Ayat-ayat Alkitab Ternama dari Yohaane 14

Bagikan

Kinoohiyerani murettele; murettelaaka kinimoovahani. Miyo nkinoovahani ntoko elapo ya vathi emvahaaya. Sihituthuwe mirimasanyu, hata muhoove.

Yeesu aamwaakhula: “Miyo ti Ephiro, Ekhaikhai ni Okumi. Khaawo ongwa wa Atiithi, ohikhanle aviraka mwa Miyo.

Mirimasanyu sihikacamiheye. Munroromele Muluku, mukiroromeletho Miyo.

Namalakatho, Munepa Wootteela Atiithi eneeraaya erumihe mwa Nsinanaka, ngwooxuttiheni itthu sootheene ni onuuwuupuxereni sootheene kooleenlaakani.

Yoowo okhalanne malamulowaaka ni oniiwelela, ti yoowo onkisivela. Yoowo onkisivela, anaasiveliwe ni Atithaka ni Miyotho nkimusivele ni nkiixoonihere wa yoowo.”

Miyo nkaavekele Atiithi ni Awo eniyoovaheeni Namalaka mukina weera akhale ni nyuwo mahuku ootheene, eyo tiiyo Munepa wa ekhaikhai. Amalapo khaangwera waakhela niwoko khaanoona, hata khaansuwela. Vaheera nyuwo moosuwela, niwoko Owo onkhala ni nyuwo ni onuukhale mwa nyuwo.

Vano Miyo nkipake yeeyo nyuwo muneeraanyu mvekele mwa Nsinanaka weera Atiithi ekhale oovuwihiwa mwa Mwaana. Yeeyo nyuwo muneeraanyu mvekele mwa Nsinanaka, Miyo nkipake.”

Nyuwo mwakisivela Miyo, mmwiiwelele malamulowaaka.

Vaate wa Atithaka aakhala mapuro mancipale. Wahaakhanle hiiho, Miyo saano kooleenleeneni. Miyo kinkela woorehererelani nipuro.

Ni Miyo kaarowaka ni koorehererelakani nipuro, kinoohokolowa ni nkookuxeni vamoha ni Miyo weera nyuwo mwakhale weiwo Miyo kineeraaka kakhalewo.

Tomaxi aamweerela: “Apwiya, khanisuwenle munkelaanyu, vano nnisuwele hai ephiro?”