Na Sailm 2
2
Salm 2.
Quare fremuerunt gentes?
1Cad chuige a bhfuil an fraoch nimhe seo ar na náisiúin i gcuideachta a chéile: cad chuige a bhfuil na ciníocha ag beartú baoise?
2Éiríonn ríthe an talaimh, agus cuireann na taoisigh a gcomhairle le chéile: in aghaidh an Tiarna agus in aghaidh a ungthaigh, agus iad á rá,
3Brisimis a ngeimhle ó chéile: agus caithimis a gcuibhreacha uainn.
4Déanfaidh an té a shuíos ar neamh gáire magúil fúthu: beidh an Tiarna ag fonóid fúthu.
5Labhróidh sé leo ansin agus fíoch air: buairfidh sé iad agus é faoi mhórfhearg.
6Oirníodh rí liom féin: ar mo shliabh naofa, ar shliabh Síóin.
7Fógróidh mé an Aithne: is é dúirt an Tiarna liom, is Tú mo mhac, inniu a ghin mé tú.
8Iarr orm, agus tabharfaidh mé na náisiúin mar oidhreacht duit: agus críocha ciana an talaimh duit mar sheilbh.
9Brúfaidh tú iad le slat iarainn: brisfidh tú i mbloghanna iad mar shoitheach cré.
10Bíodh ciall agaibh mar sin, a ríthe: bíodh comhairle oraibh, a bhfuil in bhur mbreithiúna ar an talamh.
11Déanaigí seirbhís don Tiarna le heagla: bíodh lúcháir oraibh le hurraim roimhe.
12Pógaigí an mac, ar eagla go mbeadh fearg air, agus go rachadh sibh ón slí cheart agus chun scriosa, má lastar a fhearg dá laghad: is beannaithe an dream a chuireas a ndóchas ann.
Pilihan Saat Ini:
Na Sailm 2: OC1965
Sorotan
Berbagi
Salin
Ingin menyimpan sorotan di semua perangkat Anda? Daftar atau masuk
© Cumann Gaelach na hEaglaise (Irish Guild of the Church) 1965