Luk 13
13
Ŵandu ŵangaleka ulemwa taciwa
1Ndaŵi jijojo ŵandu ŵane ŵaŵaliji papopo ŵayice kwa Yesu* ni kumsalila jwalakwejo ya ŵandu ŵane ŵakutyocela ku Galileya ŵiŵalamulidwe ni Pilato* kuti awulajidwe pa ndaŵi jiŵaliji mkupeleka jemanjajo mbopesi kwa Mlungu. 2Yesu ŵawusisye jemanjajo kuti, “Ana mkuganisya kuti ŵandu ŵa ku Galileya ŵaliji ŵakulemwa kwapunda ŵandu ŵane ŵa mu Galileyamo kuti awulajidwe camti myiyi? 3Nambo ngumsalila kuti, naga ngamkupitikuka mitima, nomwe ŵakwe tacimjonanga mpela jemanjajo. 4Nambi uli ŵandu likumi kwisa msano ni ŵatatu ŵijagwilile sanja ku Shilowamu ŵala? Ana mkuganisya kuti jemanja jila ŵaliji ŵakulemwa mnope kwapunda ŵandu ŵane ŵakutama mu msinda wa Yelusalemu? 5Nambo ngumsalila kuti, naga ngamkupitikuka mitima, nomwe ŵakwe timcijonasika mpela jemanjajo.”
Citagu ca citela ca mkuju wangasogola
6Kaneko Yesu ŵasalile jemanjajo citagu* aci acitiji kuti:
“Mundu jwine jwapandile citela ca mkuju mu mgunda wakwe wa yisogosi ya mpeleya. Lisiku line jwalakwejo jwajawile ku mgunda kula kuti akakaŵe yisogosi mcitela ca mkujumo, nambo nganayisimana kose. 7Myoyo ŵamsalile jwamasengo juŵalimaga mu mgunda mula kuti, ‘Mlole, sambano yimasile yaka yitatu yimbele ndili mkwika kuti ngaŵe yisogosi mcitelaci, nambo ngayisimana. Sambano mcikate citelaci. Nambi ligongo cici cigambeje konanga litaka?’ 8Jwamasengo juŵalimaga mu mgundamo jwajanjile kuti, ‘Mbuje gwangu, cilekani citela ca mkujuci caka acinope. Tisole lisimbo kusyungulila citelaci ni tindaje manyowa. 9Naga ticisogole yisogosi caka ca malaŵi tiyiŵe yambone. Nambo naga ngasicisogola, tacikate.’ ”
Yesu ŵamposisye jwamkongwe jwamlemale mgongo pa lisiku lyakupumula
10Lisiku line pa lisiku lyakupumula* lya Ayuda, Yesu ŵaliji mkwiganya m'nyumba jine ja mapopelo. 11Mwelemo mwaliji mwana jwamkongwe jwine juŵakwete msimu wakusakala uwamlwalisye kwa yaka 18. Mgongo wa jwamkongweju waliji wepindice mwakuti kwaliji kwakusawusya kuti ajinamukuce. 12Yesu piŵam'weni jwamkongwejo ŵamŵilasile ni kumsalila kuti, “Ŵakongwe, ulwele wenu uposile!” 13Kaneko Yesu ŵasajice magasa gakwe pa jwalakwejo, mwa ndaŵi jijojo jwamkongwejo jwajinamukwice ni ŵamtogolele Mlungu.
14Kaneko jwamkulungwa jwakulolela yindu yiyatendekwaga ku nyumba ja mapopelo jwatumbile ligongo lyakuti Yesu ŵakamwile masengo gakuposya pa lisiku lyakupumula Ayuda. Myoyo jwamkulungwajo jwasalile ŵandu kuti, “Pana masiku msano ni limo gakukamula masengo. Myoyo myiceje pa gele masikugo kuti amposye ku yilwele yenu nambo ngaŵaga pa lisiku lyakupumula.”#Eks 20:9-10; Det 5:13-14
15Ambuje ŵamjanjile jwalakwejo kuti, “Jemanja ŵa unami! Ana pana jumo jwa jemanja jwele jwangakusagopola ng'ombe kapena bulu mwicinga pa lisiku lyakupumula ni kuja najo kukujimwesya mesi? 16Jwamkongweju ali jwa mwiŵasa lya Abulahamu* juŵataŵidwe ni Satana* kwa yaka likumi ni msano ni yitatu, ana nganiciŵa cindu cambone kuti jwalakweju agopoledwe ku yipwetesi yakwe pa lisiku lyakupumulali?” 17Piŵaŵecete gele maloŵega, amagongo ŵakwe wosope ŵatesile soni, nambo ŵandu ŵane wosope ŵasangalele ligongo lya yindu yakusimonjesya yiŵaliji mkutenda jwalakwejo.
Citagu ca mbeju ja citela ca mkuju ni cakusasaŵilisya mikate
(Mat 13:31-33; Mak 4:30-32)
18Yesu ŵapitilisye kuŵeceta kuti, “Ana Ucimwene wa Mlungu* ni nawulandanicisye ni cici? 19Uli mpela mbeju ja kacele, jele mundu akusasijigala ni kuja kukujipanda mu mgunda mwakwe; kaneko jikusakula mpaka msingu wa citela nipo yijuni ya mwinani yikusayika ni kutaŵa yisusi mu nyambi syakwe.”
20Yesu ŵatite soni kuti, “Ana Ucimwene wa Mlungu tinawulandanicisye ni cici? 21Uli mpela cakusasaŵilisya* mikate, ciŵajigele jwamkongwe jwine ni kuciwanganya ni utandi wakwana mipimo jitatu, mpaka mtanda wosope wasasaŵile.”
Mlango wakanganika
(Mat 7:13-14, 21-23)
22Yesu piŵaliji pa ulendo wakwe wakuja ku Yelusalemu ŵapitile m'misi ni m'misinda mcajiganyaga ŵandu. 23Mundu jwine ŵamwusisye Yesu kuti, “Ana ŵandu ŵapanandipe ni ŵitacikulupuka?”
Yesu ŵajanjile kuti, 24Mlinjilileje kwinjilila pa cipata cakanganika, pakuti ngumsalila kuti ŵandu ŵajinji tacisaka kwinjila nambo tacilepela. 25“Msyene nyumbajo naga akwimuka ni kuwugala pa mlango, papopo jemanja ŵimsigalile kusa timcitanda kupoposya mcitiji, ‘Ambuje mtuwugulile.’ Nambo jwalakwejo tacimjanga kuti, ‘Ngingum'manyilila jemanja.’ 26Kaneko jemanja timcitanda kuŵeceta kuti, ‘Uwe twaliji mkumwa ni kulya pampepe ni ŵalakwe, soni ŵalakwe ŵajiganyaga m'misewu ja m'misinda ni misi ja kumangwetu.’ 27Nambo jwalakwejo tacimjanga kuti, ‘Ngingum'manyilila jemanja, ŵandu ŵa yitendo yakusakala.’#Mas 6:8 28Kweleko tikuciŵa kulila ni kutawuna meno pa ndaŵi jitimcawona Abulahamu, Isaki ni Yakobo* ŵakulocesya wosope ŵa mu Ucimwene wa Mlungu, nambo jemanja mli mkuponyedwa kusa.#Mat 22:13; 25:30#Mat 8:11-12 29Ŵandu taciyika kutyocela mbali syosope ni kutama pasi kuti alye ni kusangalala mu Ucimwene wa Mlungu. 30Pelepo ŵali kumbesi taciŵa ŵandanda, nipo ŵitaciŵa ŵandanda taciŵa ŵa ku mbesi.”#Mat 19:30; 20:16; Mak 10:31
Yesu akulila ligongo lya msinda wa Yelusalemu
(Mat 23:37-39)
31Ndaŵi jijojo Afalisi* ŵayice ni kumsalila Yesu kuti, “Mtyoce akuno mjawule kwine ligongo lyakuti Helodi* akusaka kumwulaga m'mwejo.”
32Yesu ŵajanjile kuti, “Mjawule mkamsalile mundu jwakalalisya mpela likulejo utenga wakutyocela kwa une kuti ngukoposya misimu jakusakala* soni timbe ndili mkwaposya ŵandu lelo mpaka malaŵi pelepo ni pitinjimalisya masengo gangu. 33Nambo ngwenela kwenda ulendo wangu lelo, malaŵi ni mtondo pakuti jwakulocesya* ngaŵa mkuwila kwinepe akaŵe ku msinda wa Yelusalemu.”
34“Jemanja ŵandu ŵa mu msinda wa Yelusalemu! Jemanja ŵandu ŵa mu Yelusalemu! Mkusawulaga ŵakulocesya, mkusimwasoma maganga ŵandu ŵa Mlungu ŵiŵatumidwe kwa jemanja! Ana kalingwa kimbele ndili mkusosa kuti nimsonganye jemanja wosope, mpela mujikusasonganyicisya nguku ŵanace ŵakwe kusi kwa mapapiko gakwe, nambo jemanja mwakanile! 35Myoyo malo gimkutamago tigaciŵa masame. Ngumsalila jemanja kuti pa lyele ligongoli ngasimumbona soni une mpaka pa ndaŵi jitimcijila kuti, ‘Jwana upile jwele jwakwisa mu lina lya Ambuje.’ ”#Mas 118:26; Yel 22:5
Pilihan Saat Ini:
Luk 13: YAWO
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Chiyawo Bible: Buku Jeswela © Bible Society of Malawi, 2014
Luk 13
13
Ŵandu ŵangaleka ulemwa taciwa
1Ndaŵi jijojo ŵandu ŵane ŵaŵaliji papopo ŵayice kwa Yesu* ni kumsalila jwalakwejo ya ŵandu ŵane ŵakutyocela ku Galileya ŵiŵalamulidwe ni Pilato* kuti awulajidwe pa ndaŵi jiŵaliji mkupeleka jemanjajo mbopesi kwa Mlungu. 2Yesu ŵawusisye jemanjajo kuti, “Ana mkuganisya kuti ŵandu ŵa ku Galileya ŵaliji ŵakulemwa kwapunda ŵandu ŵane ŵa mu Galileyamo kuti awulajidwe camti myiyi? 3Nambo ngumsalila kuti, naga ngamkupitikuka mitima, nomwe ŵakwe tacimjonanga mpela jemanjajo. 4Nambi uli ŵandu likumi kwisa msano ni ŵatatu ŵijagwilile sanja ku Shilowamu ŵala? Ana mkuganisya kuti jemanja jila ŵaliji ŵakulemwa mnope kwapunda ŵandu ŵane ŵakutama mu msinda wa Yelusalemu? 5Nambo ngumsalila kuti, naga ngamkupitikuka mitima, nomwe ŵakwe timcijonasika mpela jemanjajo.”
Citagu ca citela ca mkuju wangasogola
6Kaneko Yesu ŵasalile jemanjajo citagu* aci acitiji kuti:
“Mundu jwine jwapandile citela ca mkuju mu mgunda wakwe wa yisogosi ya mpeleya. Lisiku line jwalakwejo jwajawile ku mgunda kula kuti akakaŵe yisogosi mcitela ca mkujumo, nambo nganayisimana kose. 7Myoyo ŵamsalile jwamasengo juŵalimaga mu mgunda mula kuti, ‘Mlole, sambano yimasile yaka yitatu yimbele ndili mkwika kuti ngaŵe yisogosi mcitelaci, nambo ngayisimana. Sambano mcikate citelaci. Nambi ligongo cici cigambeje konanga litaka?’ 8Jwamasengo juŵalimaga mu mgundamo jwajanjile kuti, ‘Mbuje gwangu, cilekani citela ca mkujuci caka acinope. Tisole lisimbo kusyungulila citelaci ni tindaje manyowa. 9Naga ticisogole yisogosi caka ca malaŵi tiyiŵe yambone. Nambo naga ngasicisogola, tacikate.’ ”
Yesu ŵamposisye jwamkongwe jwamlemale mgongo pa lisiku lyakupumula
10Lisiku line pa lisiku lyakupumula* lya Ayuda, Yesu ŵaliji mkwiganya m'nyumba jine ja mapopelo. 11Mwelemo mwaliji mwana jwamkongwe jwine juŵakwete msimu wakusakala uwamlwalisye kwa yaka 18. Mgongo wa jwamkongweju waliji wepindice mwakuti kwaliji kwakusawusya kuti ajinamukuce. 12Yesu piŵam'weni jwamkongwejo ŵamŵilasile ni kumsalila kuti, “Ŵakongwe, ulwele wenu uposile!” 13Kaneko Yesu ŵasajice magasa gakwe pa jwalakwejo, mwa ndaŵi jijojo jwamkongwejo jwajinamukwice ni ŵamtogolele Mlungu.
14Kaneko jwamkulungwa jwakulolela yindu yiyatendekwaga ku nyumba ja mapopelo jwatumbile ligongo lyakuti Yesu ŵakamwile masengo gakuposya pa lisiku lyakupumula Ayuda. Myoyo jwamkulungwajo jwasalile ŵandu kuti, “Pana masiku msano ni limo gakukamula masengo. Myoyo myiceje pa gele masikugo kuti amposye ku yilwele yenu nambo ngaŵaga pa lisiku lyakupumula.”#Eks 20:9-10; Det 5:13-14
15Ambuje ŵamjanjile jwalakwejo kuti, “Jemanja ŵa unami! Ana pana jumo jwa jemanja jwele jwangakusagopola ng'ombe kapena bulu mwicinga pa lisiku lyakupumula ni kuja najo kukujimwesya mesi? 16Jwamkongweju ali jwa mwiŵasa lya Abulahamu* juŵataŵidwe ni Satana* kwa yaka likumi ni msano ni yitatu, ana nganiciŵa cindu cambone kuti jwalakweju agopoledwe ku yipwetesi yakwe pa lisiku lyakupumulali?” 17Piŵaŵecete gele maloŵega, amagongo ŵakwe wosope ŵatesile soni, nambo ŵandu ŵane wosope ŵasangalele ligongo lya yindu yakusimonjesya yiŵaliji mkutenda jwalakwejo.
Citagu ca mbeju ja citela ca mkuju ni cakusasaŵilisya mikate
(Mat 13:31-33; Mak 4:30-32)
18Yesu ŵapitilisye kuŵeceta kuti, “Ana Ucimwene wa Mlungu* ni nawulandanicisye ni cici? 19Uli mpela mbeju ja kacele, jele mundu akusasijigala ni kuja kukujipanda mu mgunda mwakwe; kaneko jikusakula mpaka msingu wa citela nipo yijuni ya mwinani yikusayika ni kutaŵa yisusi mu nyambi syakwe.”
20Yesu ŵatite soni kuti, “Ana Ucimwene wa Mlungu tinawulandanicisye ni cici? 21Uli mpela cakusasaŵilisya* mikate, ciŵajigele jwamkongwe jwine ni kuciwanganya ni utandi wakwana mipimo jitatu, mpaka mtanda wosope wasasaŵile.”
Mlango wakanganika
(Mat 7:13-14, 21-23)
22Yesu piŵaliji pa ulendo wakwe wakuja ku Yelusalemu ŵapitile m'misi ni m'misinda mcajiganyaga ŵandu. 23Mundu jwine ŵamwusisye Yesu kuti, “Ana ŵandu ŵapanandipe ni ŵitacikulupuka?”
Yesu ŵajanjile kuti, 24Mlinjilileje kwinjilila pa cipata cakanganika, pakuti ngumsalila kuti ŵandu ŵajinji tacisaka kwinjila nambo tacilepela. 25“Msyene nyumbajo naga akwimuka ni kuwugala pa mlango, papopo jemanja ŵimsigalile kusa timcitanda kupoposya mcitiji, ‘Ambuje mtuwugulile.’ Nambo jwalakwejo tacimjanga kuti, ‘Ngingum'manyilila jemanja.’ 26Kaneko jemanja timcitanda kuŵeceta kuti, ‘Uwe twaliji mkumwa ni kulya pampepe ni ŵalakwe, soni ŵalakwe ŵajiganyaga m'misewu ja m'misinda ni misi ja kumangwetu.’ 27Nambo jwalakwejo tacimjanga kuti, ‘Ngingum'manyilila jemanja, ŵandu ŵa yitendo yakusakala.’#Mas 6:8 28Kweleko tikuciŵa kulila ni kutawuna meno pa ndaŵi jitimcawona Abulahamu, Isaki ni Yakobo* ŵakulocesya wosope ŵa mu Ucimwene wa Mlungu, nambo jemanja mli mkuponyedwa kusa.#Mat 22:13; 25:30#Mat 8:11-12 29Ŵandu taciyika kutyocela mbali syosope ni kutama pasi kuti alye ni kusangalala mu Ucimwene wa Mlungu. 30Pelepo ŵali kumbesi taciŵa ŵandanda, nipo ŵitaciŵa ŵandanda taciŵa ŵa ku mbesi.”#Mat 19:30; 20:16; Mak 10:31
Yesu akulila ligongo lya msinda wa Yelusalemu
(Mat 23:37-39)
31Ndaŵi jijojo Afalisi* ŵayice ni kumsalila Yesu kuti, “Mtyoce akuno mjawule kwine ligongo lyakuti Helodi* akusaka kumwulaga m'mwejo.”
32Yesu ŵajanjile kuti, “Mjawule mkamsalile mundu jwakalalisya mpela likulejo utenga wakutyocela kwa une kuti ngukoposya misimu jakusakala* soni timbe ndili mkwaposya ŵandu lelo mpaka malaŵi pelepo ni pitinjimalisya masengo gangu. 33Nambo ngwenela kwenda ulendo wangu lelo, malaŵi ni mtondo pakuti jwakulocesya* ngaŵa mkuwila kwinepe akaŵe ku msinda wa Yelusalemu.”
34“Jemanja ŵandu ŵa mu msinda wa Yelusalemu! Jemanja ŵandu ŵa mu Yelusalemu! Mkusawulaga ŵakulocesya, mkusimwasoma maganga ŵandu ŵa Mlungu ŵiŵatumidwe kwa jemanja! Ana kalingwa kimbele ndili mkusosa kuti nimsonganye jemanja wosope, mpela mujikusasonganyicisya nguku ŵanace ŵakwe kusi kwa mapapiko gakwe, nambo jemanja mwakanile! 35Myoyo malo gimkutamago tigaciŵa masame. Ngumsalila jemanja kuti pa lyele ligongoli ngasimumbona soni une mpaka pa ndaŵi jitimcijila kuti, ‘Jwana upile jwele jwakwisa mu lina lya Ambuje.’ ”#Mas 118:26; Yel 22:5
Pilihan Saat Ini:
:
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Chiyawo Bible: Buku Jeswela © Bible Society of Malawi, 2014