Genese 33
33
1KE Jekob ame bwele me wâ, ke wâ bi, Esau ame he jem me tavat a vak ta haded. Me e ame khenâ but je wanakat kö Lea, me Rakela, me li athnyaba a li momo. 2Ke e ame ip li athnyaba momo me je lakudru hnyi hnyimakan, ke hwabö-drin jia Lea me je lakon, ke a bili Rakela me Josefa. 3Ke e ame he bânâ, me oseven nom hnyikânâi ke ne o but ame hakekeüyâ tuhan. 4Ke Esau ame wadring me iouny më, me delûâ e, me ta hon nyin, me ûcimhnyimak më: kʼ ödru me ûtengiö. 5Ke e ame bwele me wâ je momo me je wanakat; me haingen, ka habe, Ie hnyat ang unyâm! Ke haingen, ka habe, wale je lakuk hnen Khong hna betenge gak a athnyabaem. 6Ke ame o but li athnyaba momo, ödru me je lakudru me nom ju. 7Ke ame o but minya Lea me je lakon me noin ju: ke hwaban e ame o but Josefa me Rakela me nom ju. 8Ke e ame ha, ka habe, Hawa gam ge ta je hnahat hia oge ûkhanö më? Me e ame ha, ka habe, Wale hnân elâm ibetengiö gam könya tuhök. 9Ke Esau ame ha, ka habe, E gan hmâ anyik ta je ûnyi; keik lö, ame ka hnen biju unyâm ânyâm ta je ûnyi. 10Ke haingö Jekob, ka habe, Ohe, e ba, ö u betenge gak me kap ju anyik bwihlany: anyin oge wâ hnyimâkâm, helâ me man at ame wâ hnyimakan Khong, kʼ u je kap soi nya. 11Ö u kap ju anyik betenge adre hom köu; anyin a hia but betenge gak Khong, anyin e gan hmâ anyik ta je ûnyi. Kʼ ame ûjengö e, me e ame kap ju. 12Ke e ame ha, ka habe, Aiö u ötin e he, ke ama bök. 13Ke haingen kâu, ka habe, E khana tuhök a e sënyin dut je wanakat, ke je hnahat mamoe me kâu adre me ûasin: ke adre me ne alen hwegiâ hnyi bong a khaca, me ame ne he ka mok hia ta je hnahat meno. 14E so u ma he tuhök ka bâm, ke bilik biju athnyabaem: ke oge me he ka omise, helâ me tulutiny ûheny je meno hnyi hnyimakök, me helâ me ûheny je wanakat, ke ne o but oge me o unyâm tuhök e Seira. 15Ke Esau ame ha, ka habe, E so oge me ip biju unyâm ke je athnyabaik. Ke haingen, ka habe, Hnân eû? U ma he tuhök ka betenge gak. 16Ke Esau ame he hmetu hnyi bong eling hnyi gethen Siera ai. 17Ke Jekob ame he Sukotha ai, me otilâ umen uma, me ânyâ ta je uma baelelu hobi kâu haleny ta je meno: anyin a wale adre hwenyi ien dok eling Sukotha.
18Ke Jekob ame o ka hnyi taun Sekema ke hnahic, wale hnyi hnyei Kanana, ge ioiny ûheny Padan-arama; me hunuma cicö taun. 19Ke e ame ûco utkânâ wale ame otilâ hnyin umen uma mano, ûnyi ge je laku Hamora, kamö Sekema, hwaban je mone a khaca haded. 20Ke e ame otilâ taben hut, me hwenyi ien e El-eloe-Isaraela.
Pilihan Saat Ini:
Genese 33: IAAI
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
maintained by the British and Foreign Bible Society