Ayat-ayat Alkitab Ternama dari LUKAQ 21

Berbagi

Ara chong tiikai mra pin akhing saü wan tlaq kra thun ka wiita kunkun tang wan miitu, lanta namshiq ka tiichhii wan miitu, achu jaü shatmaq kiimaq, honkamshat maq si ronglaq. Lanta, namshiq ka Maiq Se man na chap wan li chang miitu, pharang rang maq si ronglaq.”

“Namshiq ka honkam shat maq si rong laq! Namshiq ka che nyang dungsea peosea na nai mungkang han-ngam miitu chapasea niili ka, naqmo chü rongkiq. Kra Ranaiq raq namshiq ka

Namshiq jaqkhon ka naq tiihiim rongkiq. Pharang rang maq chap wan ruq li si rong laq. Kra riihan jiila, namshiq raq riikhaqli maiqmii rilung kra milap wan han.”

Ara jamkhano chongkuqtiikang ngukla, ngi raq namshiq ma phaqchi mikuq kang. Namshiq raq maiqmii khum tiikhe bomchong ka, namjaqti nok raq jurmin khü lot mak chang bom michong kuq han.

Ra nai hiq ka athum mirki. Shatmaq, i bomtsi arka poiki mak phan.”

“Kra akhing na, rashe kaü nai jipi kaü thaq na, kiimaq ra na raiqsaiq thun sitlaq kra thaq na, awang chang thenjen wan pahea mitiichhi kuq. Mangjong hiq khu thaq na, mung ümchuwa sitlaq wiitarü ka, tsaihü jihü maq akii anyii watrang li she miraq. Kiimaq, sammoktra jütso mok trang kra tai raüta, mangjong maiqse ka, tsaidoq jidoq she, aphiip ajiip riili she mitsai. Maiqse angu ka mangjong hiq khu thaq na jamlai wa tham wan tlaq, kra chhi raüta, akiinyii phiip raq mitsai. Ra wang win na, sitlaq ningkun ajong thun kriika, tsangshiq maiqmii khum chang lam kriiwa wiita arun she mirbaiq. Kra ra nai hiq thun kra brak shaq wan jai shetiq, Maiq Se kriika phum mong na, apaiq ningkun ajong pinthum kra ho raüta nai achhai anyii khushü ngao jonghea kra ho raütiishe misaüho.

Namshiq ka ngi tingkhu na maiqse angu wiitarü riishe mishushe wan.

Kiimahali, barap binrii na, phiiptsi jiiptsi hiqjong mimu. Kiimaq, barap binrii na, song aram ka midong. Kiimaq barap binrii na tha ka midong. Kiimaq, maiq wang chang nai phiiptsi chang pahea, rawang win na saükai michhi han.

Namshiq raq chiq are dong nai hokham riinya redong tsütsa ka tai han jiila, naqhai song rongkiq. Akha mung aman brak shaq wan, mra thun arka kongkhu na pin wan chang dongdii. Shatmaq, kra chhi lanta, phangthum wan miika ajeli she dea sham nguta tiima wan chang ka riimak.” Jesuq raq akha chongkuqto, “Maiq mung thun sitlaq kra liipan na, re ka midong wan dongdii. Hokham nai hokham liipan na, re riikhat matdong tsadong wan kriika misi dongdii.

“Kra akhing na, rashe kaü nai jipi kaü thaq na, kiimaq ra na raiqsaiq thun sitlaq kra thaq na, awang chang thenjen wan pahea mitiichhi kuq. Mangjong hiq khu thaq na, mung ümchuwa sitlaq wiitarü ka, tsaihü jihü maq akii anyii watrang li she miraq. Kiimaq, sammoktra jütso mok trang kra tai raüta, mangjong maiqse ka, tsaidoq jidoq she, aphiip ajiip riili she mitsai. Maiqse angu ka mangjong hiq khu thaq na jamlai wa tham wan tlaq, kra chhi raüta, akiinyii phiip raq mitsai. Ra wang win na, sitlaq ningkun ajong thun kriika, tsangshiq maiqmii khum chang lam kriiwa wiita arun she mirbaiq.

Jesuq raq akha chongkuqto, “Maiq mung thun sitlaq kra liipan na, re ka midong wan dongdii. Hokham nai hokham liipan na, re riikhat matdong tsadong wan kriika misi dongdii.

Kiijiishe, Jesuq raq treto, “Namshiq ka honkam shat maq sirong laq. Maiq ma naq tlao rongkiq. Maiq pahea ka i mang shaphaq raüta, misaüho. Raüta, tsangshiq raq, ‘Ngi ahata Khristo!’ nguta mitiitsaki. Kiimaq, ‘Phangthum akhing ka saü wato she!’ nguta mingu. Shatmaq, tsangshiq jai ka naq phan rongkiq.