Mi cilima 8
8
1U Tienu den tiadi Nowe, ti moayandi leni ti denyandi yaadi n den ye leni o ku ñinbiagu nni kuli po. U Tienu den teni ke u faalu figi ki tinga nni, ke mi ñima ñuudi ki wadi. 2U kulu ñinbuna leni tanpoli bona kuli den luoni, ke ki taaga naa go den mi. 3Mi ñima den cili ki ñuudi ki tinga nni. Mi ñima den wadi hali dana kobiga n piimuu bianu. 4Cilele piiga n daleleeli, ku ñinbiagu den sedi Ararati juana yuli po. 5Mi ñima den wadi wadi ki pundi hali cipiiga. Cipiiga dakpiali, a juana yula den ñiidi.
6Dana piinaa n pendi, Nowe den luodi wan den tieni ku ñinbiagu yaa bonli. 7O den ŋaa li kankali ke li ñani ki lindi ki goa, hali ki tinga n ban kuodi yaa yogunu. 8O go den ŋaa ki kpaajiega mo, ki bua ki bandi mi ñima yaa wadi mi tinfanma nni. 9Ama ki kpaajiega ki den baa kan baa jagini naani, lanwani ki den lebidi ki guani Nowe kani ku ñinbiagu nni, kelima mi ñima da den baa ki ye u tingbanu kuli po. Nowe den tandi o nuu ki cuo ka ki kuani ku ñinbiagu nni. 10O den guudi danalele goga, ki go den ŋaa ki kpaajiega ke ki ñani ku biagu nni. 11Ku yenjuagu, ki kpaajiega den guani o kani ki babi olivie tibu faagu o ñoabu nni. Lanwani, Nowe den bandi ke mi ñima den wadi ki tinga nni. 12O go den guudi danalele, ki ŋaa ki kpaajiega ke ki gedi. Ama kaa go den guani o kani. 13Kobiluoba n binyenli binli, ciyendo dakpiali, mi ñima den ñuudi. Nowe den pindi ku ñinbiagu bonpinkaala ki diidi ki sua ke mi tinfanma kuodi.
14Cilie piilie n danalele, ki tinga den kuodi cain.
15Lanwani, U Tienu den yedi Nowe: 16«Ña ku ñinbiagu nni, fini leni a pua, a bijaba leni a biyuamu. 17Go ñani yaa yandi buoli kuli n den ye leni a ku ñinbiagu nni yeni: i nuani, ti yandi leni li bonbalinkaala kuli. Teni ban ña ki yadi ki gbieni ki tinga kuli.» 18Nowe den ñani leni o bijaba, o pua leni o biyuamu. 19A bonfuoda moko: li bonbalinkaala, i nuani, yaala n balini tiipo, bonla kuli leni li buolu, bikuli den ñani ku ñinbiagu nni.
20Nowe den maa li padibinbinli o Diedo po. O den gandi ti yandi leni i nuani siiga yaaba n ŋani ki padi a padijuukaana li padibinbinli po. 21O Diedo den gbadi yaa nuulu n mani o po. Lanwani, o Diedo den maadi o pali nni mi naa maama: «N kan go soli ki tinga kelima o nisaalo po, kelima o pali nni, o li tia mi biadima hali o biwaama yogunu. N kan go bolini yaala n fo kuli nani min tieni maama moala yeni.
22Hali ki tinga n baa yaa ye,
Ti jaadi leni u jetaagu,
Ti wadi leni ku tontongu,
Ku siagu leni li fali,
U yensiinu leni ku ñiagu kan gbeni.»
Pilihan Saat Ini:
Mi cilima 8: BGP
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
Gulmancema Protestant Bible © Bible Society of Burkina Faso, 2013.