JOHAN AWLROEKNA
AWLROEKNA
Johan lawng a thut Awlthang Theen lawngah Jesuh tah “thlaanghing la aka coengg tih mami tim ah khaw aka sa” Pathen kah dungyan Awl ni tila a thui. Cabu dawngah a thui angla he kah Awlthang Theen he aka tae thli lawngah Jesuh he tah awlkam tangte Thlawnkung, Pathen Capa ni tila a tangna u ham, ahih te a oeng tih thlawnna te a khuehna ham a thut ni. (20.31).
Jesuh he tah Pathen kah dungyan awl ni tila awlroekna a thui coengah Awlthang Theen a tongcuekna ah, Jesuh he Pathen Capa, Pathen lawng awl a kam sut Thlawnkung la a awmna kawng, Kawpoek rai broela a sai te a thui. Tecoengah kawpoek rai a sai thaihu thli kah a thuingaihna te a thui. Tecoengah thlaang khatsut lawng Jesuh awl te a tangna u tih a hubang la a coenggna kawng, thlaang vaang lawng tangna u nawh tih a oelh a taih u kawng te a thut. Aboel 13-17 toe ah Jesuh amah a tuukna yiin ah Jesuh oen a hubang thli pawlneengna kawng, thinglam dawng a ngawnna khawhin a pha thlan vengah a hubang thli lawng a tawng ham koei raina thli ueh thaina ham ngaikhuek awl a thui pe te a thut. Cabu aboetna ben a boel dawngah Jesuh a tuukna oen awl a awlcekna kawng, a ngawnna oen a thawhkoepna kawng, a thawh koep coengah a hubang hue tengah a phumphona kawng te a thut.
Aboel 8:1-11, khuiah thlaanghalhnu a tuuk kawng he khatsut cathut thli oen acuek vengkah caletna dawngah awm nawh tih khatsut lawngtah athloekla a thloeng u.
Johan lawng Khrih rang oen dang thai la aka awm dungyan hingna kutdo, tahe ah tongnan la aka awm hingna, Jesuh tah lawngpui, awltak oen hingna ni tila aka do hue lawngah hingna a dangna kawng te awlpui la a thut. Johan cathut alakloena he tah muithla ben ah atak tang te a tuengna ham khawhin roekk ah khawsakna dawngkah thaihu: tui, takawi, aangna, tuu oen tuudoen, misurkung oen misurthaih, he ang thli he miknoekna la a hawna.
A Khuiah aka Awm Awl
Awlroekna 1:1-18
Baptisma pekung Johan oen Lamhacuek Jesuh hubang thli 1:19-51
Rangpui tim ah Jesuh kah biibina 2:1-12:50
Jerusalem oen tengvaai ah aboetna khawhin 13:1-19:42
Bawipa thawhkoepna oen phumphona 20:1-31
Awlcuina: Galili ah a phumphona 21:1-25
Pilihan Saat Ini:
JOHAN AWLROEKNA: MCNT2006
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Matu Chin New Testament © Bible Society of Myanmar, 2006.