Luk 10
10
Yesu ŵatumile ŵakulijiganya makumi msano ni gaŵili kwisa ŵaŵili
1Piyamasile yeleyi Ambuje ŵasagwile ŵandu makumi msano ni gaŵili kwisa ŵaŵili ni ŵatumile ŵaŵili ŵaŵili kwawula ku musi uliwose ni kumalo kulikose kuŵatiji ajawule asyene. 2Yesu* ŵasalile jemanjajo kuti, “Yindu yagowola yili yejinji, nambo ŵamasengo ŵakuti ayisonganye yosope pampepe ali ŵamnono. Myoyo mŵende kwa msyene yakugowola atumisye ŵamasengo kuti akasonganye yagowola yakwe.#Mat 9:37-38 3Jawulagani sambano, ngumtuma jemanja mpela ŵanace ŵangondolo sikati ja masogo.*#Mat 10:16 4Mkajigala msaku wa mbiya, kapena msaku wa pa ulendo kapena sapato; mkasimjima mwitala kuti mkomasyane ni mundu.#Mat 10:7-14; Mak 6:8-11; Luk 9:3-5 5M'nyumba jilijose jitimkajinjile, pandanda mkajile kuti, ‘Mlungu ŵape mtendele ŵandu wosope ŵali m'nyumba muno.’ 6Naga m'nyumbamo mwana mundu jwakusaka mtendele, mtendele umsasilewo tiwuciŵa pa jwalakwejo. Nambo naga mwangali jwakusaka mtendele, mtendele umsasilewo tiwuciwujila kwa jemanja. 7Mkatameje m'nyumba m'momo, mkalyeje ni kumwa yitakampe, pakuti jwamasengo akwenela kupocela yakusosekwa pa umi wakwe. Mkasimjaga kutyoka kumyicileko ni kuja kukwinjila m'nyumba sine.#1 Akoli 9:14; 1 Tim 5:18 8Naga mkwinjila mu msinda ni kusimanikwa kuti ŵandu ŵa mu msindamo ampocele cenene, mkalyeje yakulya yitakamkolocesyeyo. 9Mkaposye ŵandu ŵakulwala ŵali mu msindamo ni kwasalila kuti, ‘Ucimwene wa Mlungu* uyice pa jemanjajo.’ 10Nambo naga mkuja kwinjila mu msinda ni kusimanikwa kuti ŵandu ŵa mu msindamo nganampocela cenene, mkajawule m'misewu ja mu msindamo ni mkajile kuti,#Mase 13:51 11‘Atamose luwundu lwa mu msinda mwenu lwalukanilile ku sajo syetu tukumpatila jemanja. Nambo m'manyilile kuti Ucimwene wa Mlungu uyice ciŵandika ni jemanja.’ 12Nditu ngumsalicisya kuti pa lisiku lyele litacilamula cilambo capasi, jwalakwejo tacatendela canasa cejinji ŵandu ŵakutama mu msinda wa Sodomu kulekangana ni ŵa mu msinda welewo.”#Gen 19:24-28; Mat 11:24; 10:15
Likungu kwa ŵandu ŵakutama m'misinda ja ŵandu ŵangakulupilila
(Mat 11:20-24)
13“Mkwete likungu jemanja ŵandu ŵimkutama mu msinda wa Kolasini! Mkwete likungu jemanja ŵandu ŵimkutama mu msinda wa Betisaida! Pakuti masengo gamacili gatendekwe kwa jemanja gakaŵe kuti gatendekwe ku cilambo ca Taya ni Sidoni, ni kuti ŵandu ŵa m'misinda jeleji akaliji ali alipakesye liwu ni kuwala yakuwala yakupanganyidwa ni yisaka kulosya kupitikuka mitima kwawo.#Yes 23:1-18; Esek 26:1—28:26; Yow 3:4-8; Amo 1:9-10; Sak 9:2-4 14Pa lisiku lyakulamula lya Ambuje, ŵalakwewo tacilosya canasa kwa ŵandu ŵakutama mu misinda ja Taya ni Sidoni kwapunda jemanjajo. 15Jemanja ŵandu ŵimkutama ku msinda wa Kapelenaumu, ana mkuganisya kuti tacimcimbicisya ni kuja kwinani? Iyayi, timcijawula ku malo ga ŵandu ŵawe.”#Yes 14:13-15
16Yesu ŵasalile ŵakulijiganya* ŵakwe ŵala kuti, “Jwalijose jwakumpikanila jemanja akumbikanila une, jwakumkana jemanja akungana soni une. Nipo jwakungana une akwakana soni Atati ŵiŵandumile une.”#Mat 10:40; Mak 9:37; Luk 9:48; Yoh 13:20
Kuwuja kwa acalume 72
17Acalume 72 ŵala ŵawusile mwa lukondwa ni ŵatite kuti, “Ambuje, atamose misimu jakusakala* jaliji mkutupikanila pitwajilamulaga mu lina lya ŵalakwe.”
18Yesu ŵajanjile jemanjajo kuti, “Nalolelele muŵagwilile Satana* mpela mujikusagwila njasi kutyocela kwinani. 19Nimpele jemanja macili gakupakombola kuliŵata majoka ni yiŵalaŵala ni kugapunda macili ga Satana m'magongo jwenu. Pangali cindu cilicose citicimwulasya jemanja.#Mas 91:13 20Msangalaleje kuti mena genu galembedwe mu buku jakwinani, nambo ngaŵaga ligongo lyakuti misimu jakusakala jaliji mkupikanila jemanja.”
Lukondwa lwa Yesu
(Mat 11:25-27; 13:16-17)
21Pandaŵi jelejo Msimu Ŵaswela wamgumbesye Yesu ni lukondwa mu mtima mwakwe ni ŵatite kuti, “Atati, Ambuje ŵakwinani ni cilambo capasi. Ngumtogolela kuti mwasalile ŵandu ŵangalijiganyaŵa yindu yiyaliji yakusisika kwa ŵandu ŵalunda ni ŵamlijiganye. Elo, Atati pakuti amu ni muŵasacile ŵalakwe kuti yitendekwele.”
22Kaneko Yesu ŵapitilisye kuŵeceta kwa ŵandu ŵala kuti, “Atati ŵangu ambele yindu yosope yene, ŵelewo ni ŵakum'manyilila Mwanace. Ŵane soni ŵakwamanyilila Atati ali Mwanace. Nambo mwanace akusaka kwasalila ŵandu ŵane kwambaga ya Atati, kuti nombe nawo jemanjajo ŵamanyilile ŵelewo.”#Yoh 3:35; 10:15
23Kaneko Yesu ŵagalawucile ŵakulijiganya ŵakwe ŵala ni ŵasalile kuti, “Ŵana upile ŵandu ŵakuyiwona yindu yimkuyiwona jemanjayi. 24Ngumsalila kuti ŵakulocesya ni ayimwene ŵajinji ŵasakaga kuti ayiwone cenene yimkuyiwona jemanjayi, nambo nganayiwona. Jemanjajo ŵasacile kuti apikane cenene yimkupikana jemanjayi, nambo nganayipikana.”
Ndamo ja Msamaliya jwa canasa
25Mwalimu jwine jwa Malamusi jwajimi ni cakulinga cakuti ampatile Yesu ligongo pa maloŵe gitaŵecete jwalakwejo. Ŵamwusisye kuti, “Cemwalimu, ana ngwenela kutenda cici kuti ngole umi wangamala?”#Mat 22:35-40; Mak 12:28-34
26Yesu ŵamjanjile jwalakwejo kuti, “Ana m'Malemba ga Mlungu mulembedwe cici? Ana mkusagagopolela uli Malembago?”
27Mundu jula jwajanjile kuti, “Mwanonyeleje Ambuje Mlungu jwenu ni mtima wenu wosope, ni umi wenu wosope, ni macili genu gosope ni lunda lwenu losope, mumnonyeleje soni mjenu mpela yimkuti pakulinonyela mwasyene.”#Lef 19:18; Det 6:5
28Yesu ŵatite, “Mjanjile cenene, mtendeje yeleyi nipo timkole umi wangamala.”#Lef 18:5
29Nambo mundu jula pakusaka kulilosya kuti ali jwakulungama, ŵamwusisye Yesu kuti, “Ana mjangujo nduni?”
30Pakwanga Yesu ŵatite, “Jwapali mundu jwine juŵatyocelaga ku Yelusalemu nipo ŵajawulaga ku Yeliko. Petala ŵasimene ni ŵaciswamba ŵamputile ni kumwula yakuwala ni kumleka ali akomwece. 31Yili yitendekwe yeleyi, jwakutaga mbopesi jwine ŵapitile litala lilyolyo. Piŵam'weni mundu jula ŵamŵambele. 32Yalumo soni mundu jwine jwa lukosyo lwa Lefi jwayice pa malo piŵagonile mundu pala, nambo nombe najo jwalakwejo ŵamŵambele. 33Nambo mundu jwine jwa ku Samaliya jwaliji pa ulendo nipo ŵayice pa malo galagala. Piŵam'weni mundu juŵaputidwe ni ŵaciswamba jula ŵamtendele canasa.#2 Mbi 28:15 34Jwalakwejo jwapite pa malo pijwagonile mundu jula ni ŵamtasile mawuta ga olifi* ni finyo pa maŵanga gakwe gala ni ŵamtaŵile. Kaneko ŵamkwesisye pa bulu jwakwe ni kwawula najo mundujo ku nyumba jagona acalendo kuŵamsamalile cenene. 35Kundaŵi kwakwe Msamaliyajo* ŵakopwesye mbiya siŵili, ni ŵampele msyene nyumba ja acalendo jula ni ŵamsalile kuti, ‘Mumlolele cenene munduju, naga timjonanje mbiya sine, tinimwucisye pakuwuja.’ ”
36Yesu ŵamalisisye kuŵeceta pakumwusya mundujo kuti, “Mu nganisyo syenu, ana mkuganisya kuti mwa ŵandu ŵatatuŵa, ŵani ŵatesile mpela mnasi jwa mundu juŵaputidwe ni ŵaciswamba jula?”
37Jwalakwejo jwajanjile kuti, “Juŵamtendele canasa jula.”
Yesu ŵamsalile kuti, “Nomwe ŵakwe mjawule mkatendeje iyoyo.”
Yesu ŵajile kukunguluka kwa Malita ni Maliya
38Yesu ni ŵakulijiganya ŵakwe piŵaliji pa ulendo wawo, jwalakwejo jwajinjile m'musi wine. M'musimo mwaliji mwana jwamkongwe jwine lina lyakwe Malita juŵampocele Yesu ndaŵi jiŵayice ku nyumba jakwe.#Yoh 11:1 39Jwalakweju jwakwete mpwakwe lina lyakwe Maliya juŵatemi mwakuŵandikana ni Yesu ni kupikanilaga maloŵe gakwe. 40Pandaŵi jeleji, Malita gatupile masengo nipo ŵajile piŵaliji Yesu pala ni kumsalila kuti, “Ambuje, ana akuyiwona kuti cili cindu cambone kuti mpwangaju andecele jikape masengo? Amsalile kuti ayice kukungamusya.”
41Ambuje ŵatite, “M'mwe Malita, mkujijilika ni kulaga ni yindu yejinji, 42nambo cakusosekwa ni cimope basi. Maliya asagwile cindu cakupunda mnope, soni celeci pangali jwine jutacimsumula.”
Pilihan Saat Ini:
Luk 10: YAWO
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Chiyawo Bible: Buku Jeswela © Bible Society of Malawi, 2014
Luk 10
10
Yesu ŵatumile ŵakulijiganya makumi msano ni gaŵili kwisa ŵaŵili
1Piyamasile yeleyi Ambuje ŵasagwile ŵandu makumi msano ni gaŵili kwisa ŵaŵili ni ŵatumile ŵaŵili ŵaŵili kwawula ku musi uliwose ni kumalo kulikose kuŵatiji ajawule asyene. 2Yesu* ŵasalile jemanjajo kuti, “Yindu yagowola yili yejinji, nambo ŵamasengo ŵakuti ayisonganye yosope pampepe ali ŵamnono. Myoyo mŵende kwa msyene yakugowola atumisye ŵamasengo kuti akasonganye yagowola yakwe.#Mat 9:37-38 3Jawulagani sambano, ngumtuma jemanja mpela ŵanace ŵangondolo sikati ja masogo.*#Mat 10:16 4Mkajigala msaku wa mbiya, kapena msaku wa pa ulendo kapena sapato; mkasimjima mwitala kuti mkomasyane ni mundu.#Mat 10:7-14; Mak 6:8-11; Luk 9:3-5 5M'nyumba jilijose jitimkajinjile, pandanda mkajile kuti, ‘Mlungu ŵape mtendele ŵandu wosope ŵali m'nyumba muno.’ 6Naga m'nyumbamo mwana mundu jwakusaka mtendele, mtendele umsasilewo tiwuciŵa pa jwalakwejo. Nambo naga mwangali jwakusaka mtendele, mtendele umsasilewo tiwuciwujila kwa jemanja. 7Mkatameje m'nyumba m'momo, mkalyeje ni kumwa yitakampe, pakuti jwamasengo akwenela kupocela yakusosekwa pa umi wakwe. Mkasimjaga kutyoka kumyicileko ni kuja kukwinjila m'nyumba sine.#1 Akoli 9:14; 1 Tim 5:18 8Naga mkwinjila mu msinda ni kusimanikwa kuti ŵandu ŵa mu msindamo ampocele cenene, mkalyeje yakulya yitakamkolocesyeyo. 9Mkaposye ŵandu ŵakulwala ŵali mu msindamo ni kwasalila kuti, ‘Ucimwene wa Mlungu* uyice pa jemanjajo.’ 10Nambo naga mkuja kwinjila mu msinda ni kusimanikwa kuti ŵandu ŵa mu msindamo nganampocela cenene, mkajawule m'misewu ja mu msindamo ni mkajile kuti,#Mase 13:51 11‘Atamose luwundu lwa mu msinda mwenu lwalukanilile ku sajo syetu tukumpatila jemanja. Nambo m'manyilile kuti Ucimwene wa Mlungu uyice ciŵandika ni jemanja.’ 12Nditu ngumsalicisya kuti pa lisiku lyele litacilamula cilambo capasi, jwalakwejo tacatendela canasa cejinji ŵandu ŵakutama mu msinda wa Sodomu kulekangana ni ŵa mu msinda welewo.”#Gen 19:24-28; Mat 11:24; 10:15
Likungu kwa ŵandu ŵakutama m'misinda ja ŵandu ŵangakulupilila
(Mat 11:20-24)
13“Mkwete likungu jemanja ŵandu ŵimkutama mu msinda wa Kolasini! Mkwete likungu jemanja ŵandu ŵimkutama mu msinda wa Betisaida! Pakuti masengo gamacili gatendekwe kwa jemanja gakaŵe kuti gatendekwe ku cilambo ca Taya ni Sidoni, ni kuti ŵandu ŵa m'misinda jeleji akaliji ali alipakesye liwu ni kuwala yakuwala yakupanganyidwa ni yisaka kulosya kupitikuka mitima kwawo.#Yes 23:1-18; Esek 26:1—28:26; Yow 3:4-8; Amo 1:9-10; Sak 9:2-4 14Pa lisiku lyakulamula lya Ambuje, ŵalakwewo tacilosya canasa kwa ŵandu ŵakutama mu misinda ja Taya ni Sidoni kwapunda jemanjajo. 15Jemanja ŵandu ŵimkutama ku msinda wa Kapelenaumu, ana mkuganisya kuti tacimcimbicisya ni kuja kwinani? Iyayi, timcijawula ku malo ga ŵandu ŵawe.”#Yes 14:13-15
16Yesu ŵasalile ŵakulijiganya* ŵakwe ŵala kuti, “Jwalijose jwakumpikanila jemanja akumbikanila une, jwakumkana jemanja akungana soni une. Nipo jwakungana une akwakana soni Atati ŵiŵandumile une.”#Mat 10:40; Mak 9:37; Luk 9:48; Yoh 13:20
Kuwuja kwa acalume 72
17Acalume 72 ŵala ŵawusile mwa lukondwa ni ŵatite kuti, “Ambuje, atamose misimu jakusakala* jaliji mkutupikanila pitwajilamulaga mu lina lya ŵalakwe.”
18Yesu ŵajanjile jemanjajo kuti, “Nalolelele muŵagwilile Satana* mpela mujikusagwila njasi kutyocela kwinani. 19Nimpele jemanja macili gakupakombola kuliŵata majoka ni yiŵalaŵala ni kugapunda macili ga Satana m'magongo jwenu. Pangali cindu cilicose citicimwulasya jemanja.#Mas 91:13 20Msangalaleje kuti mena genu galembedwe mu buku jakwinani, nambo ngaŵaga ligongo lyakuti misimu jakusakala jaliji mkupikanila jemanja.”
Lukondwa lwa Yesu
(Mat 11:25-27; 13:16-17)
21Pandaŵi jelejo Msimu Ŵaswela wamgumbesye Yesu ni lukondwa mu mtima mwakwe ni ŵatite kuti, “Atati, Ambuje ŵakwinani ni cilambo capasi. Ngumtogolela kuti mwasalile ŵandu ŵangalijiganyaŵa yindu yiyaliji yakusisika kwa ŵandu ŵalunda ni ŵamlijiganye. Elo, Atati pakuti amu ni muŵasacile ŵalakwe kuti yitendekwele.”
22Kaneko Yesu ŵapitilisye kuŵeceta kwa ŵandu ŵala kuti, “Atati ŵangu ambele yindu yosope yene, ŵelewo ni ŵakum'manyilila Mwanace. Ŵane soni ŵakwamanyilila Atati ali Mwanace. Nambo mwanace akusaka kwasalila ŵandu ŵane kwambaga ya Atati, kuti nombe nawo jemanjajo ŵamanyilile ŵelewo.”#Yoh 3:35; 10:15
23Kaneko Yesu ŵagalawucile ŵakulijiganya ŵakwe ŵala ni ŵasalile kuti, “Ŵana upile ŵandu ŵakuyiwona yindu yimkuyiwona jemanjayi. 24Ngumsalila kuti ŵakulocesya ni ayimwene ŵajinji ŵasakaga kuti ayiwone cenene yimkuyiwona jemanjayi, nambo nganayiwona. Jemanjajo ŵasacile kuti apikane cenene yimkupikana jemanjayi, nambo nganayipikana.”
Ndamo ja Msamaliya jwa canasa
25Mwalimu jwine jwa Malamusi jwajimi ni cakulinga cakuti ampatile Yesu ligongo pa maloŵe gitaŵecete jwalakwejo. Ŵamwusisye kuti, “Cemwalimu, ana ngwenela kutenda cici kuti ngole umi wangamala?”#Mat 22:35-40; Mak 12:28-34
26Yesu ŵamjanjile jwalakwejo kuti, “Ana m'Malemba ga Mlungu mulembedwe cici? Ana mkusagagopolela uli Malembago?”
27Mundu jula jwajanjile kuti, “Mwanonyeleje Ambuje Mlungu jwenu ni mtima wenu wosope, ni umi wenu wosope, ni macili genu gosope ni lunda lwenu losope, mumnonyeleje soni mjenu mpela yimkuti pakulinonyela mwasyene.”#Lef 19:18; Det 6:5
28Yesu ŵatite, “Mjanjile cenene, mtendeje yeleyi nipo timkole umi wangamala.”#Lef 18:5
29Nambo mundu jula pakusaka kulilosya kuti ali jwakulungama, ŵamwusisye Yesu kuti, “Ana mjangujo nduni?”
30Pakwanga Yesu ŵatite, “Jwapali mundu jwine juŵatyocelaga ku Yelusalemu nipo ŵajawulaga ku Yeliko. Petala ŵasimene ni ŵaciswamba ŵamputile ni kumwula yakuwala ni kumleka ali akomwece. 31Yili yitendekwe yeleyi, jwakutaga mbopesi jwine ŵapitile litala lilyolyo. Piŵam'weni mundu jula ŵamŵambele. 32Yalumo soni mundu jwine jwa lukosyo lwa Lefi jwayice pa malo piŵagonile mundu pala, nambo nombe najo jwalakwejo ŵamŵambele. 33Nambo mundu jwine jwa ku Samaliya jwaliji pa ulendo nipo ŵayice pa malo galagala. Piŵam'weni mundu juŵaputidwe ni ŵaciswamba jula ŵamtendele canasa.#2 Mbi 28:15 34Jwalakwejo jwapite pa malo pijwagonile mundu jula ni ŵamtasile mawuta ga olifi* ni finyo pa maŵanga gakwe gala ni ŵamtaŵile. Kaneko ŵamkwesisye pa bulu jwakwe ni kwawula najo mundujo ku nyumba jagona acalendo kuŵamsamalile cenene. 35Kundaŵi kwakwe Msamaliyajo* ŵakopwesye mbiya siŵili, ni ŵampele msyene nyumba ja acalendo jula ni ŵamsalile kuti, ‘Mumlolele cenene munduju, naga timjonanje mbiya sine, tinimwucisye pakuwuja.’ ”
36Yesu ŵamalisisye kuŵeceta pakumwusya mundujo kuti, “Mu nganisyo syenu, ana mkuganisya kuti mwa ŵandu ŵatatuŵa, ŵani ŵatesile mpela mnasi jwa mundu juŵaputidwe ni ŵaciswamba jula?”
37Jwalakwejo jwajanjile kuti, “Juŵamtendele canasa jula.”
Yesu ŵamsalile kuti, “Nomwe ŵakwe mjawule mkatendeje iyoyo.”
Yesu ŵajile kukunguluka kwa Malita ni Maliya
38Yesu ni ŵakulijiganya ŵakwe piŵaliji pa ulendo wawo, jwalakwejo jwajinjile m'musi wine. M'musimo mwaliji mwana jwamkongwe jwine lina lyakwe Malita juŵampocele Yesu ndaŵi jiŵayice ku nyumba jakwe.#Yoh 11:1 39Jwalakweju jwakwete mpwakwe lina lyakwe Maliya juŵatemi mwakuŵandikana ni Yesu ni kupikanilaga maloŵe gakwe. 40Pandaŵi jeleji, Malita gatupile masengo nipo ŵajile piŵaliji Yesu pala ni kumsalila kuti, “Ambuje, ana akuyiwona kuti cili cindu cambone kuti mpwangaju andecele jikape masengo? Amsalile kuti ayice kukungamusya.”
41Ambuje ŵatite, “M'mwe Malita, mkujijilika ni kulaga ni yindu yejinji, 42nambo cakusosekwa ni cimope basi. Maliya asagwile cindu cakupunda mnope, soni celeci pangali jwine jutacimsumula.”
Pilihan Saat Ini:
:
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Chiyawo Bible: Buku Jeswela © Bible Society of Malawi, 2014