Ayat-ayat Alkitab Ternama dari ഓഗെന്നാനു 3

Berbagi

ഈച്ചിര ഈ ലോഗത്തിനെ അദിഗമായി ചിനേഗിച്ചെനെകോണ്ടു തന്റ ഒരേവൊരു മഗേനെ ഈ ലോഗത്തികീന്റെരക്കുബേണ്ടി നേരിച്ചെയായി തന്തു. തന്റ മഗേനെ നമ്പിന്റ ആരുമു ചത്തൊടുങ്കിപോഗദെ എപ്പൊണെക്കുമു ഉഗിരായി ബദുക്കുവബേണ്ടിച്ചാന്റു ഈച്ചിര ഇങ്ങാണെ ചെയിദെയെയ്.

ഈച്ചിര തന്റ മഗേനെ ഈ ലോഗത്തെക്കു ചൊല്ലിബുട്ടെയെയ് ലോഗത്തില മയിച്ചെരളെ കുറ്റബിദിപ്പനല്ല. തന്റ മഗേനെകോണ്ടു ഈ ലോഗത്തികീന്റെരളെ രെച്ചിപ്പബേണ്ടിച്ചാന്റു.

അയിങ്കു ഏച്ചു നിക്കൊദെമോച്ചുന്റൊന്റ: “നേരാച്ചുമു നാനു ഇഞ്ചൊന്റ പറേന്റെയ്: ഒരു മയിച്ചെയ് ഒന്റുകൂടി പുറാഗക്കി അയിങ്കു ഈച്ചിരന്റ നാടുനെ മെലേവപറ്റയ്” എന്റു പറേഞ്ചു.

തന്റ മഗേനെ നമ്പിന്റ ആരുനെമു ഈച്ചിര കുറ്റബിദിയ. എന്റെങ്കി ആരെങ്കില അദുനെ നമ്പക്കി അയിരക്കു കുറ്റബിദി ബന്തുകവുഞ്ചയ്. എന്നെഗെന്റെങ്കി അയിര ഈച്ചിരന്റ ഒരേവൊരു മഗെനാനദുനെ നമ്പുവകാണി.

ഈച്ചിരന്റ ബെളിച്ച ഈ ലോഗത്തെക്കു ബന്തിച്ചുമു മയിച്ചെരളൊക്കായിമു കെട്ടകാരിയ ചെയിന്റെരളാനെനെകോണ്ടു അയിര ബെളിച്ചത്തിനെമുകാട്ടി അദിഗ കാവുളത്തിനെ ചിനേഗിച്ചരു. അയിനെകോണ്ടാന്റു കുറ്റബിദി ഉണ്ടാനെയെയ്.

അദു ബലിബലിയദായിക്കൊണു. എന്റെങ്കി നാനു താവുന്തിക്കൊണു.

കെട്ടകാരിയ ചെയിന്റെങ്കു ബെളിച്ചത്തിനെ ബെറുപ്പാന്റു. താനു ചെയിന്റ കെട്ടകാരിയത്തിനെ ഒക്കായിമു അറിഞ്ചുകാവൊരു എന്റു പേടിച്ചിച്ചു അയിനു ബെളിച്ചത്തിന്റവുടെക്കു ബാരയ്.

ഈച്ചിരന്റ മഗേനെ നമ്പിന്റെങ്കു എപ്പൊണെക്കുമു ബദുക്കുവകീന്റ ഉഗിരു കിട്ടുവൊയ്. എന്റെങ്കി ഈച്ചിരന്റ മഗേനെ നമ്പത്തെങ്കു ആ ഉഗിരു കിട്ടയ്. ഈച്ചിരങ്കു അയിരണ്ട മുഗാളു എപ്പൊണുമു അരിയ ഇപ്പൊയ്.”

മോച്ചെ ബറാണ്ടമന്റത്തിബെച്ചു പാമ്പുനെ ഉഗേരുത്തിനപല്ലെ മയിച്ചമഗെനാച്ചു ബന്ത എന്നെമു ഉഗേരുത്തൊണ്ടെനാന്റു.

അപ്പെനാന ഈച്ചിര തന്റ മഗേനെ ചിനേഗിക്കിന്റു. അയിതന്നെയല്ല അദു ഒക്കാത്തിന്റ മുഗാളുമുകീന്റ അദിഗാര തന്റ മഗേങ്കു കൊടുത്തുമുകീന്റു.