Génesis 12
12
Rai atane tihane coina Abaran cotihaca Cana Coaunerane
1Nitohaneein naraaichuru aina Haran neseu ichaoha Abaranne jana jetaote: “Nii charaaichuru, chatane, efojiaraauru, naaonjoaihunri ratiriin uune; ichei atane coaaratete; ecu ichaohi. 2Ecute arajiin nefaain neeurureein ii inamacooru. Chaennechu jataain laraajiin caohachaain acaauru rai nelateein leeochaauru rausiajeein, acaauru coroatajaneeine, ii coroaecuruhane coina ichorataanereeunnicha. 3Caohachaain iniha ichara raine, rai netonai caohacha ichareeunnicha. Jana iniha baasoneein icharane, casetecareeunnicha. Nii rijijieeinnachu ii, ii inamacooru, naaonjoaineeichene aina cuaain itolereneein satiin caa chauratane que lauri lauri nenacaauru cachaauru aina caohachaain ichareeunnicha”, nae jetao Abaran rai Cana Coaunera.
4Nii jaun jetaote, nii rai aitoha Cana Coaunerane tonoraain jetao, Haran nese caje amuhin, Canaan batane que cuelu jetao Abaran. Nii Haran nese caje amuhin, Canaan batane que cuhalune bana jetaote, caainsi choonca saoqui jaanacaelu. 5Nii Haran caje amuhin, Canaan cunajaun jetaote, rai comasai Sarai, rai nirihuru, rai calaohi riji Loto, satiin nii Haran nese niicha sirii rucuhele, rai cachaauru, naaonjoaihunri jetao jiniichaain amaain, jataain coriaae nihane jaun jeraaen cuujue cuujueein cuelu Abaran.
Nitohaneein cuhin jetaote, inae Canaan batane turuhin jetao, 6nichoae situhin cue jetao, Siqueeun turuhane reentiaain. Inae ecu turuhin jetaote, nii niha jataain nelateein nenaa enuha neeojoaain Moreneein niicha curuateeuri teein jetao neloanarite Abaran.
Nii jana jetaote jelai batane que turuuru jana, ecu ichaoorelu nii Canaan cocoaichacuru.
7Nitohaneein inae nii Siqueen batane que turuuru jana jetaote, ecu nii Abaran rai ecocohin: “Caa atanena tereeunni ii inamacooru raicha”, nae jetao Cana Coaunera.
Nitohaneein ecu rai ecooca Cana Coaunerane jaun jetaote, jelai coujunacanu que, ecu rai ajeri caje leinjiin rori jae jetao Abaran.
8Nii baiha jetaote, Beteli nese enoto mitu uuri jeloon nichajai que nenaa ichatane ecuuno batane que cuhin jetao, ecu jacari caje ichanohineein nenaa que neloanarite Abaran. Nii neloanaritihane jaa jelai caje coaraain jetaote, enoto soo jeloon niha Beteli neseune jana jetao, enoto mitu jeloon ne Hai.
Nii neloanaritihane jaau neein jetaote, nacoaauneein ajeri caje rori jae Abaran, ecu neein Cana Coaunera bajaane coina.
9Nii ajeri caje rori jaane baiha jetaote, jeraaen inaaujue inaaujueein cuujueein Negueve batane jeloon cuelu jetao Abaran.
Egiptoo turuha Abaranne
10Nii bana jetaote, nii ichaohane jaan batane sacuritaain uheniha elone jaun, omaroeniha temulene jaun neniha quinacaine jaun, carajaaojoaain Egiptoo ichaoha cuelu jetao Abaran. 11Inae Egiptoo turuneein jetaote, rai comasai Sarai rai jetao: “Aonaaun. Esinae rauhijiriinte caohatohicha. 12Nii jaunte ichoharaauruha Egipto cocoaichacurune, ‘Caa ene nachura caa cacha comasai nihate’, naaurureeincha. Chaentechu casohin cajaohin, iicha ichaolaaurureein rai comasainu quera. 13Aihane jaun, nabana casohin cajaosichuruha ichorenihane ajiniha, atiin acaauru rai: ‘Canune rai baineeunra’, naau acaauru raicha”, naain jetao rai comasai Sarai suujuate Abaran.
14Nii jana, inae Egiptoo turuha Abaranne jana jetaote, jataain caohatoha Saraine coaracure Egipto cocoaichacuru. 15Chaaen Egipto curuaanaa Faraaon cachaauru letohaurerane maajeein jetaote, jataain caohatohane coaracuruhane jaun jetao: “Jataainte caohate taa enera”, naain biha cuuruhane jaun, raeratiha Egipto curuaanaa Faraaonne jaun, nii Egipto curuaanaa loreri palacio asae amaaure.
16Nii jaun jetaote, carenerocuru, bacaauru, cabario rijijieein nenaa asnooru, camechocuru, rai cachaauru, rai coseenraauru, naaonjoaihunri que jetao, jataain Abaran belai Sarai coreniha Egipto curuaanaa Faraaon. 17Ne jetaote, Sarai coreniha rai naraaichuru aina curuaecaain Faraaon ichoae itolere necairichanaa nijihanai nalutiaain jetao, cunaine maajeein nalutiae Cana Coaunera. 18Nii jaun jetaote, Abaran cotiharateein: “Chaanate catohaneein caeterateeita. Chanuna: ‘Caate canu comasainera’, naeneei caraita. 19Chaanate ii bai niha beeita. Basijiin lanajeje inae canu comasainu que raanunera, colane chatohanerihacaanu chaainti. Nocoa. Chajaain amaain amuura”, naain jetao Abaran cotaain, 20rai cachaauru letoae Egipto curuaanaa Faraaon, nii Abaran sitaauruhane, satiin rai rucuheleeuru, nirihuru, rai comasai, naaonjoaain amaain amuha Egipto cajene coina.
Արդեն Ընտրված.
Génesis 12: URA
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© 2005, 2024, Wycliffe Bible Translators, Inc.
Génesis 12
12
Rai atane tihane coina Abaran cotihaca Cana Coaunerane
1Nitohaneein naraaichuru aina Haran neseu ichaoha Abaranne jana jetaote: “Nii charaaichuru, chatane, efojiaraauru, naaonjoaihunri ratiriin uune; ichei atane coaaratete; ecu ichaohi. 2Ecute arajiin nefaain neeurureein ii inamacooru. Chaennechu jataain laraajiin caohachaain acaauru rai nelateein leeochaauru rausiajeein, acaauru coroatajaneeine, ii coroaecuruhane coina ichorataanereeunnicha. 3Caohachaain iniha ichara raine, rai netonai caohacha ichareeunnicha. Jana iniha baasoneein icharane, casetecareeunnicha. Nii rijijieeinnachu ii, ii inamacooru, naaonjoaineeichene aina cuaain itolereneein satiin caa chauratane que lauri lauri nenacaauru cachaauru aina caohachaain ichareeunnicha”, nae jetao Abaran rai Cana Coaunera.
4Nii jaun jetaote, nii rai aitoha Cana Coaunerane tonoraain jetao, Haran nese caje amuhin, Canaan batane que cuelu jetao Abaran. Nii Haran nese caje amuhin, Canaan batane que cuhalune bana jetaote, caainsi choonca saoqui jaanacaelu. 5Nii Haran caje amuhin, Canaan cunajaun jetaote, rai comasai Sarai, rai nirihuru, rai calaohi riji Loto, satiin nii Haran nese niicha sirii rucuhele, rai cachaauru, naaonjoaihunri jetao jiniichaain amaain, jataain coriaae nihane jaun jeraaen cuujue cuujueein cuelu Abaran.
Nitohaneein cuhin jetaote, inae Canaan batane turuhin jetao, 6nichoae situhin cue jetao, Siqueeun turuhane reentiaain. Inae ecu turuhin jetaote, nii niha jataain nelateein nenaa enuha neeojoaain Moreneein niicha curuateeuri teein jetao neloanarite Abaran.
Nii jana jetaote jelai batane que turuuru jana, ecu ichaoorelu nii Canaan cocoaichacuru.
7Nitohaneein inae nii Siqueen batane que turuuru jana jetaote, ecu nii Abaran rai ecocohin: “Caa atanena tereeunni ii inamacooru raicha”, nae jetao Cana Coaunera.
Nitohaneein ecu rai ecooca Cana Coaunerane jaun jetaote, jelai coujunacanu que, ecu rai ajeri caje leinjiin rori jae jetao Abaran.
8Nii baiha jetaote, Beteli nese enoto mitu uuri jeloon nichajai que nenaa ichatane ecuuno batane que cuhin jetao, ecu jacari caje ichanohineein nenaa que neloanarite Abaran. Nii neloanaritihane jaa jelai caje coaraain jetaote, enoto soo jeloon niha Beteli neseune jana jetao, enoto mitu jeloon ne Hai.
Nii neloanaritihane jaau neein jetaote, nacoaauneein ajeri caje rori jae Abaran, ecu neein Cana Coaunera bajaane coina.
9Nii ajeri caje rori jaane baiha jetaote, jeraaen inaaujue inaaujueein cuujueein Negueve batane jeloon cuelu jetao Abaran.
Egiptoo turuha Abaranne
10Nii bana jetaote, nii ichaohane jaan batane sacuritaain uheniha elone jaun, omaroeniha temulene jaun neniha quinacaine jaun, carajaaojoaain Egiptoo ichaoha cuelu jetao Abaran. 11Inae Egiptoo turuneein jetaote, rai comasai Sarai rai jetao: “Aonaaun. Esinae rauhijiriinte caohatohicha. 12Nii jaunte ichoharaauruha Egipto cocoaichacurune, ‘Caa ene nachura caa cacha comasai nihate’, naaurureeincha. Chaentechu casohin cajaohin, iicha ichaolaaurureein rai comasainu quera. 13Aihane jaun, nabana casohin cajaosichuruha ichorenihane ajiniha, atiin acaauru rai: ‘Canune rai baineeunra’, naau acaauru raicha”, naain jetao rai comasai Sarai suujuate Abaran.
14Nii jana, inae Egiptoo turuha Abaranne jana jetaote, jataain caohatoha Saraine coaracure Egipto cocoaichacuru. 15Chaaen Egipto curuaanaa Faraaon cachaauru letohaurerane maajeein jetaote, jataain caohatohane coaracuruhane jaun jetao: “Jataainte caohate taa enera”, naain biha cuuruhane jaun, raeratiha Egipto curuaanaa Faraaonne jaun, nii Egipto curuaanaa loreri palacio asae amaaure.
16Nii jaun jetaote, carenerocuru, bacaauru, cabario rijijieein nenaa asnooru, camechocuru, rai cachaauru, rai coseenraauru, naaonjoaihunri que jetao, jataain Abaran belai Sarai coreniha Egipto curuaanaa Faraaon. 17Ne jetaote, Sarai coreniha rai naraaichuru aina curuaecaain Faraaon ichoae itolere necairichanaa nijihanai nalutiaain jetao, cunaine maajeein nalutiae Cana Coaunera. 18Nii jaun jetaote, Abaran cotiharateein: “Chaanate catohaneein caeterateeita. Chanuna: ‘Caate canu comasainera’, naeneei caraita. 19Chaanate ii bai niha beeita. Basijiin lanajeje inae canu comasainu que raanunera, colane chatohanerihacaanu chaainti. Nocoa. Chajaain amaain amuura”, naain jetao Abaran cotaain, 20rai cachaauru letoae Egipto curuaanaa Faraaon, nii Abaran sitaauruhane, satiin rai rucuheleeuru, nirihuru, rai comasai, naaonjoaain amaain amuha Egipto cajene coina.
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© 2005, 2024, Wycliffe Bible Translators, Inc.