Génesis 11
11
Jataain ucuuneein, Babelihu ininaanaja chujurucanaa jerecuruhane
1-2Enoto mitu nichajai batane caje amuhin, Sinar batane macararo eruhin ecu ichaooruhalune bana jetaote, satiin ita ere cuhaneecha ereein neeurelu cachaauru.
3Nitohaneeuruhalune bana jetaote, ita rai jetao: “Coanete, atane mocohin caje ajeri rijijieein ladricho jaacachera”, naain jetao ajeri caje ichaelanaala, atane mocohin caje ladricho jaain jetao, neniha mamaliaain ichacuruhane jaanu semeentone jaun jetao, murane que mamaliaain ichacurelu. 4Nitohaneein ichaain jetaote: “Coanete leinjiin nese coaaunaacachete; ecu ladricho lauriaacache dede que tiaain ininaanajanu que, nabana ita caje coriaae atane sacuritaain riaanihacachene coataara. Chaentechu, nitohanei ichacaachene, jataain nelateein laraajiin nerichaacheeincha”, naaurelu jetao itarai.
5Nitohaneein nese ichaain ladricho lauriaauruha ecuuneein cachaaurune coaraane jaun jetaote: 6“Ita ereecha que ereein, le laurijieeincha neeuruhane jaunte, caa catohanei ichacurera. Coatiha chabana catohanei ichacuruhane jianecururihaainta. 7Coanete acaauru rene faunichaache nejelaunihacoaain acaauru ere corenaa coinara; nabana ita ereeicha que ereein neeuruhane coataara”, naelu jetao rautaain acaauruacha ichanohi coaraenihane jaun Cana Coaunera.
8Inae nitohaneein nejelauneein acaauru ere corihacoaa Cana Coaunerane jaun jetaote, inae nii nese ichana coaaucuruhane jianeein, ita caje rihaneeurelu itolereneein chauratane sacuritaain cachaauru.
9Nii nese ichacuruhane jaun teein jetaote, satiin caa chauratane que nenacaauru cachaauru ere rotohin, itolere neein chauratane sacuritaain neeuruhane coina lerurujuinajaelu Cana Coaunera.
Nii jaun jetaote, Babelineein, nii nese curuaateeurelu. “Babel”, naane jetaote ebereeo ere cuhane, inae ita ere aonacurenihane que aite.
Sem inamacooru
(1Cr 1.24-27)
10“Naaonjoaain caje jetaote, nefoeratenacaaurune, acaauru, acaauru”, naain inoaelu netiin coitucueraa Sem inamacoorune coinate, acaauru curuaacuru beein laenanohineein nereein.
Coroata jaanacaain acaauru joocalu acau tabaine baiha catiaain, inae lefasha jaanacaniha Sem jana jetaote, nejanoaelu rai calaohi Arfaxad. 11Nii nejanoaa rai calaohi Arfaxadne baiha jetaote, nacoaauneein calaojoiin, cacunucohin naaonjoaenlu Sem. Nitohaneein jetaote, itolereneein saoqui fasha jaanacaneneein ichoaelu jetao Sem.
12Jana, nichata choonca saoqui jaanacaa Sem calaohi Arfaxadne jana jetaote, nejanoaelu rai calaohi Sala. 13Nii nejanoaa rai calaohi Salane baiha jetaote, calaojoiin, cacunucohin naaonjoaenlu Arfaxad. Nitohaneein jetaote, itolereneein jena fasha nichata jaanacaain ichoaelu jetao Arfaxad.
14Nii jana, nii calaohi Sala jetaote, nichata choonca jaanacanihane jana jetao, nejanoaelu rai calaohi Eber. 15Nii nejanoaa rai calaohi Eberne baiha jetaote, calaojoiin, cacunucohin, naaonjoaenlu Sala. Nitohaneein jetaote, itolereneein jena fasha nichata jaanacaain ichoaelu jetao nii Sala.
16Nichata choonca jena jaanacaa Sala calaohi Eberne jana jetaote, nejanoaelu rai calaohi Peleg. 17Nii nejanoaa rai calaohi Pelegne baiha jetaote, calaojoiin, cacunucohin naaonjoaenlu Eber. Nitohaneein jetaote, itolereneein jena fasha nichata choonca jaanacaneein ichoaelu jetao Eber.
18Inae nichata choonca jaanacaniha Eber calaohi Pelegne jana jetaote, nejanoaelu rai calaohi Reu. 19Nii nejanoaa rai calaohi Reune baiha jetaote, calaojoiin, cacunucohin naaonjoaenlu Peleg. Nitohaneein jetaote, itolereneein coroata fasha iscoon jaanacaneein ichoaelu jetao Peleg.
20Nichata choonca coroata jaanacaa Peleg calaohi Reune jana jetaote, nejanoaelu rai calaohi Serug. 21Nii nejanoaa nii rai calaohi Serugne baiha jetaote, calaojoiin, cacunucohin naaonjoaenlu Reu. Nitohaneein jetaote, itolereneein coroata fasha caainsi jaanacaneein ichoaelu jetao Reu.
22Nichata choonca jaanacaniha Reu calaohi Serugne jana jetaote, nejanoaelu rai calaohi Nacor. 23Nii nejanoaa rai calaohi Nacorne baiha jetaote, calaojoiin, cacunucohin naaonjoaenlu Serug. Nitohaneein jetaote, itolereneein coroata fasha jaanacaneein ichoaelu jetao Serug.
24Inae coroata choonca iscoon jaanacaniha Serug calaohi Nacorne jana jetaote, nejanoaelu rai calaohi Tare. 25Nii nejanoaa rai calaohi Tarene baiha jetaote, calaojoiin, cacunucohin naaonjoaenlu Nacor. Nitohaneein jetaote, itolereneein lefasha lechoonca iscoon jaanacaneein ichoaelu jetao nii Nacor.
26Inae caainsi choonca jaanacaniha Nacor calaohi Tarene baiha jetaote, nejanoaacoaaurelu rai calaohichuru Abaran, Nacor, Haran, naaonjoaihunri.
Tare inamacooru
27“Naaonjoaihunri cajete nenacaauru nelu”, naain beein, Abaran, Nacor, Haran naaonjoaihunri inaca Tare inamacooru curuaacuru beeuruhane.
Loto inaca Haran jetaote, 28jaiti oheniha rai inaca Tarene ajiniha ohelu, jelaiha nejanoaanajau Caldea batane que nenaa Ur neseu netiin.
29Nii Ur neseu netiin comasainu que Sarai raa Abaranne nainiha jetaote, nejera Haran cacunu rai cacunu riji Isca nejera Mirica raelu comasainu que Nacor. 30Ne jetaote, canaanai siriha nainesinelu nii Abaran comasai Sarai.
31Nii jana jetaote, nii rai calaohi Abaran, rai nichoala Loto, rai nacana Sarai, naaonjoaihunri amaain, Caldeacuru atane que nenaa Ur nese caje amue, Canaan batane que turu coina Tare. Ne jetaote, Canaan turuelanaala Haran neseu turuhin ecu ichaoorelu. 32Nii Haraun ichaooruna jaun jetaote, itolereneein coroata fasha saoqui jaanacaain ichaohin jetao ecu netiin ohelu Tare.
Արդեն Ընտրված.
Génesis 11: URA
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© 2005, 2024, Wycliffe Bible Translators, Inc.
Génesis 11
11
Jataain ucuuneein, Babelihu ininaanaja chujurucanaa jerecuruhane
1-2Enoto mitu nichajai batane caje amuhin, Sinar batane macararo eruhin ecu ichaooruhalune bana jetaote, satiin ita ere cuhaneecha ereein neeurelu cachaauru.
3Nitohaneeuruhalune bana jetaote, ita rai jetao: “Coanete, atane mocohin caje ajeri rijijieein ladricho jaacachera”, naain jetao ajeri caje ichaelanaala, atane mocohin caje ladricho jaain jetao, neniha mamaliaain ichacuruhane jaanu semeentone jaun jetao, murane que mamaliaain ichacurelu. 4Nitohaneein ichaain jetaote: “Coanete leinjiin nese coaaunaacachete; ecu ladricho lauriaacache dede que tiaain ininaanajanu que, nabana ita caje coriaae atane sacuritaain riaanihacachene coataara. Chaentechu, nitohanei ichacaachene, jataain nelateein laraajiin nerichaacheeincha”, naaurelu jetao itarai.
5Nitohaneein nese ichaain ladricho lauriaauruha ecuuneein cachaaurune coaraane jaun jetaote: 6“Ita ereecha que ereein, le laurijieeincha neeuruhane jaunte, caa catohanei ichacurera. Coatiha chabana catohanei ichacuruhane jianecururihaainta. 7Coanete acaauru rene faunichaache nejelaunihacoaain acaauru ere corenaa coinara; nabana ita ereeicha que ereein neeuruhane coataara”, naelu jetao rautaain acaauruacha ichanohi coaraenihane jaun Cana Coaunera.
8Inae nitohaneein nejelauneein acaauru ere corihacoaa Cana Coaunerane jaun jetaote, inae nii nese ichana coaaucuruhane jianeein, ita caje rihaneeurelu itolereneein chauratane sacuritaain cachaauru.
9Nii nese ichacuruhane jaun teein jetaote, satiin caa chauratane que nenacaauru cachaauru ere rotohin, itolere neein chauratane sacuritaain neeuruhane coina lerurujuinajaelu Cana Coaunera.
Nii jaun jetaote, Babelineein, nii nese curuaateeurelu. “Babel”, naane jetaote ebereeo ere cuhane, inae ita ere aonacurenihane que aite.
Sem inamacooru
(1Cr 1.24-27)
10“Naaonjoaain caje jetaote, nefoeratenacaaurune, acaauru, acaauru”, naain inoaelu netiin coitucueraa Sem inamacoorune coinate, acaauru curuaacuru beein laenanohineein nereein.
Coroata jaanacaain acaauru joocalu acau tabaine baiha catiaain, inae lefasha jaanacaniha Sem jana jetaote, nejanoaelu rai calaohi Arfaxad. 11Nii nejanoaa rai calaohi Arfaxadne baiha jetaote, nacoaauneein calaojoiin, cacunucohin naaonjoaenlu Sem. Nitohaneein jetaote, itolereneein saoqui fasha jaanacaneneein ichoaelu jetao Sem.
12Jana, nichata choonca saoqui jaanacaa Sem calaohi Arfaxadne jana jetaote, nejanoaelu rai calaohi Sala. 13Nii nejanoaa rai calaohi Salane baiha jetaote, calaojoiin, cacunucohin naaonjoaenlu Arfaxad. Nitohaneein jetaote, itolereneein jena fasha nichata jaanacaain ichoaelu jetao Arfaxad.
14Nii jana, nii calaohi Sala jetaote, nichata choonca jaanacanihane jana jetao, nejanoaelu rai calaohi Eber. 15Nii nejanoaa rai calaohi Eberne baiha jetaote, calaojoiin, cacunucohin, naaonjoaenlu Sala. Nitohaneein jetaote, itolereneein jena fasha nichata jaanacaain ichoaelu jetao nii Sala.
16Nichata choonca jena jaanacaa Sala calaohi Eberne jana jetaote, nejanoaelu rai calaohi Peleg. 17Nii nejanoaa rai calaohi Pelegne baiha jetaote, calaojoiin, cacunucohin naaonjoaenlu Eber. Nitohaneein jetaote, itolereneein jena fasha nichata choonca jaanacaneein ichoaelu jetao Eber.
18Inae nichata choonca jaanacaniha Eber calaohi Pelegne jana jetaote, nejanoaelu rai calaohi Reu. 19Nii nejanoaa rai calaohi Reune baiha jetaote, calaojoiin, cacunucohin naaonjoaenlu Peleg. Nitohaneein jetaote, itolereneein coroata fasha iscoon jaanacaneein ichoaelu jetao Peleg.
20Nichata choonca coroata jaanacaa Peleg calaohi Reune jana jetaote, nejanoaelu rai calaohi Serug. 21Nii nejanoaa nii rai calaohi Serugne baiha jetaote, calaojoiin, cacunucohin naaonjoaenlu Reu. Nitohaneein jetaote, itolereneein coroata fasha caainsi jaanacaneein ichoaelu jetao Reu.
22Nichata choonca jaanacaniha Reu calaohi Serugne jana jetaote, nejanoaelu rai calaohi Nacor. 23Nii nejanoaa rai calaohi Nacorne baiha jetaote, calaojoiin, cacunucohin naaonjoaenlu Serug. Nitohaneein jetaote, itolereneein coroata fasha jaanacaneein ichoaelu jetao Serug.
24Inae coroata choonca iscoon jaanacaniha Serug calaohi Nacorne jana jetaote, nejanoaelu rai calaohi Tare. 25Nii nejanoaa rai calaohi Tarene baiha jetaote, calaojoiin, cacunucohin naaonjoaenlu Nacor. Nitohaneein jetaote, itolereneein lefasha lechoonca iscoon jaanacaneein ichoaelu jetao nii Nacor.
26Inae caainsi choonca jaanacaniha Nacor calaohi Tarene baiha jetaote, nejanoaacoaaurelu rai calaohichuru Abaran, Nacor, Haran, naaonjoaihunri.
Tare inamacooru
27“Naaonjoaihunri cajete nenacaauru nelu”, naain beein, Abaran, Nacor, Haran naaonjoaihunri inaca Tare inamacooru curuaacuru beeuruhane.
Loto inaca Haran jetaote, 28jaiti oheniha rai inaca Tarene ajiniha ohelu, jelaiha nejanoaanajau Caldea batane que nenaa Ur neseu netiin.
29Nii Ur neseu netiin comasainu que Sarai raa Abaranne nainiha jetaote, nejera Haran cacunu rai cacunu riji Isca nejera Mirica raelu comasainu que Nacor. 30Ne jetaote, canaanai siriha nainesinelu nii Abaran comasai Sarai.
31Nii jana jetaote, nii rai calaohi Abaran, rai nichoala Loto, rai nacana Sarai, naaonjoaihunri amaain, Caldeacuru atane que nenaa Ur nese caje amue, Canaan batane que turu coina Tare. Ne jetaote, Canaan turuelanaala Haran neseu turuhin ecu ichaoorelu. 32Nii Haraun ichaooruna jaun jetaote, itolereneein coroata fasha saoqui jaanacaain ichaohin jetao ecu netiin ohelu Tare.
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© 2005, 2024, Wycliffe Bible Translators, Inc.