Ayat-ayat Alkitab Ternama dari Mateghusi 7

Berbagi

“Mu kumbere, mbo hana mu pa, mu shane mbo muna wana, mu kun̂ure mbana mu yandhwerera.

Yoyishi kehe yu ghokukumbera, ghana kutambura, no kehe yu ghokushana ghana kuwana, noyu ghana kukun̂ura mbana mu yandhwerera.

“Yomuhe ghokuyuva man̂ando ghange ghano no kughatenda, ku kona kumurikanyitha namurume ghomaghano ghokutendera nghugho dhendi padiwe.

“Yoyiheya yi mwa haka eshi ha yi mu tendere hanu, mu yi wa tendere nawo. Yoyishi kemo ya ninga mumuragho nawaporofeta.

Ene dikorogho dyokutwara kumoyo ne dithorokoto, ndhira dhako ne dhimbiru, hakakudhiwana nawo hapu.

“Mwingene mudikorogho dyodithorokoto. Dikorogho dyokutwara kumashinyihero ne kungwara nondhira dhako ne dhiyaghayu, nawa ha dhi yenda ne hengi.

Ngeshi mwe mwayi, ha mu dimuka kutapa kwawanenu yoyiwa, yingatji keho sho gha tape Wihenu ghomudiwiru yoyiwa kwawa hana kumukumbera?

“Mwa kutetera ndhango, kemo mba dhira namwe kumutetera ndhango. Thothi mbo mu teteritha ndhango hamweya, tho mbo ha mu teteritha namwe. No karo thiyedhekeritho thi mbo mu yedhekeritha hamweya, tho mbo ha mu yedhekeritha.

“No kehe yu ghokuyuva man̂ando ghange ghano, no mbadi ghana kughakutha, gha kona kukughanekera kwamukamandengure yu gha shokekera ndhugho dhendi pamuve ghodivegheya.

“Nye ghuna kumonena kapara komudiho dyamuyendhoye, mutambo ghomudiho dyoye ne kadi wa mona? Endi ngepi sho kone kuninga kwamuyendhoye eshi: ‘Tango ni kutundithe kapara mudiho dyoye,’ oku we ne ghuna kara nomutambo mudiho dyoye?

“Mu koneke kwawaporofeta hombango. Awo hana kumwiyera muthifurukutu thondjwi. Ene mwimi dhawo ne hamambungu. Kumbuyo dhawo, mbo muna wa dimuka. Munu ne kukona kukokora mandjombo kumighunga endi n̂uyu kushosho?

Kehe thitondo thothiwa thina kwima mbuyo dhodhiwa. Ene thitondo thothiyi, thina kwima mbuyo dhodhimango.

Thitondo thothiwa kadi thika kwima mbuyo dhodhiyi nothothimango natho kadi wa kwima mbuyo dhodhiwa.

Kehe thitondo thokudhira kwima mbuyo mwene, thina kupwa kuyeya no kuthivukumena mumudiro.