Luka 10
10
Yesu ooro jopuonjre piero abiriyo gariyo
1Bang’ mano, Ruoth Yesu noyiero ji piero abiriyo gariyo mamoko, moorogi ariyo ariyo, mondo gitel nyime e mier duto kod kuonde duto mane en owuon odwaro dhiye. 2#Math 9.37, 38.Nowacho nigi niya, “Cham ochiek mathoth, to jokeyo ema nok. Emomiyo kwauru wuon puodho mondo oor jotich odhi okane cham. 3#Math 10.16.Koro dhiuru! Aorou mana ka rombe madhi e dier ondiegi. 4Kik uting’ ofuk pesa, kata sandug wuoth, kata wuoche, kendo kik umos ng’ato e yo kudhi. 5Ot aota mudonje, to wachie uru ni, ‘Kue obed e odni.’ 6Ka ng’at mohero kue nie odno, to noyud kue muguedhogo odno. To ka onge ng’at mohero kue, to kue muguedhogo odno noduognu. 7#1 Kor 9.14; 1 Timo 5.18.Beduru mana e odno, kendo chamuru gik ma gimiyou, nikech jatich ber gi pokne; to kik uring e udi. 8Ka udonjo e dala moro, mi jodalano orwakou, to chamuru achama chiemo ma gimiyou. 9Bende changuru joma tuo man kuno, kunyisogi ni Loch Nyasaye osesudo machiegni kodgi. 10#Joote 13.51.Ka udonjo e dala moro, mi jodalano odagi rwakou, to wuoguru e laru, kendo uwach niya, 11#Math 10.7-14; Mar 6.8-11; Luka 9.3-5.‘Kata mana buch dalau momoko e tiendewa wateng’onu! To ng’euru ni Loch Nyasaye osesudo machiegni.’ 12#Chak 19.24-28; Math 11.24; Math 10.15.Awachonu ni Chieng’ Bura, Nyasaye nokum dalano malit moloyo kaka nokum Sodom!
Bura mibiro ng’ad ni mier ma ok oyie
(Mathayo 11.20-24)
13 #
Isa 23.1-18; Ezek 26.1—28.26; Joel 3.4-8; Amos 1.9, 10; Zek 9.2-4. “Yaye, Un jo-Korazin! Mano kaka unune malit! Yaye, un jo-Bethsaida! Mano kaka un bende unune malit! Dine bed ni honni mane otimnu, notim mana ni jo Turo gi jo-Sidon, to dikoro ne giseloko chunygi, mi gibet piny ka girwako piende gugru, kendo gibukore buru. 14Chieng’ Bura, Nyasaye nokumu malit moloyo kaka nokum Turo gi Sidon! 15#Isa 14.13-15.To in dala mar Kapernaum, iparo ni initing’ri malo nyaka e polo koso? Ooyo, ibiro boli piny, mana e Piny Joma Otho!”
16 #
Math 10.40; Mar 9.37; Luka 9.48; Joh 13.20. Eka Yesu nowacho ni jopuonjrene niya, “Ng’ama owinjou, owinjo mana an, to ng’ama odagiu, to odagi mana Jal mane oora.”
Jopuonjre piero abiriyo gariyo oduogo
17Jopuonjre piero abiriyo gariyogo noduogo gi mor, kawacho niya, “Ruoth, kata mana jochiende bende winjowa ka wakwerogi e nyingi!” 18Yesu nowachonigi ni, “Ne aneno ka Satan lwar a e polo, mana ka mil polo! 19#Zab 91.13.To ng’euru ni asemiyou teko duto mag Jasigu, kendo onge gima nohinyu ngang’! 20To kik ubed mamor ni jochiende winjou, to beduru mamor mana nikech nyingu ondiki e polo.”
Yesu odoko mamor
(Mathayo 11.25-27; 13.16-17)
21E sa nogo, Roho Maler nomiyo Yesu odoko mamor ahinya, mi owacho niya, “A Wuora, ma Ruodh polo gi piny, agoyoni erokamano nikech isepando wechegi ni joma riek kod joma osomo, to isenyisogi mana ji ajia. Adier Wuora, osetimore kamano, nikech mano e kaka ne long’oni.
22 #
Joh 3.35;
Joh 10.15. “Wuora oseketo gik moko duto e lweta. To onge ng’ama ong’eyo Wuowi, mak mana Wuowi kod joma Wuowi omiyo ong’eye.”
23Eka nolokore ir jopuonjrene, mowachonigi kar kendgi ni, “Un to, un johawi kuom neno gik munenogi! 24Awachonu ni, jonabi kod ruodhi mang’eny ne jogombo neno gik ma koro unenogi, to ne ok ginyal neno, bende ne gigombo winjo gik ma uwinjogi, to ne ok ginyal winjo.”
Ngech ja-Samaria mang’won
25 #
Math 22.35-40; Mar 12.28-34. Japuonj Chik moro ne dwaro temo Yesu, omiyo nochung’ mopenje niya, “Japuonj, ere gima datim mondo ayud ngima mochwere?” 26Yesu nodwoke ka penje ni, “Ang’o mondiki e Muma? Ere gima isomo kanyo?” 27#R.Chik 6.5; T.Lawi 19.18.Ng’atno nodwoko ni, “Nyaka iher Ruoth Nyasachi gi chunyi duto, kod paroni duto, kendo gi tekoni duto, kod riekoni duto. Bende nyaka iher wadu kaka iherori iwuon.” 28#T.Lawi 18.5.Yesu nowacho ne ni, “Idwoko kare! Tim kamano, eka inibed mangima.”
29To kaka ng’atno ne dwaro nyiso ni penjone riek, nomedo penjo Yesu ni, “Wadwa to en ng’a?” 30Yesu nodwoke niya, “Ng’at moro ne lor koa Jerusalem, dhi Jeriko, mi nopo ka jomecho ogore kuome. Ne gimaye lepe, kendo gigoye, mi giweye kodwaro tho. 31To jadolo moro bende noyudo oluwo yorno, to kane oneno ng’atno, nobaro moluwo bath yo komachielo. 32Kamano ja-Lawi moro bende mane oyudo oluwo yorno, nonene, to okadho akadha. 33#2 W.Nda 28.15.To kane ja-Samaria moro ma bende noyudo nie wuoth ochopo kanyo, moneno ng’atno, nokeche. 34Nosudo bute, moolo mo kod divai kuonde mohinyore, kendo otueyo. Eka noketo ng’atno e kanje owuon, mi otere e ot moro ma ji bworoe, kendo orite maber. 35Kinyne nogolo pesa moko, mi omiyo wuon odno, kowacho ni, ‘Rit jali maber, to pesa duto ma imedo ritego, an awuon abiro chuli ka aduogo.’ ”
36Bang’e Yesu nopenjo japuonj Chik cha niya, “Kuom ji adekgo, ere jal miparo ni notimo ka wadgi ng’at mane jomecho ogoyono?” 37Nodwoko ni, “Jal mane otimone maberno.” Eka Yesu nowachone ni, “In bende dhi itim kamano.”
Yesu olimo Maritha gi Maria
38 #
Joh 11.1. Kane Yesu kod jopuonjrene pod nie wuoth, ne odonjo e dala moro, mi dhako moro ma nyinge Maritha norwake e ode. 39Dhakono ne nigi nyamin miluongo ni Maria. Nyamin mareno nobet piny e tiend Ruoth Yesu, kawinjo puonjne. 40To chuny Maritha ne chandore nikech tich mang’eny mane otiyo, omiyo nodhi ir Yesu, mowachone ni, “Ruoth, ok ineye ni nyamera oweya atiyo mana kenda? Wachne mondo obi okonya!” 41To Ruoth Yesu nodwoke niya, “Maritha, Maritha, iparori kendo ithagori gi weche mang’eny kayiem, 42to gimoro achiel kende ema dwarore, kendo Maria ema oseyiero gino. En gima ber moloyo, kendo onge ng’ama nomaye.”
Pilihan Saat Ini:
Luka 10: DHO15
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Dholuo DC Bible © Bible Society of Kenya and Bible Society of Tanzania, 1976.