikba ya̱ i̱ filʋmmit peh kohcha makinli ho̱, itibapishi Esau ʋt owʋttʋt a̱ya tuk ʋt ʋla tok.
31Micha yʋmmak kia nipi champuli ikbi tuk atok; atuk osh i̱ki ya̱ isht im ʋla cha, i̱ki yash, A̱ki ʋt ik wakaya cha, ushi im issi nipi ya̱ ik pá, micha chimi shilombish ʋt sa yukpalashke, im achi tok.
32Mihma i̱ki Aisak ʋt, Kʋta chia hoh cho? im achi tok. Mihma, Chim ʋttahpi Esau, chiso sia hoke, achi tok.
33Mihma Aisak ʋt wʋnihinchi kʋt atampa fehna tok; micha, Kʋta hosh himak a̱ chik lo ki̱sha ma, issi nipi ishit isht ʋm ʋla na moma ka ai ishit apa lish, yukpali li tuk mʋto? a̱hli, yohmi na nayukpa hi oke, achi tok.
34Mihma Esau ʋt i̱ki im anumpa ha̱ haklo mʋt, yaiya ilbʋsha atampa fehna ho̱ yaiya tok; micha i̱ki ya̱, Is sa yukpalashke, ʋno ak kia, a̱ki ma, im achi tok.
35Mihma, Chitibapishi hʋt sa haksichit ʋla cha, nan isht chi yukpa ya̱ ishi tuk oke, achi tok.
36Mihma, Aiʋlhpiesa ho̱ Chekob hohchifo keyu cho? ilʋppʋt ont atukla mak o̱ sa haksichi hokʋt: ʋttahpi ai isha he ʋlhpesa ya̱ ʋm ishi tok; atuk osh himak a̱, yakeh, nan ishit sai yukpa ya̱ ʋm ishishke, achi tok. Mihmʋt, Nan ishit yukpali ya̱ chik sʋm ilatombo tuk oh cho? achi tok.
37Mihma Aisak ʋt afalaminchit Esau ya̱, Yakeh, chi̱ shahli ikbi li tuk oke, micha itibapishi ʋhleha moma kʋt in tishu ʋhleha ha chi̱ ho̱ ima li tuk oke; micha onush, micha oka pa̱ki yo̱ ishit hlampkochi lishke: yohmi ka̱ sʋso ma, himak a̱ nanta ho̱ chi katiohmichi la hinla cho? im achi tok.
38Mihma Esau ʋt i̱ki ya̱, A̱ki ma, nan isht yukpali ʋt chim achʋfa illa cho? is sa yukpalashke, ʋno ak kiá, a̱ki ma, im achi tok. Mihmʋt Esau ʋt chitoli hosh yaiya tok.
39Mihma i̱ki Aisak ʋt afalaminchit, Yakeh, ish aiahanta yʋt yakni a nia, micha ʋba fichak ʋba a minti ak ahi oke.
40Micha chi̱ bʋshpo falaia ak o̱ ish ieshi kak osh ish ahanta cha, chitibapishi ha̱ ish i̱ nutaka hi oke: atukma yakohma hi oke, ish imaiyakmʋt, im ikunla abana chikunla abana tuk a̱ ish kobʋffa hi oke, im achi tok.
41Mihma nan ishit yukpali i̱ki ʋt ishit yukpali tuk ak o̱, Esau ʋt Chekob a̱ i̱ nukkilli tok: mihmʋt Esau ʋt chu̱kʋsh anu̱kaka, A̱ki ishit yaiya nitak ʋt ʋla̱ hosishke, yohmikma itibapishi li Chekob a̱ ʋbe la hi oke, achi tok.
42Mihma ushi akni Esau im anumpa ilʋppa puta kʋt Lebekah ya̱ im annoa tok: mihma ushi nakfish Chekob a̱ pit hoyot i̱ howa cha, Yakeh, chitibapishi Esau ʋt chishno ya̱ chiba chi̱ ka̱ ahni cha, ile nuktalalit ahantʋshke.
43Yʋmohmi hoka inta, sʋso ma, ʋm anumpa ha̱ ish im antiashke; micha wakayʋt malelit a̱ nakfi Laban a̱ im onʋt, Halan a̱ ish onashke.
44Micha nitak ik lauo ho̱ yʋmmak o̱ takla ish ahanta na, chitibapishi nukhobela kʋt nuktʋla ha yashke:
45Chitibapishi nukhobela tuk ʋt issa cha, nana ish i̱ kaniohmichi tuk a̱ imahaksi ha yashke: yohmikma pit chi hoyo lish, ont a chisht ʋla la hi oke. Nanta katiohmi ho̱ hʋchishno ak kia nitak achʋfa ho̱ itatuklot hʋs san tamoa hinla cho? im achi tok.
46Mihma Lebekah ʋt Aisak a̱, Helh ushetik ʋhleha pulla kak o̱ a̱ nitak a̱ isht an takobit tahʋshke: Chekob ʋt ilʋppakinli chohmi yakni ya̱ ushetik ʋhleha, Helh ushetik ʋhleha ho̱ ohoyo ai ishikma, a̱ nitak a̱ nanta ho̱ isht ʋm achukma hinla cho? im achi tok.
Արդեն Ընտրված.
Chenesis 27: CHH
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Published by the American Bible Society 1848-1886, reprinted 1913
Chenesis 27
27
1Atuk o̱ yakohmi tok, Aisak ʋt sipoknit taiyaha cha, nish kin ʋt illi tok; yohmi cha, pisa he keyu mʋt, ushi ak ni fehna Esau ya̱ i̱ howa cha, Sʋso ma, im achi tok; mihma, Yakeh, yak hikia lishke, im achi tok.
2Mihma, Yakeh, sa sipoknit taiyahʋshke, nitak a sʋlla he ʋt ithana li keyushke:
3Yʋmohmi hoka himak a̱ chi̱ nan owʋttʋt ishta̱ya, chim oski naki aiʋlhto, micha chim ititanampo aiena ka̱ ishi cha, kowi haiaka ya̱ iʋt issi nipi hoyot isht is sʋm ʋlashke,
4Micha nipi champuli an champuli chatuk a̱ chohmi ho̱ is sʋm ikbi cha, isht is sʋm ʋla na ʋpa lashke: yohmikma ik sʋllo ki̱sha kak o̱ ʋmi shilombish ʋt chi yukpalashke, im achi tok.
5Atuk o̱ Aisak ʋt ushi Esau ya̱ im anumpuli ma, Lebekah ʋt ha̱klo tok: mihma Esau ʋt issi nipi hoyot isht ʋla chi̱ hosh kowi haiaka ya̱ ia tok.
6Mihma Lebekah ʋt ushi Chekob a̱ im anumpulit, Yakeh, chi̱ki ʋt chitibapishi Esau ya̱ im anumpulit,
7Issi nipi isht ʋm ʋla cha, nipi champuli ʋm ikbi na ak pá, micha ik sʋllo ki̱sha kak osh Chihowah itikba ya̱ chi yukpali lashke, achi ho̱ ha̱klo li tuk oke,
8Yʋmohmi hoka himak a̱ sʋso ma, ʋm anumpa nana chi̱ miha li ka̱ is sʋm antiashke.
9Himak a̱ nan ʋlhpoa chipinta aiasha ka̱ ia cha, issi kosoma ushi achukma tuklo ho̱ ont ai ishit ʋm ʋlá; mikma chi̱ki ya̱ nipi champuli in champuli chatuk a̱ chohmi ho̱ im ikbi lashke;
10Mikma chi̱ki ya̱ isht ish im ona na ʋpashke, micha ik illo ki̱sha kak osh chi yukpalashke, im achi tok.
11Mihma Chekob ʋt ishki Lebekah ya̱ Yakeh, itibapishi li Esau ʋt hatuk hishi chito yokma, ʋno ʋt hatak hishi iksho sia hoke:
12A̱ki ʋt sa pashohli yoba hokmʋno, yohmikma nahaksichi im i̱ chohmi la chi̱ hoke; yohmikma ishit kalakshi ak o̱ isht il onochi la chi̱ hoke, micha nan isht aiyukpa achi̱ keyu ka chi̱ hoke, im achi tok.
13Mihma ishki ʋt, Ʋno ak o̱ nan ishit chi kalakshi ʋt si onʋtoyulashke, sʋso ma, peh ʋm anumpa hak o̱ ish im antia cha, yʋmma ont isht is sʋm ʋlashke, im achi tok.
14Mihma iʋt ont hokli cha, ishki ya̱ isht im ʋla tok: mihma ishki ʋt nipi champuli, i̱ki in champuli chatuk a̱ chohmi ho̱ ikbi tok.
15Micha Lebekah ʋt ushi akni fehna Esau i̱ nafohka holitopa yosh Lebekah ʋt aboha im a̱sha tuk a̱ ishi cha, ushi Chekob nakfish ak o̱ fohkʋchi tok:
16Mihmʋt issi kosoma ushi yash hakshup a̱ ibbak a̱ isht ompohomo mʋt, micha ikunla, hishi ik ai iksho aiena ka̱ isht ompohomo tok.
17Mihmʋt nipi champuli, micha pʋska atahli tuk ʋt ushi Chekob a̱ imʋt ibbak fohki tok.
18Mihma i̱ki ya̱ im ona cha, A̱ki ma, achi tok. Mihma, Yak a̱sha lishke; kʋta chia hoh cho? sʋso ma, achi tok.
19Mihma Chekob ʋt i̱ki ya̱, Chim ʋttahpi Esau sia hoke; is sa̱ miha tuk mak o̱ yʋmihchi lishke: chim asilhha lishke, ish wakaya cha, binilit ʋm issi nipi ya̱ ish pashke, yʋmohmi hosh chimi shilombish ʋt si yukpalashke, im achi tok.
20Mihma Aisak ʋt ushi yash, Nanta katiohmi ho̱ chekosi ish ahayuchi tuk oh cho? sʋso ma, im achi tok. Mihma, Chihowah chin Chitokaka ak osh isht ʋm ʋla tuk oke, achi tok.
21Mihma Aisak ʋt Chekob a̱, Bili̱ka mintí, chim asilhha lishke, sʋso ma, chi pashohli lashke, sʋso Esau chia fehna hokmá, keyukmá, nana hokmá, achi tok.
22Mihma Chekob ʋt i̱ki Aisak a̱ bili̱ka ona tok; mihma pashohlit pisa mʋt, Anumpa hʋto Chekob im anumpa, amba ibbak ʋto Esau ibbak oke, achi tok.
23Mihmʋt ibbak ʋt hishi chito itibapishi Esau ibbak chohmi hatuk o̱ ik ithano tok: yohmi mʋt yukpali tok.
24Mihmʋt, Sʋso Esau fehna chia hoh cho? achi tok. Mihma, Mih sia hoke, achi tok.
25Mihma, A̱ bili̱ka isht ish lashke, mikma sʋso im iss nipi ya̱ ʋpa lish, ʋmi shilombish ʋt chi yukpalashke, achi tok. Mihma i̱ bili̱ka isht ona na ʋpa tok: mihmʋt oka pa̱ki ya̱ isht im ona na ishko tok.
26Mihmʋt i̱ki Aisak ʋt, Inta, bili̱ka mintí, micha is sa̱ su̱ksowashke, sʋso ma, im achi tok.
27Mihma bili̱ka ona cha, i̱ su̱ksowa tok: mihma i̱ nai fohka balama ka̱ hu̱wa mʋt, yukpalit, Yakeh, sʋso balama kʋt osapa yo̱ Chihowah yʋt achukmali tuk a̱ balama kak o̱ chohmishke.
28Yʋmohmi hoka Chitokaka yʋt ʋba fichak, micha yakni a nia, micha onush, micha oka pa̱ki aiena laua ho̱ chimashke.
29Okla hʋt chim antiashke, micha oklushi puta kʋt chim akachunolit aka hlipkaiyachashke: chitibapishi ʋhleha ha̱ ish i̱shahlashke: mikma chishki ushi ʋhleha hʋt chim akachunolit aka hlipkaiyachashke: kʋna hosh chi kalakshichikmʋt kalakshashke, mikma kʋna hosh chi yukpalikmʋt nayukpashke, achi tok.
30Atuk o̱ yakohmi tok, Aisak ʋt Chekob a̱ yukpali kʋt ont tahli makinli ho̱, atuk o̱ Chekob ʋt i̱ki Aisak itikba ya̱ i̱ filʋmmit peh kohcha makinli ho̱, itibapishi Esau ʋt owʋttʋt a̱ya tuk ʋt ʋla tok.
31Micha yʋmmak kia nipi champuli ikbi tuk atok; atuk osh i̱ki ya̱ isht im ʋla cha, i̱ki yash, A̱ki ʋt ik wakaya cha, ushi im issi nipi ya̱ ik pá, micha chimi shilombish ʋt sa yukpalashke, im achi tok.
32Mihma i̱ki Aisak ʋt, Kʋta chia hoh cho? im achi tok. Mihma, Chim ʋttahpi Esau, chiso sia hoke, achi tok.
33Mihma Aisak ʋt wʋnihinchi kʋt atampa fehna tok; micha, Kʋta hosh himak a̱ chik lo ki̱sha ma, issi nipi ishit isht ʋm ʋla na moma ka ai ishit apa lish, yukpali li tuk mʋto? a̱hli, yohmi na nayukpa hi oke, achi tok.
34Mihma Esau ʋt i̱ki im anumpa ha̱ haklo mʋt, yaiya ilbʋsha atampa fehna ho̱ yaiya tok; micha i̱ki ya̱, Is sa yukpalashke, ʋno ak kia, a̱ki ma, im achi tok.
35Mihma, Chitibapishi hʋt sa haksichit ʋla cha, nan isht chi yukpa ya̱ ishi tuk oke, achi tok.
36Mihma, Aiʋlhpiesa ho̱ Chekob hohchifo keyu cho? ilʋppʋt ont atukla mak o̱ sa haksichi hokʋt: ʋttahpi ai isha he ʋlhpesa ya̱ ʋm ishi tok; atuk osh himak a̱, yakeh, nan ishit sai yukpa ya̱ ʋm ishishke, achi tok. Mihmʋt, Nan ishit yukpali ya̱ chik sʋm ilatombo tuk oh cho? achi tok.
37Mihma Aisak ʋt afalaminchit Esau ya̱, Yakeh, chi̱ shahli ikbi li tuk oke, micha itibapishi ʋhleha moma kʋt in tishu ʋhleha ha chi̱ ho̱ ima li tuk oke; micha onush, micha oka pa̱ki yo̱ ishit hlampkochi lishke: yohmi ka̱ sʋso ma, himak a̱ nanta ho̱ chi katiohmichi la hinla cho? im achi tok.
38Mihma Esau ʋt i̱ki ya̱, A̱ki ma, nan isht yukpali ʋt chim achʋfa illa cho? is sa yukpalashke, ʋno ak kiá, a̱ki ma, im achi tok. Mihmʋt Esau ʋt chitoli hosh yaiya tok.
39Mihma i̱ki Aisak ʋt afalaminchit, Yakeh, ish aiahanta yʋt yakni a nia, micha ʋba fichak ʋba a minti ak ahi oke.
40Micha chi̱ bʋshpo falaia ak o̱ ish ieshi kak osh ish ahanta cha, chitibapishi ha̱ ish i̱ nutaka hi oke: atukma yakohma hi oke, ish imaiyakmʋt, im ikunla abana chikunla abana tuk a̱ ish kobʋffa hi oke, im achi tok.
41Mihma nan ishit yukpali i̱ki ʋt ishit yukpali tuk ak o̱, Esau ʋt Chekob a̱ i̱ nukkilli tok: mihmʋt Esau ʋt chu̱kʋsh anu̱kaka, A̱ki ishit yaiya nitak ʋt ʋla̱ hosishke, yohmikma itibapishi li Chekob a̱ ʋbe la hi oke, achi tok.
42Mihma ushi akni Esau im anumpa ilʋppa puta kʋt Lebekah ya̱ im annoa tok: mihma ushi nakfish Chekob a̱ pit hoyot i̱ howa cha, Yakeh, chitibapishi Esau ʋt chishno ya̱ chiba chi̱ ka̱ ahni cha, ile nuktalalit ahantʋshke.
43Yʋmohmi hoka inta, sʋso ma, ʋm anumpa ha̱ ish im antiashke; micha wakayʋt malelit a̱ nakfi Laban a̱ im onʋt, Halan a̱ ish onashke.
44Micha nitak ik lauo ho̱ yʋmmak o̱ takla ish ahanta na, chitibapishi nukhobela kʋt nuktʋla ha yashke:
45Chitibapishi nukhobela tuk ʋt issa cha, nana ish i̱ kaniohmichi tuk a̱ imahaksi ha yashke: yohmikma pit chi hoyo lish, ont a chisht ʋla la hi oke. Nanta katiohmi ho̱ hʋchishno ak kia nitak achʋfa ho̱ itatuklot hʋs san tamoa hinla cho? im achi tok.
46Mihma Lebekah ʋt Aisak a̱, Helh ushetik ʋhleha pulla kak o̱ a̱ nitak a̱ isht an takobit tahʋshke: Chekob ʋt ilʋppakinli chohmi yakni ya̱ ushetik ʋhleha, Helh ushetik ʋhleha ho̱ ohoyo ai ishikma, a̱ nitak a̱ nanta ho̱ isht ʋm achukma hinla cho? im achi tok.
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Published by the American Bible Society 1848-1886, reprinted 1913