Ayat-ayat Alkitab Ternama dari SEI-ATAMAI VAHTAO 2

Bagikan

Alia Pitar nou puletao hi paoe, “Le dalo, alia neletao mah khaipeire donou, neletao mai ali linou Jisu Khrista zhih hinou dzükhao dalo; alia neletao nou Rako Mashi vei sapeina nasü ngaoloulai.

Alia puletaosü sei-atamai taonou doupeiyu hi, rako meime hi, raokhao soukhoyu hi ea veachi paoyu hinou tobai soumoa lenou shoa buloure.

Sühinou puletao hrülaisü Rako Mashinou phoupeiloua Rakonou puletaoye süpeiyu thaifüa kukuyu la hinou paoshu loure.

Alia sükhaimoa chihshoyu teikhai hüveyu kua kho alisü rakivanou veloua puletao nou buyu ki süna hisü phoupei loure. Alia sükisü meikei kuyu mali taosü kouloua puletao alili pei hi ve kukua taopeiyu sü puletao nou ngaoloure. Sühinou puletao hrülaisü Rako Mashinou phoupeiloua Rakonou puletaoye süpeiyu thaifüa kukuyu la hinou paoshu loure.

Alia teithe tsünou puletao sü tsü-le alisoua Rathoki hinou tave dzüa bue, alia ki, ki hinou tave raokhao soukhoa puletao vei tovai sü koa sasa-a ea le alikhei soua tousho loure. Alia haikua Ramaiye shoa, maikhemai hrülaivei zhuvea sü ngaoloue. Alia Mapaowo nou khailuloua buyu maitaoye sü teithe tsünou puletao me hisü pothou pupeie.

“Ramai nou paoe, akhai teithetao hisü haibüa palai; süolouzü, Enou Arakosü maikhemai hrülai pei hi lakou thoupeilai: Alia neletao nahpoutumai ea nah naotumai taonou rachi paopalai, alia neletao vei nahlemai taonou zho ngaolai, alia neletao vei khaimai taonou me mulai.

Alia lüloumai hrülaisü vedzüloua na teitei sü khaloure. Alia puletao nou puletao vei ki-lu, ki-na buyu teitei sü zhowu-a sütao veishi sü mai hrülai hi lah lahnou moshi laiyu thaifüa zhihpeire.

Alia sükisü Mapaowo zhih kua bumai taliye sü khailu peilai.

Mapao vei dushoyu ea varuyu teithe vemo jühinou teinghi sü zhitalai ea khouh sü zhe data bailai.