Ayat-ayat Alkitab Ternama dari LUKA 13

Bagikan

Nufwilafiani ndo kubwela mu mbelo mubende, bwalo bunwatôyela ene, Bantu bangi banapalala kubwela munda yi kabanalubukwa pô.

Yi mona, mwamukaxi akadi yi kidimu kia bubombu mbula disangi yi mbula yenana, akalumbeyebwa kwe, yi akadi kasolubukwa kudisangola pô. Yi Yisu pakamumonayi akamubikila, yi akamutôyela ene, Mwamukaxi, wamalekyelebwa bubombu bwebe.

Yi akabaka bianca bienci kulu kwand ; yi akaxombolebwa mangwoso yi akatumbisa Ncembi.

Yi mona, banga bena nyuma banakala ku buxi, yi banga bena buxi ku nyuma.

Panakala fumu a ncibo amabika yi amancibika mbelo bu, yi nonu nunabanga kwemana kunci yi kukwakwala ku lukuki ene, Fumu utudipudili ; yi yei unapingasa, unanutôyela ene, Kinubiyi kunwapulwa 

Nwatôyela ene, Kañana ; kate ndo nonu kanusodibela, nunafwa bungi bwenu mo nako.

Yi yei unatôya ene, Nwatôyela ene, Kinubiyi kunwapulwa ; nuncuki kundi bungi bwenu badi bakixi ba bubi.

Mbwôso akatôya ene, Bufumu bwa Ncembi bwafwana kifiani ? Yi nakubwelekyesa yi luna kifiani ? Bulexi yi luna mutongu ă mutadi ăkangata muntu ăkakwelayi mu kibidi kienci ; yi ăkalunda yi ăkalwa muci munene ; yi nyonyi ya kulu yakaxikama ku matamba anci.