Luk 12
12
Yesu ŵakalamwisye ŵandu pa yindu ya unami
(Mat 10:26-27)
1Pa ndaŵi jelejo likuga lya ŵandu ŵajinji lyaliji mkusongana, mwakuti ŵanduwo ŵagambaga kupondana. Pandanda Yesu* ŵaŵecete ni ŵakulijiganya* ŵakwe kuti, “Mkalamuce ni cakusasaŵilisya* mikate ca Afalisi* cele cili majiganyo gawo ga unami.#Mat 16:6; Mak 8:15 2Cindu cilicose cili cakusisika ticicimanyika, soni ya asili yiliyose tiyicimanyika.#Mak 4:22; Luk 8:17 3Myoyo cilicose cimwaŵecete pacisyepela ticicimanyika pakulanguka, soni yosope yimwasongonele ŵandu mkati mwa nyumba, tiyicijenesyedwa kwa jwalijose.”
Ya ŵakwenela kwajogopa
(Mat 10:28-31)
4Ngumsalila jemanja acimjangu kuti, “Mkasimwajogopa ŵandu ŵakusawulaga cilu, nambo panyuma pakwe ngapakombola kutenda cindu cine cakonanga. 5Nambo une tinamsalile jemanja ŵakwenela kwajogopa: Mumjogopeje Mlungu jwele jwakusati naga ali atyosisye umi wa mundu akwete soni macili gakumponya ku Nyasa ja moto. Jwalakwejo ni jwakwenela kumjogopa.
6“Ana ngati yijuni yiŵili ya timba akusayisumisya mbiya siŵili? Nambotu Mlungu jwangayiliŵalila amta cimo cose. 7Soni umbo sya mu mtwe mwenu ŵasiŵalasile kala, myoyo mkajogopaga. Jemanja mli ŵa mtengo wapenani kupunda yijuni ya timba yejinji.
Ŵakumjiticisya ni ŵakumkana Klistu
(Mat 10:32-33; 12:32; 10:19-20)
8“Ngumsalila kuti mundu jwalijose jwakunjiticisya une pameso pa ŵandu, nombe najo Mwanace jwa Mundu* tacimjiticisya jwelejo pameso pa Malayika* ga Mlungu. 9Nambo jwalijose jwakungana pameso pa ŵandu, nombe najo Mwanace jwa Mundu tacimkana jwelejo pameso pa Malayika ga Mlungu.
10“Jwalijose jwakumŵecetela Mwanace jwa Mundu liloŵe lyangalumbana, jwalakwejo tacikululucidwa, nambo jwalijose jutaciŵecetela yangalumbana Msimu Ŵaswela, Mlungu ngasamkululucila jwalakwejo.#Mat 12:32; Mak 3:29
11“Pitacimjigalila jemanja ku nganya sya magambo ku majumba gakupopelela kapena kwa acakulungwa ŵakulamula, kasimdandawula kuti timkalicenjele uli, kapena kuti timkaŵecete cici.#Mat 10:19-20; Mak 13:11; Luk 21:14-15 12Pakuti Msimu Ŵaswela tacim'manyisya pa ndaŵi jijojo yakwenela kuyiŵeceta.”
Citagu ca mundu jwakusicila jwakuloŵela
13Mundu jwine juŵaliji mwikuga lya ŵandu ŵala ŵamsalile Yesu kuti, “Cemwalimu, ŵalakwe ŵasalile akulu ŵangu kuti angaŵile mbali jimo ja yipanje ya masije.”
14Yesu ŵamsalile jwalakwejo kuti, “Ana ŵani ŵaŵasagwile une kuti m'mbe jwakulamula kapena kugaŵanya yipanje ya masije sikati ja jemanja ŵaŵili?” 15Kaneko Yesu ŵapitilisye kuŵeceta ni ŵandu ŵala kuti, “Mkalamuce, soni mligose pakukumbila yindu yiliyose, pakuti atamose mundu akole yipanje yejinji, yeleyo ngaŵa mkukulupusya umi wa mundujo.”
16Sambano Yesu ŵasalile ŵanduwo citagu* aci: Ŵatite, “Jwapali mundu jwine jwakusicila, mu mgunda mwa jwalakweju mwasogwele mbeju syejinji. 17Jwalakwejo jwatandite kuganisya mu mtima mwakwe acitiji kuti, ‘Ana tindende uli pakuti nganingola malo gakusunjila mbeju syangu?’ 18Kaneko jwatite, ‘Nayimanyi yitindende sambano, timbasule ngokwe syangu, ni kutaŵa soni sine syekulungwa, mwele mutisunjilemo yakulya yangu ni katundu jwangu jwine josope. 19Kaneko tinjijila mu umi ŵangu kuti, Umi wangu mkwete yindu yejinji yambone yitiyicimkwanila kwa yaka yejinji. Mpumule sambano, mlye, m'mweje ni msangalaleje!’ 20Nambo Mlungu ŵamsalile jwalakwejo kuti, ‘Ŵakuloŵela m'mwe! Umi wenu tiniwusose cilo cino. Ana nambi yindu yosope yimwalisunjileyi tiyiŵe ya ŵani?’ ”
21Pakumalisya Yesu ŵatite, “Mwelemu ni mutiyiciŵela kwa ŵandu ŵakuliwunjicila acimsyene yipanje, nambo mkinaŵa ŵakusicila pameso pa Mlungu.”
Ya kumkulupilila Mlungu
(Mat 6:25-34)
22Yesu ŵasalile ŵakulijiganya ŵakwe kuti, “Sambano ngumsalila kuti, mkasimdandawula ni ya umi wenu kuti timlye cici, kapena tim'wale cici. 23Umi ukusapunda yakulya soni cilu cikusapunda yakuwala. 24Mlole makungulu, gangapanda kapena kugowola mbeju, gangali ngokwe syakusunjila yakulya, nambo Mlungu akusagapa yakulya. Jemanja mli ŵakusosekwa mnope kupunda cijuni cilicose. 25Ana ŵani mwa jemanja mpaka ajonjecesye lisiku limo pa umi wakwe ligongo lyakudandawula? 26Naga mkulepela kutenda kamnono kamti myiyi, nambi cakudandawulila yindu yine ni cici? 27Mlole mugakusakulila maluŵa gamwitinji, gangakamula masengo kapena kulipanganyicisya yakuwala. Nambo ngumsalila kuti atamose Mwenye Solomoni ni yipanje yakwe yosope yiŵakwete nganakola yakuwala yakusalala mpela limo mwa maluŵaga.#1 Ayi 10:4-7; 2 Mbi 9:3-6 28Mlungu ni jwakusagatendekasyaga maluŵago kuti gaŵe gakusalala, gele gakusatama lelope jino, kundaŵi kwakwe ni kugajasa pamoto. Nambi uli jemanja ŵandu ŵa cikulupi camnono, ana Mlungu mpaka alepele kumsamalila jemanja?”
29“Myoyo mkadandawulaga mciganisyaga kuti ana tindye kapena timwe cici? 30Ŵandu ŵa pacilambo capasi ŵangam'manyilila Mlungu ni ŵele ŵakusadandawula ni yindu yeleyi. Atati ŵenu akusamanyilila kuti jemanja mkuyisoŵa yindu yeleyi. 31M'malo mwa yeleyi mtande kusosasosa yindu yayili yakusosekwa mnope mu Ucimwene wa Mlungu,* ni tacimpa yine yosope yimkulajila.”
Ya cipanje ca kwinani
(Mat 6:19-21)
32Mkasimjogopa jemanja ŵakulijiganya ŵangu ŵa panandi, yanonyelesye Atati ŵenu kuti ampe ucimwene wa kwinani. 33Msumisye yimkwete ni mpelece mbiyasyo kwa ŵandu ŵakulaga. Mlipanganyicisye mwacimsyene misaku jakulimba, jakusunjilamo cipanje kwinani kwele ngasicimala ligongo kwangali ŵawiyi ŵa mpaka ajiŵe, soni ucece ngaŵa mkucijonanga. 34Pakuti mtima wenu tiwuŵeje kuyili yipanje yenuko.
Ŵakutumicila ŵakulindilila
35“Mŵeje ŵacile kutumicila ndaŵi syosope soni nyali syenu siŵeje sili mkukolela.#Mat 25:1-13 36Mŵeje mpela ŵakutumicila ŵele ŵakumjembecela mbuje gwawo jwakutyocela ku cindimba ca ulombela, kuti pa ndaŵi jitayice jwalakwejo ni kupoposya, jemanjajo amwugulile.#Mak 13:34-36 37Ŵana upile ŵakutumicila ŵitacisimanidwa ni mbujegwawo ali mesope ni kwembecela mpaka pa ndaŵi jakuwuja jwalakwejo. Ngumsalila kuti jwalakwejo taciŵa ali cile ni kwatenda ŵakutumicila ŵakwe ŵala kuti atame pasi pa malo gakulila cakulya kuti jwalakwejo ŵatumicile jemanjajo. 38Ŵana upile ŵakutumicilawo pa ndaŵi jele mbujegwawojo pitaciwuja ni kwasimana jemanjajo ali ŵacile, pakati cilo kapena kumasikusiku. 39Nambo m'manyilile kuti msyene nyumba akamanyilile ndaŵi jakuyicila jwawiyi, ngamkanakunda kuti jwawiyi akase nyumbajo.#Mat 24:43-44 40Myoyo soni jemanja mŵeje ŵa cile ndaŵi syosope, ligongo Mwanace jwa Mundu taciyika pa ndaŵi jingamkwembeceya jemanja kuti tayice.”
Ya jwamasengo jwakulupicika ni jwangakulupicika
(Mat 24:45-51)
41Petulo* jwawusisye kuti, “Ambuje, ana aŵecete citaguci kwa uwejipe kapena kwa jwalijose?”
42Ambuje ŵajanjile kuti, “Ana nduni jwali jwamasengo jwakulupicika ni jwalunda, jwele ambuje ŵakwe ŵamsagwile kuti aŵe jwamkulungwa jwakulolela nyumba josope ni kwagaŵila yakulya ŵamasengo ŵane mu ndaŵi jakwe? 43Jwana upile jwamasengo jwele tacimsimana mbujegwe pakuwuja ali mkutenda yeleyi mu ndaŵi jakwe. 44Kusyene ngumsalila kuti, mbujegwejo tacimŵika jwalakwejo kuti aŵe jwakulolela yipanje yakwe yosope. 45Nambo naga jwamasengojo akuŵeceta jikape mu mtima mwakwe acitiji kuti, ‘Ambuje ŵangu akucelewa kuwuja,’ ni kaneko kutanda kwaputa ŵamasengo ŵanewo ŵacalume ni ŵacakongwe ŵakwe, jwalakwejo ni kulyaga ni kumwaga mpaka kolelwa. 46Ni yikusatendekwa kuti mbujegwe jula akusawuja lisiku lingamkwembecela kose. Myoyo tacimwonesya yipwetesi yakogoya kwabasi, nipo tacimjasa ku malo ga ŵandu ŵa unami.
47“Jwakutumicila jwakumanyilila lisosa lya ambuje ŵakwe, nambo ni ngatenda lisosalyo tacikwapulidwa. 48Jwakutumicila jwakakumanyilila lisosa lya ambujegwe, nambo ngayitenda yeleyo tacimkwapula panandi.” Yejinji tiyicisosekwa kwa mundu jwapegwile yejinji; soni yejinji mnope tiyicisosekwa kwa mundu jwapegwile yejinji mnope.
Kugaŵikana ligongo lya Yesu
(Mat 10:34-36)
49“Nayice kukucitendekasya cilambo capasi kuti cikolele moto, nipo ngusaka kuti cikaŵe cili cikolele kala. 50Ngwenela kubatisidwa mwa litala line, nambo mtima wangu ngawukutama m'malo mpaka yitendekwe.#Mak 10:38 51Ana mkuganisya kuti yice kukupeleka mtendele pa cilambo capasi? Iyayi, ngumsalila kuti ngaŵa mtendele nambo kuti ŵandu aŵe ŵagaŵikana. 52Kutyocela sambano jino mwiŵasa limo timuciŵa ŵandu msano ŵakwimucilana, ŵatatu tacigaŵikana, ŵaŵili tacikangana ni ŵatatuwo. 53Baba tacijimucilana ni mwanace jwakwe jwamlume, soni mwanace jwamlume tacijimucilana ni babagwe. Mama tacijimucilana ni mwanace jwakwe jwamkongwe, soni mwanagwe jwamkongwe tacijimucilana ni mamagwe. Akwegwe ŵakongwe tacijimucilana ni jwamkongwe jwa mwanace jwawo jwamlume, jwamkongwe jwa mwanace jwawo jwamlume tacijimucilana ni akwegwegwe ŵakongwe.”#Mik 7:6
Kumanyilila ndaŵi
(Mat 16:2-3)
54Yesu ŵasalile ŵandu wosope ŵala kuti, “Naga mliweni liwunde lili mkutyocela kulikukapilila lyuŵa, papopo mkusatiji tijigwe ula, ni jikusagwaga. 55Mbungo jakutyocela kum'mwela naga jili mkupuga mkusatiji, tikuŵe kwana citukuta, ni yikusaŵaga myoyo. 56Jemanja mli ŵandu ŵa unami! Mkusapakombola kumanyilila uwonece wa cilambo capasi ni kwinani, nambi uli ŵangapakombola kumanyilila gopolela kwa yindu yayikutendecekwa masiku agano?”
Kwilana ni m'magongo jwenu
(Mat 5:25-26)
57“Ana ligongo cici ngamkulamulana mwacimsyene mu cindu cili cakwenela kutenda? 58Pandaŵi jimkwawula ni mjenu jwamlaŵilile m'mwejo kwa mwenye, mlinje kwilana najo mwitala pemo mkanimyice ku nganya ja magambo, kogopela kuti jwalakwejo komboleka kumjigalila m'mwejo kwa jwakulamula, nipo jwakulamulajo tacimpeleka m'mwejo kwa asilikali ŵitacimŵika m'mwejo m'nyumba ja akayidi. 59Ngumsalicisya kuti, timcitama mwelemo mpaka patimcilipila mbiya syosope.”
Pilihan Saat Ini:
Luk 12: YAWO
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Chiyawo Bible: Buku Jeswela © Bible Society of Malawi, 2014
Luk 12
12
Yesu ŵakalamwisye ŵandu pa yindu ya unami
(Mat 10:26-27)
1Pa ndaŵi jelejo likuga lya ŵandu ŵajinji lyaliji mkusongana, mwakuti ŵanduwo ŵagambaga kupondana. Pandanda Yesu* ŵaŵecete ni ŵakulijiganya* ŵakwe kuti, “Mkalamuce ni cakusasaŵilisya* mikate ca Afalisi* cele cili majiganyo gawo ga unami.#Mat 16:6; Mak 8:15 2Cindu cilicose cili cakusisika ticicimanyika, soni ya asili yiliyose tiyicimanyika.#Mak 4:22; Luk 8:17 3Myoyo cilicose cimwaŵecete pacisyepela ticicimanyika pakulanguka, soni yosope yimwasongonele ŵandu mkati mwa nyumba, tiyicijenesyedwa kwa jwalijose.”
Ya ŵakwenela kwajogopa
(Mat 10:28-31)
4Ngumsalila jemanja acimjangu kuti, “Mkasimwajogopa ŵandu ŵakusawulaga cilu, nambo panyuma pakwe ngapakombola kutenda cindu cine cakonanga. 5Nambo une tinamsalile jemanja ŵakwenela kwajogopa: Mumjogopeje Mlungu jwele jwakusati naga ali atyosisye umi wa mundu akwete soni macili gakumponya ku Nyasa ja moto. Jwalakwejo ni jwakwenela kumjogopa.
6“Ana ngati yijuni yiŵili ya timba akusayisumisya mbiya siŵili? Nambotu Mlungu jwangayiliŵalila amta cimo cose. 7Soni umbo sya mu mtwe mwenu ŵasiŵalasile kala, myoyo mkajogopaga. Jemanja mli ŵa mtengo wapenani kupunda yijuni ya timba yejinji.
Ŵakumjiticisya ni ŵakumkana Klistu
(Mat 10:32-33; 12:32; 10:19-20)
8“Ngumsalila kuti mundu jwalijose jwakunjiticisya une pameso pa ŵandu, nombe najo Mwanace jwa Mundu* tacimjiticisya jwelejo pameso pa Malayika* ga Mlungu. 9Nambo jwalijose jwakungana pameso pa ŵandu, nombe najo Mwanace jwa Mundu tacimkana jwelejo pameso pa Malayika ga Mlungu.
10“Jwalijose jwakumŵecetela Mwanace jwa Mundu liloŵe lyangalumbana, jwalakwejo tacikululucidwa, nambo jwalijose jutaciŵecetela yangalumbana Msimu Ŵaswela, Mlungu ngasamkululucila jwalakwejo.#Mat 12:32; Mak 3:29
11“Pitacimjigalila jemanja ku nganya sya magambo ku majumba gakupopelela kapena kwa acakulungwa ŵakulamula, kasimdandawula kuti timkalicenjele uli, kapena kuti timkaŵecete cici.#Mat 10:19-20; Mak 13:11; Luk 21:14-15 12Pakuti Msimu Ŵaswela tacim'manyisya pa ndaŵi jijojo yakwenela kuyiŵeceta.”
Citagu ca mundu jwakusicila jwakuloŵela
13Mundu jwine juŵaliji mwikuga lya ŵandu ŵala ŵamsalile Yesu kuti, “Cemwalimu, ŵalakwe ŵasalile akulu ŵangu kuti angaŵile mbali jimo ja yipanje ya masije.”
14Yesu ŵamsalile jwalakwejo kuti, “Ana ŵani ŵaŵasagwile une kuti m'mbe jwakulamula kapena kugaŵanya yipanje ya masije sikati ja jemanja ŵaŵili?” 15Kaneko Yesu ŵapitilisye kuŵeceta ni ŵandu ŵala kuti, “Mkalamuce, soni mligose pakukumbila yindu yiliyose, pakuti atamose mundu akole yipanje yejinji, yeleyo ngaŵa mkukulupusya umi wa mundujo.”
16Sambano Yesu ŵasalile ŵanduwo citagu* aci: Ŵatite, “Jwapali mundu jwine jwakusicila, mu mgunda mwa jwalakweju mwasogwele mbeju syejinji. 17Jwalakwejo jwatandite kuganisya mu mtima mwakwe acitiji kuti, ‘Ana tindende uli pakuti nganingola malo gakusunjila mbeju syangu?’ 18Kaneko jwatite, ‘Nayimanyi yitindende sambano, timbasule ngokwe syangu, ni kutaŵa soni sine syekulungwa, mwele mutisunjilemo yakulya yangu ni katundu jwangu jwine josope. 19Kaneko tinjijila mu umi ŵangu kuti, Umi wangu mkwete yindu yejinji yambone yitiyicimkwanila kwa yaka yejinji. Mpumule sambano, mlye, m'mweje ni msangalaleje!’ 20Nambo Mlungu ŵamsalile jwalakwejo kuti, ‘Ŵakuloŵela m'mwe! Umi wenu tiniwusose cilo cino. Ana nambi yindu yosope yimwalisunjileyi tiyiŵe ya ŵani?’ ”
21Pakumalisya Yesu ŵatite, “Mwelemu ni mutiyiciŵela kwa ŵandu ŵakuliwunjicila acimsyene yipanje, nambo mkinaŵa ŵakusicila pameso pa Mlungu.”
Ya kumkulupilila Mlungu
(Mat 6:25-34)
22Yesu ŵasalile ŵakulijiganya ŵakwe kuti, “Sambano ngumsalila kuti, mkasimdandawula ni ya umi wenu kuti timlye cici, kapena tim'wale cici. 23Umi ukusapunda yakulya soni cilu cikusapunda yakuwala. 24Mlole makungulu, gangapanda kapena kugowola mbeju, gangali ngokwe syakusunjila yakulya, nambo Mlungu akusagapa yakulya. Jemanja mli ŵakusosekwa mnope kupunda cijuni cilicose. 25Ana ŵani mwa jemanja mpaka ajonjecesye lisiku limo pa umi wakwe ligongo lyakudandawula? 26Naga mkulepela kutenda kamnono kamti myiyi, nambi cakudandawulila yindu yine ni cici? 27Mlole mugakusakulila maluŵa gamwitinji, gangakamula masengo kapena kulipanganyicisya yakuwala. Nambo ngumsalila kuti atamose Mwenye Solomoni ni yipanje yakwe yosope yiŵakwete nganakola yakuwala yakusalala mpela limo mwa maluŵaga.#1 Ayi 10:4-7; 2 Mbi 9:3-6 28Mlungu ni jwakusagatendekasyaga maluŵago kuti gaŵe gakusalala, gele gakusatama lelope jino, kundaŵi kwakwe ni kugajasa pamoto. Nambi uli jemanja ŵandu ŵa cikulupi camnono, ana Mlungu mpaka alepele kumsamalila jemanja?”
29“Myoyo mkadandawulaga mciganisyaga kuti ana tindye kapena timwe cici? 30Ŵandu ŵa pacilambo capasi ŵangam'manyilila Mlungu ni ŵele ŵakusadandawula ni yindu yeleyi. Atati ŵenu akusamanyilila kuti jemanja mkuyisoŵa yindu yeleyi. 31M'malo mwa yeleyi mtande kusosasosa yindu yayili yakusosekwa mnope mu Ucimwene wa Mlungu,* ni tacimpa yine yosope yimkulajila.”
Ya cipanje ca kwinani
(Mat 6:19-21)
32Mkasimjogopa jemanja ŵakulijiganya ŵangu ŵa panandi, yanonyelesye Atati ŵenu kuti ampe ucimwene wa kwinani. 33Msumisye yimkwete ni mpelece mbiyasyo kwa ŵandu ŵakulaga. Mlipanganyicisye mwacimsyene misaku jakulimba, jakusunjilamo cipanje kwinani kwele ngasicimala ligongo kwangali ŵawiyi ŵa mpaka ajiŵe, soni ucece ngaŵa mkucijonanga. 34Pakuti mtima wenu tiwuŵeje kuyili yipanje yenuko.
Ŵakutumicila ŵakulindilila
35“Mŵeje ŵacile kutumicila ndaŵi syosope soni nyali syenu siŵeje sili mkukolela.#Mat 25:1-13 36Mŵeje mpela ŵakutumicila ŵele ŵakumjembecela mbuje gwawo jwakutyocela ku cindimba ca ulombela, kuti pa ndaŵi jitayice jwalakwejo ni kupoposya, jemanjajo amwugulile.#Mak 13:34-36 37Ŵana upile ŵakutumicila ŵitacisimanidwa ni mbujegwawo ali mesope ni kwembecela mpaka pa ndaŵi jakuwuja jwalakwejo. Ngumsalila kuti jwalakwejo taciŵa ali cile ni kwatenda ŵakutumicila ŵakwe ŵala kuti atame pasi pa malo gakulila cakulya kuti jwalakwejo ŵatumicile jemanjajo. 38Ŵana upile ŵakutumicilawo pa ndaŵi jele mbujegwawojo pitaciwuja ni kwasimana jemanjajo ali ŵacile, pakati cilo kapena kumasikusiku. 39Nambo m'manyilile kuti msyene nyumba akamanyilile ndaŵi jakuyicila jwawiyi, ngamkanakunda kuti jwawiyi akase nyumbajo.#Mat 24:43-44 40Myoyo soni jemanja mŵeje ŵa cile ndaŵi syosope, ligongo Mwanace jwa Mundu taciyika pa ndaŵi jingamkwembeceya jemanja kuti tayice.”
Ya jwamasengo jwakulupicika ni jwangakulupicika
(Mat 24:45-51)
41Petulo* jwawusisye kuti, “Ambuje, ana aŵecete citaguci kwa uwejipe kapena kwa jwalijose?”
42Ambuje ŵajanjile kuti, “Ana nduni jwali jwamasengo jwakulupicika ni jwalunda, jwele ambuje ŵakwe ŵamsagwile kuti aŵe jwamkulungwa jwakulolela nyumba josope ni kwagaŵila yakulya ŵamasengo ŵane mu ndaŵi jakwe? 43Jwana upile jwamasengo jwele tacimsimana mbujegwe pakuwuja ali mkutenda yeleyi mu ndaŵi jakwe. 44Kusyene ngumsalila kuti, mbujegwejo tacimŵika jwalakwejo kuti aŵe jwakulolela yipanje yakwe yosope. 45Nambo naga jwamasengojo akuŵeceta jikape mu mtima mwakwe acitiji kuti, ‘Ambuje ŵangu akucelewa kuwuja,’ ni kaneko kutanda kwaputa ŵamasengo ŵanewo ŵacalume ni ŵacakongwe ŵakwe, jwalakwejo ni kulyaga ni kumwaga mpaka kolelwa. 46Ni yikusatendekwa kuti mbujegwe jula akusawuja lisiku lingamkwembecela kose. Myoyo tacimwonesya yipwetesi yakogoya kwabasi, nipo tacimjasa ku malo ga ŵandu ŵa unami.
47“Jwakutumicila jwakumanyilila lisosa lya ambuje ŵakwe, nambo ni ngatenda lisosalyo tacikwapulidwa. 48Jwakutumicila jwakakumanyilila lisosa lya ambujegwe, nambo ngayitenda yeleyo tacimkwapula panandi.” Yejinji tiyicisosekwa kwa mundu jwapegwile yejinji; soni yejinji mnope tiyicisosekwa kwa mundu jwapegwile yejinji mnope.
Kugaŵikana ligongo lya Yesu
(Mat 10:34-36)
49“Nayice kukucitendekasya cilambo capasi kuti cikolele moto, nipo ngusaka kuti cikaŵe cili cikolele kala. 50Ngwenela kubatisidwa mwa litala line, nambo mtima wangu ngawukutama m'malo mpaka yitendekwe.#Mak 10:38 51Ana mkuganisya kuti yice kukupeleka mtendele pa cilambo capasi? Iyayi, ngumsalila kuti ngaŵa mtendele nambo kuti ŵandu aŵe ŵagaŵikana. 52Kutyocela sambano jino mwiŵasa limo timuciŵa ŵandu msano ŵakwimucilana, ŵatatu tacigaŵikana, ŵaŵili tacikangana ni ŵatatuwo. 53Baba tacijimucilana ni mwanace jwakwe jwamlume, soni mwanace jwamlume tacijimucilana ni babagwe. Mama tacijimucilana ni mwanace jwakwe jwamkongwe, soni mwanagwe jwamkongwe tacijimucilana ni mamagwe. Akwegwe ŵakongwe tacijimucilana ni jwamkongwe jwa mwanace jwawo jwamlume, jwamkongwe jwa mwanace jwawo jwamlume tacijimucilana ni akwegwegwe ŵakongwe.”#Mik 7:6
Kumanyilila ndaŵi
(Mat 16:2-3)
54Yesu ŵasalile ŵandu wosope ŵala kuti, “Naga mliweni liwunde lili mkutyocela kulikukapilila lyuŵa, papopo mkusatiji tijigwe ula, ni jikusagwaga. 55Mbungo jakutyocela kum'mwela naga jili mkupuga mkusatiji, tikuŵe kwana citukuta, ni yikusaŵaga myoyo. 56Jemanja mli ŵandu ŵa unami! Mkusapakombola kumanyilila uwonece wa cilambo capasi ni kwinani, nambi uli ŵangapakombola kumanyilila gopolela kwa yindu yayikutendecekwa masiku agano?”
Kwilana ni m'magongo jwenu
(Mat 5:25-26)
57“Ana ligongo cici ngamkulamulana mwacimsyene mu cindu cili cakwenela kutenda? 58Pandaŵi jimkwawula ni mjenu jwamlaŵilile m'mwejo kwa mwenye, mlinje kwilana najo mwitala pemo mkanimyice ku nganya ja magambo, kogopela kuti jwalakwejo komboleka kumjigalila m'mwejo kwa jwakulamula, nipo jwakulamulajo tacimpeleka m'mwejo kwa asilikali ŵitacimŵika m'mwejo m'nyumba ja akayidi. 59Ngumsalicisya kuti, timcitama mwelemo mpaka patimcilipila mbiya syosope.”
Pilihan Saat Ini:
:
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Chiyawo Bible: Buku Jeswela © Bible Society of Malawi, 2014