ꓟ˗ꓗꓴ ꓟꓮꓴ ꓢꓮꓴ 1
1
ꓬꓳ˗ꓧꓠ ꓕꓳ ꓡꓳ ꓰ
1ꓗ˗ꓣꓮꓲ ꓗ˗ꓢꓥ ꓰ ꓬꓥ ꓜꓳ ꓬꓰ˗ꓢꓴ ꓘꓣꓲꓢ˗ꓔꓴ ꓰ ꓗ ꓐꓴ ꓖ ꓣ ꓓꓥ ꓡꓴ ꓰ꓾ ꓮ ꓑꓴꓠ ꓮ ꓪꓥ ꓘꓬꓳ ꓥꓴꓔ ꓡꓰ꓿
2ꓪꓴ ꓮ꓾ ꓠꓥ ꓰ ꓧꓶ ꓟ ꓠꓥ ꓰ ꓘꓬꓳ ꓡ ꓙꓥ ꓡꓥ ꓣ꓾ ꓥ ꓰ ꓡ ꓖꓬꓳ ꓡꓰ ꓥꓳ ꓠꓮ ꓗꓔ ꓐꓰ꓾
3ꓬꓳ ꓢꓳ ꓟꓠ ꓐꓴꓥ ꓘꓮꓴ ꓟ ꓑꓴꓗ ꓰ ꓕꓰ ꓖꓶ꓾ ꓧꓮꓴ ꓬꓴꓟ ꓢꓶꓥ ꓰ ꓘꓬꓳ ꓡ ꓙꓥ ꓔꓳ ꓗꓰ꓾ ꓬꓥ ꓰ ꓘꓬꓳ ꓜꓳ ꓑꓰ ꓡꓰ ꓫꓶʼꓓꓲꓥ ꓗꓰ꓾
ꓖ ꓡꓪꓲ꓾ ꓟꓲ ꓕꓳꓲ ꓰ˗ꓢꓮꓲ˗ꓮ ꓟꓮꓴ ꓢꓮꓴ ꓟ ꓗ ꓔꓳ ꓰ ꓣ ꓙꓴꓥ ꓜ꓾ 4ꓬꓴ ꓐꓗ ꓘꓬꓴꓔ ꓑꓬꓟ ꓐꓲ ꓣ ꓟ ꓔꓴ ꓟꓲꓔ ꓡꓲꓥ ꓪꓲ ꓠꓳꓑ ꓘꓬꓳ ꓔꓮꓲ ꓗꓬꓳ ꓡꓪꓲ ꓰ ꓬꓳ ꓢꓳ ꓟꓠ ꓐꓴꓥ ꓘꓮꓴ ꓟ ꓪꓲ ꓠꓳꓑ ꓐꓲ ꓰ ꓬꓳ˗ꓧꓠ ꓖꓶ ꓕꓳ ꓡꓳ ꓐꓰ꓿ 5ꓧꓮꓴ ꓟꓴ ꓣ ꓬꓴ˗ꓓꓠ ꓟꓶꓥ ꓐꓠ ꓫꓳ ꓟ ꓐꓥ ꓰ ꓬꓰ˗ꓣꓴ˗ꓢ˗ꓡꓰꓟ ꓑꓰ ꓟ ꓡꓴꓥ ꓡꓥ ꓐꓥ ꓖꓶ ꓬꓥ ꓚꓥ ꓡꓰ ꓣ꓾ ꓬꓴꓟ ꓢꓶꓥ ꓰ ꓬꓴ ꓐꓗ ꓡꓰ ꓡꓳ ꓕꓳ ꓡꓪꓲ꓾ ꓬꓥ ꓰ ꓡꓳ ꓰ ꓬꓳ˗ꓓꓠ ꓡꓥ ꓟ ꓪꓲ ꓠꓳꓑ ꓬꓴ ꓐ ꓗꓳ꓿ 6ꓬꓳ˗ꓧꓠ ꓗꓴꓟ ꓖꓶ ꓖꓳ ꓡ ꓴ ꓟꓮꓴ ꓰ ꓪꓳꓼ ꓰ ꓟꓰ ꓐꓴ ꓪꓴꓔ ꓡꓪꓲ ꓰ꓾ ꓬꓥ ꓰ ꓒꓲ ꓓꓴꓟ ꓟ ꓫꓳꓼ ꓗꓴ ꓒꓲ ꓧꓶꓔ ꓧꓶꓔ ꓔꓳ ꓣ꓾ ꓓꓲꓥ ꓖꓟ ꓰ ꓬꓳ ꓢꓳ ꓟ ꓐꓬꓳ ꓲ ꓡꓰ ꓜꓳ ꓫꓴ ꓠꓲ ꓣ꓿ 7ꓧꓮꓴ ꓘꓴꓠ ꓬꓥ ꓖꓶ꓾ ꓥꓳ ꓡꓰ ꓪꓴꓟ ꓙꓰ ꓐꓳ ꓢꓴ ꓥ ꓕꓥ ꓟ ꓙꓰ ꓡꓰ ꓣ꓾ ꓬꓥ ꓰ ꓘꓲ ꓝꓴꓥ ꓔꓪꓲ ꓥꓳꓟ ꓒꓲ ꓣ ꓡꓥ ꓥꓳ ꓮ ꓖꓶꓠ ꓮ ꓓꓠ꓿ 8ꓥꓳ ꓖꓶ ꓠꓴꓥ ꓟꓳ ꓡꓰ ꓲ ꓚꓟ ꓰ ꓜ ꓪꓲ ꓠꓳꓑ ꓐꓲ ꓐꓰ꓾ ꓥꓴꓔ ꓗꓳ ꓡꓥ ꓬꓥ ꓖꓶ ꓠꓴꓥ ꓟꓳ ꓡꓰ ꓚꓳꓲ ꓬꓴꓥ ꓰ ꓪꓳꓲ ꓠꓲ ꓰ ꓪꓲ ꓠꓳꓑ ꓐꓲ ꓣ꓾ ꓖ ꓡꓪꓲ꓾ ꓔꓮꓲ ꓗꓬꓳ ꓐꓰ꓿
ꓬꓰ˗ꓢꓴ ꓪꓲ ꓠꓳꓑ ꓘꓟ ꓬꓴ ꓐꓰ
9ꓧꓮꓴ ꓴ ꓡꓰ ꓬꓰ˗ꓢꓴ ꓖꓶ ꓖ˗ꓡꓲ˗ꓡꓰ ꓟꓶꓥ ꓠ˗ꓜꓰ˗ꓣꓰꓔ ꓪ ꓟꓮꓲ ꓙꓰ ꓡꓰ ꓡꓪꓲ ꓬꓳ˗ꓧꓠ ꓡꓳ ꓟꓮꓲ ꓬꓳ˗ꓓꓠ ꓡꓥ ꓟ ꓪꓲ ꓠꓳꓑ ꓘꓟ ꓬꓴ ꓐꓰ꓿ 10ꓧꓮꓴ ꓘꓴꓠ ꓧꓮꓴ ꓲ ꓚꓟ ꓟꓮꓲ ꓕꓳ ꓡꓳ ꓙꓥ ꓟꓮꓴ ꓘꓴꓥ ꓖꓳ ꓒꓳꓥ ꓡꓳ ꓡꓪꓲ꓾ ꓪꓳꓲ ꓠꓲ ꓖꓶ ꓒꓴꓥ ꓗꓬꓪꓲ ꓢꓴ ꓬꓥ ꓰ ꓕꓳ ꓟ ꓖꓬꓳ ꓡꓳ ꓰ ꓡꓰ ꓬꓥ ꓟꓬꓥ ꓰ꓾ 11ꓠꓥ ꓖꓶ ꓥ ꓰ ꓚꓲꓔ ꓓꓑ ꓜꓳ ꓥꓴꓔ ꓡꓰ꓾ ꓠꓥ ꓡꓰ ꓥꓳ ꓖꓬꓮꓲ ꓛꓴꓠ ꓡꓰ ꓳ꓾ ꓖ ꓰ ꓕꓰ ꓟꓮꓴ ꓘꓴꓥ ꓟꓮꓲ ꓟꓲꓥ ꓕꓳ ꓡꓳ ꓰ꓿
ꓠꓔ ꓘꓳ ꓘꓟ ꓬꓰ˗ꓢꓴ ꓡꓰ ꓖꓴꓟ ꓡꓮꓴ ꓰ
12ꓧꓮꓴ ꓘꓴꓠ ꓙꓥ ꓪꓳꓲ ꓠꓲ ꓖꓶ ꓬꓳ ꓢꓳ ꓟꓠ ꓐꓴꓥ ꓫꓴꓔ ꓬꓥ ꓡꓰ ꓠꓥ ꓗꓔ ꓡꓪꓲ꓾ 13ꓠꓔ ꓘꓳ ꓘꓟ ꓖꓴꓟ ꓡꓮꓴ ꓧꓪꓲ ꓣ꓾ ꓐꓪꓲ ꓠꓲ ꓟꓲ ꓞꓰ ꓙꓰ ꓫꓳꓼ꓾ ꓟ ꓝꓰ ꓗꓬꓥ ꓰ ꓑꓰ ꓰ ꓣ ꓧ ꓠꓲ ꓔꓳ ꓣ꓾ ꓧꓮꓴ ꓢꓴ ꓥꓴꓔ ꓗꓳ ꓡꓥ ꓟꓮꓴ ꓟꓥ ꓑꓰ ꓬꓥ ꓡꓰ ꓢꓮꓲ ꓝꓳ ꓢꓮꓲ ꓧꓴ ꓠꓲ ꓮ ꓗꓳ꓿
ꓐꓬꓴ ꓟꓲ ꓬꓴ ꓡꓰ ꓪꓴꓔ ꓰ
14ꓬꓳ˗ꓧꓠ ꓡꓰ ꓮꓑ ꓑꓬꓟ ꓰ ꓕꓥ ꓡꓰ ꓖ˗ꓡꓲ˗ꓡꓰ ꓟꓶꓥ ꓟꓮꓲ ꓬꓰ˗ꓢꓴ ꓙꓰ ꓡꓰ ꓰ꓾ 15ꓧꓮꓴ ꓮ ꓘꓲꓥ ꓓꓲꓗ ꓡꓳ ꓡꓪꓲ ꓰ꓾ ꓗ˗ꓣꓮꓲ ꓗ˗ꓢꓥ ꓰ ꓟꓶꓥ ꓓꓠ ꓖꓶ ꓚꓥ ꓡꓳ ꓐꓰ꓾ ꓟꓲꓔ ꓡꓲꓥ ꓪꓳ ꓗꓰ꓾ ꓗ ꓐꓴ ꓖ ꓣ ꓓꓥ ꓡꓴ ꓡꓰ ꓡꓴꓟ ꓙꓲꓥ ꓠꓲ ꓗꓰ꓾ ꓖ ꓡꓪꓲ꓾ ꓗ˗ꓣꓮꓲ ꓗ˗ꓢꓥ ꓰ ꓗ ꓐꓴ ꓖ ꓣ ꓓꓥ ꓡꓴ ꓔꓮꓲ ꓗꓬꓳ ꓐꓲ ꓐꓰ꓿ 16ꓖ˗ꓡꓲ˗ꓡꓰ ꓠꓳꓥ ꓬꓟ ꓟ ꓡꓟ ꓡꓲꓥ ꓡꓳ ꓡꓰ ꓢꓲ˗ꓟꓴꓠ ꓰ ꓮꓠ˗ꓓꓣꓰ ꓠꓲꓗ ꓔꓥ ꓖꓶ ꓠꓳꓥ ꓟ ꓖꓴꓠ ꓓꓴ ꓠꓲ ꓰ ꓡꓰ ꓬꓥ ꓟꓬꓥ ꓰ꓾ ꓬꓥ ꓠꓲꓗ ꓖꓶ ꓥꓳ ꓗꓳꓥ ꓗꓳꓥ ꓢꓴ ꓠꓲꓗ ꓥꓴꓔ ꓮ ꓗꓳ꓿ 17ꓧꓮꓴ ꓙꓥ ꓬꓰ˗ꓢꓴ ꓖꓶ꓾ ꓥ ꓕꓥ ꓛꓥ ꓗꓰ꓾ ꓐꓬꓴ ꓡꓰ ꓗꓳꓥ ꓣ ꓐꓬꓴ ꓥꓳ ꓠꓴꓥ ꓠꓲꓗ ꓡꓰ ꓓꓴꓔ ꓠꓥ ꓣ꓾ ꓬꓥ ꓟꓳ ꓡꓰ ꓔꓮꓲ ꓗꓬꓳ ꓐꓲ ꓐꓰ꓿ 18ꓧꓮꓴ ꓘꓴꓠ ꓬꓥ ꓠꓲꓗ ꓖꓶ ꓖꓴꓠ ꓡꓰ ꓑꓬꓟ ꓔꓳ ꓣ ꓬꓥ ꓕꓥ ꓛꓥ ꓐ ꓗꓳ꓿ 19ꓧꓮꓴ ꓟꓮꓲ ꓣ ꓜꓪꓲ ꓡꓮꓲ ꓡꓳ ꓡꓰ꓾ ꓜꓰ˗ꓐꓰ˗ꓓꓲ ꓰ ꓬꓥ ꓜꓳ ꓬ˗ꓗꓴ ꓰ ꓬꓥ ꓖꓴꓽ ꓬꓳ˗ꓧꓠ ꓠꓲꓗ ꓡꓰ ꓬꓥ ꓟꓬꓥ ꓐꓰ꓾ ꓧꓮꓴ ꓠꓲꓗ ꓖꓶ ꓡꓮꓲꓸꓽ ꓟꓺ ꓖꓴꓠ ꓒꓳ ꓠꓲ ꓗꓳ ꓰ꓿ 20ꓧꓮꓴ ꓙꓥ ꓬꓥ ꓠꓲꓗ ꓡꓰ ꓪꓴꓔ ꓬꓴ ꓰ꓾ ꓧꓮꓴ ꓟꓴ ꓡꓪꓲ ꓬꓥ ꓠꓲꓗ ꓖꓶ ꓬꓥ ꓪ ꓜꓰ˗ꓐꓰ˗ꓓꓲ ꓡꓰ ꓡꓥ ꓚꓥ ꓑꓰ ꓰ ꓣ ꓧ ꓧꓮꓴ ꓡꓮꓲ ꓟ ꓑꓬꓟ ꓔꓳ ꓡꓪꓲ ꓬꓥ ꓚꓥ ꓛꓥ ꓐ ꓗꓳ꓿
ꓮ ꓢꓠ ꓮ ꓢꓰꓠ ꓰ ꓠꓔ ꓡꓰ ꓘꓔ ꓑꓬꓟ ꓰ
21ꓧꓮꓴ ꓕꓥ ꓟ ꓬꓥ ꓟꓳ ꓖꓶ ꓗ˗ꓑꓰ˗ꓣ˗ꓠꓴꓟ ꓪ ꓒꓬꓥ ꓪꓥ ꓡꓳ ꓐ ꓗꓳ꓾ ꓧꓮꓴ ꓬꓴ ꓐꓠ ꓠꓲ ꓡꓰ ꓬꓥ ꓖꓶ ꓬꓥ ꓟꓳ ꓰ ꓔ ꓣ ꓙꓳꓥ ꓟ ꓪꓥ ꓡꓪꓲ ꓠꓬꓳ ꓟꓳ ꓠꓲ ꓡꓰ꓿ 22ꓬꓥ ꓠꓬꓳ ꓟꓳ ꓰ ꓘꓬꓳ ꓡꓰ ꓬꓥ ꓟꓳ ꓟꓮꓴꓺ ꓐꓬꓴ ꓮ ꓗꓳ꓾ ꓘ ꓢꓴ ꓟꓴꓺ ꓟꓮꓴ ꓢꓮꓴ ꓗ ꓰ ꓢ ꓣ ꓑꓰ ꓢꓴ ꓮ ꓥꓴꓔ꓾ ꓓ ꓣꓴ ꓟ ꓖꓟ ꓮ ꓘꓥ ꓪꓳ ꓢꓴꓺ ꓢꓴꓽ ꓬꓥ ꓟꓳ ꓡꓰ ꓠꓬꓳ ꓟꓳ ꓐꓲ ꓐꓰ꓿ 23ꓧꓮꓴ ꓘꓴꓠ ꓬꓥ ꓟꓳ ꓰ ꓔ ꓣ ꓙꓳꓥ ꓟ ꓰ꓾ ꓮ ꓢꓠ ꓮ ꓢꓰꓠ ꓰ ꓠꓔ ꓓꓑ ꓢꓴ ꓣ ꓬꓴ ꓐꓳ ꓰ꓾ ꓬꓥ ꓑꓴꓗ ꓡꓪꓲ꓾ 24ꓠ˗ꓜꓰ˗ꓣꓰꓔ ꓪ ꓬꓰ˗ꓢꓴ ꓰ꓾ ꓥ ꓟꓳ ꓠꓥ ꓰ ꓧꓮꓲ ꓢꓰꓥ ꓡꓰ ꓕꓺ꓾ ꓥ ꓟꓳ ꓡꓰ ꓡꓳ ꓕꓰꓠ ꓣ ꓙꓰ ꓡꓰ ꓡꓴ꓾ ꓠꓥ ꓳ ꓥꓴꓔ ꓡꓰꓺ ꓡꓰꓽ ꓥꓳ ꓢꓰ ꓡꓰ꓾ ꓗ˗ꓣꓮꓲ ꓗ˗ꓢꓥ ꓰ ꓚꓳꓲ ꓬꓴꓥ ꓢꓴ ꓠꓥ ꓥꓴꓔ ꓔꓳ ꓡꓰ꓾ ꓖ ꓡꓪꓲ꓾ ꓔꓮꓲ ꓰ꓿ 25ꓧꓮꓴ ꓙꓥ꓾ ꓬꓰ˗ꓢꓴ ꓖꓶ꓾ ꓝꓶꓗ ꓜ ꓠꓲ ꓮ꓾ ꓬꓥ ꓚꓥ ꓟꓮꓲ ꓕꓳ ꓡꓳ ꓮ꓾ ꓖ ꓡꓪꓲ꓾ ꓔꓠ ꓑꓬꓟ ꓰ꓿ 26ꓧꓮꓴ ꓟꓴ ꓡꓪꓲ꓾ ꓧꓮꓴ ꓮ ꓫꓳꓑ ꓰ ꓠꓔ ꓖꓶ ꓬꓥ ꓠꓠ ꓡꓳ ꓴ ꓚꓥ꓾ ꓕꓰ ꓟꓳ ꓰ ꓑꓴꓗ ꓡꓪꓲ꓾ ꓬꓥ ꓚꓥ ꓟꓮꓲ ꓕꓳ ꓡꓳ ꓐꓰ꓿ 27ꓐꓠ ꓫꓳ ꓐꓥ ꓖꓬꓮꓲ ꓟꓮꓴꓹ ꓣ꓾ ꓲ ꓢꓴ ꓓꓴꓔ ꓰ ꓖꓶ ꓧꓮꓲ ꓡꓴ꓾ ꓢꓥ ꓧꓶ ꓠꓬꓳ ꓟꓳ ꓘꓬꓳ ꓡꓴ꓾ ꓬꓥ ꓰ ꓟ ꓖꓟ ꓮ ꓘꓥ ꓰ ꓮ ꓫꓳꓑ ꓰ ꓠꓔ ꓑꓰ ꓡꓥ ꓬꓥ ꓓꓥ ꓡꓰ ꓖꓬꓳ ꓮ ꓗꓳ꓾ ꓖ ꓡꓪꓲ꓾ ꓔꓮꓲ ꓐꓴꓟꓺ ꓗꓳ ꓰ꓿ 28ꓧꓮꓴ ꓙꓥ ꓖ˗ꓡꓲ˗ꓡꓰ ꓟꓶꓥ ꓖꓳꓟ ꓰ ꓙꓳ ꓪꓳ ꓘꓥ ꓟꓳ ꓟ ꓬꓥ ꓰ ꓘꓬꓳ ꓖʼꓙꓮꓲ ꓡꓳ ꓐꓰ꓿
ꓠꓳ ꓒꓬꓳ ꓡꓳ ꓖꓰ ꓰ ꓰ ꓠꓔ ꓡꓰ ꓘꓔ ꓑꓬꓟ ꓰ ꓟꓴ ꓜꓪꓲ ꓰ
29ꓧꓮꓴ ꓘꓴꓠ ꓙꓥ ꓔ ꓣ ꓙꓳꓥ ꓟꓮꓲ ꓕꓳ ꓡꓳ ꓡꓪꓲ꓾ ꓬꓥ ꓟꓳ ꓖꓶ ꓬ˗ꓗꓴ ꓬꓳ˗ꓧꓠ ꓰ ꓣ ꓧ ꓢꓲ˗ꓟꓴꓠ ꓮꓠ˗ꓓꓣꓰ ꓠꓲꓗ ꓔꓥ ꓰ ꓬꓴꓟ ꓒꓬꓥ ꓪꓥ ꓡꓳ ꓐ ꓗꓳ꓿ 30ꓮ ꓘꓪꓲ ꓢꓲ˗ꓟꓴꓠ ꓰ ꓬꓥ ꓮꓴꓸꓽ ꓟꓳ ꓮ ꓡꓲ ꓪꓥ ꓡꓪꓲ ꓡꓰ ꓔꓳ ꓰꓺ꓾ ꓧꓮꓴ ꓙꓥ ꓬꓥ ꓟꓳ ꓖꓶ ꓧꓮꓴ ꓬꓴ ꓰ ꓘꓬꓳ ꓬꓥ ꓡꓰ ꓔꓮꓲ ꓖꓬꓳ ꓗꓳ ꓰ꓿ 31ꓧꓮꓴ ꓘꓴꓠ ꓬꓥ ꓧꓪꓲ ꓡꓳ ꓡꓪꓲ꓾ ꓬꓥ ꓡꓳ ꓰ ꓜꓪꓲ ꓡꓪꓲ꓾ ꓬꓥ ꓡꓰ ꓡꓥ ꓔꓳ ꓰ꓿ ꓧꓮꓴ ꓬꓴ ꓖꓶ ꓮ ꓡꓲ ꓖꓰ ꓡꓪꓲ ꓬꓥ ꓟꓳ ꓡꓰ ꓢꓮꓲ ꓝꓳ ꓢꓮꓲ ꓧꓴ ꓰ꓿ 32ꓮ ꓘꓪꓲ ꓐꓪꓲ ꓪꓥ ꓡꓪꓲ ꓟꓲꓠ ꓡꓰ ꓬꓟ ꓙꓥ ꓠꓳ ꓒꓬꓳ ꓧꓪꓲ ꓐꓥ ꓰ ꓠꓔ ꓓꓑ ꓰ ꓐꓥ ꓠꓲ ꓟ ꓠꓲ ꓡꓰ ꓬꓥ ꓚꓥ ꓫꓴꓔ ꓪ ꓡꓰ ꓔꓳ ꓗꓳ ꓰ꓿ 33ꓧꓮꓴ ꓟꓴ ꓣ ꓪ ꓖꓴꓥ ꓖꓳꓟ ꓧꓮꓴ ꓘꓴꓟ ꓓꓳꓥ ꓬꓟ ꓟ ꓰ ꓟꓶꓥ ꓐꓴꓟ ꓮ ꓗꓳ꓿ 34ꓮ ꓠ ꓮ ꓘꓬ ꓮ ꓟꓬꓴ ꓟꓬꓴ ꓠꓳ ꓐꓥ ꓡꓰ ꓬꓥ ꓡꓳ ꓖꓰ ꓐꓲ ꓡꓪꓲ꓾ ꓠꓔ ꓟꓬꓳ ꓟꓬꓳ ꓡꓰ ꓡꓰ ꓘꓔ ꓑꓬꓟ ꓐꓲ ꓐꓰ꓾ ꓬꓥ ꓖꓶ ꓘꓣꓲꓢ˗ꓔꓴ ꓥꓴꓔ ꓰ ꓡꓰ ꓠꓔ ꓑꓰ ꓢꓰ ꓔꓳ ꓮ ꓗꓳ꓾ ꓧꓮꓴ ꓟꓴ ꓡꓪꓲ ꓬꓥ ꓖꓶ ꓬꓥ ꓟꓳ ꓡꓰ ꓓꓥ ꓮ ꓔꓮꓲ ꓠꓥ ꓓꓳꓥ꓿
ꓬꓰ˗ꓢꓴ ꓠꓑ ꓠꓳ ꓮ ꓗꓬꓴ ꓓꓴꓥ ꓰ
35ꓠꓑ ꓖꓬꓳ ꓠꓳꓼ ꓠꓳꓼ ꓡꓰ ꓟꓬꓳ ꓮ ꓟꓬꓥ ꓫꓲ ꓡꓰ ꓬꓥ ꓔꓳ ꓡꓪꓲ ꓬꓳ ꓢꓳ ꓟ ꓚꓲ ꓫꓲꓟ ꓰ ꓙꓳ ꓪꓳ ꓒꓬꓥ ꓰ ꓡꓪꓲ꓾ ꓮ ꓗꓬꓴ ꓓꓴꓥ ꓠꓲ ꓣ꓿ 36ꓧꓮꓴ ꓘꓴꓠ ꓢꓲ˗ꓟꓴꓠ ꓰ ꓬꓥ ꓰ ꓣ ꓧ ꓠꓲ ꓰ ꓐꓥ ꓬꓥ ꓡꓰ ꓛꓥ ꓧꓳ ꓔꓳ ꓮ ꓗꓳ꓿ 37ꓬꓥ ꓟꓳ ꓖꓶ ꓬꓥ ꓡꓰ ꓟꓬꓥ ꓧꓳ ꓙꓥ꓾ ꓡꓴꓥ ꓡꓥ ꓐꓥ ꓖꓶ꓾ ꓠꓥ ꓡꓰ ꓧꓳ ꓔꓳ ꓮ ꓗꓳ꓾ ꓖ ꓡꓪꓲ꓾ ꓔꓮꓲ ꓗꓬꓳ ꓗꓳ ꓰ꓿ 38ꓬꓥ ꓖꓶ꓾ ꓡꓲꓥ ꓘꓬꓴ ꓟ ꓪ ꓖꓴꓠ ꓑꓰ ꓘ ꓥꓳ ꓪꓳ ꓟꓳ ꓗꓬꓳ ꓫꓳ꓾ ꓙꓳ ꓪꓳ ꓖꓳ ꓔꓴ ꓫꓴꓔ ꓲ ꓠꓴꓥ ꓰ ꓡꓳ ꓫꓥ꓾ ꓧꓮꓴ ꓬꓠ ꓟꓮꓲ ꓜ ꓥꓳ ꓙꓰ ꓡꓰ꓾ ꓖ ꓡꓪꓲ꓾ ꓬꓥ ꓟꓳ ꓡꓰ ꓔꓮꓲ ꓗꓬꓳ ꓐꓲ ꓐꓰ꓿ 39ꓧꓮꓴ ꓘꓴꓠ ꓖ˗ꓡꓲ˗ꓡꓰ ꓟꓶꓥ ꓖꓳꓟ ꓟ꓾ ꓬꓥ ꓟꓳ ꓰ ꓔ ꓣ ꓙꓳꓥ ꓑꓰ ꓟ꓾ ꓬꓥ ꓰ ꓟꓳ ꓐꓲ ꓡꓪꓲ꓾ ꓠꓔ ꓑꓰ ꓡꓰ ꓘꓔ ꓑꓬꓟ ꓐꓲ ꓰ꓿
ꓟꓥ ꓖꓟ ꓓꓑ ꓰ ꓐꓬꓴ ꓡꓰ ꓡꓳ ꓖꓰ ꓐꓲ ꓰ
40ꓟꓥ ꓖꓟ ꓓꓑ ꓰ ꓐꓬꓴ ꓣ ꓬꓴ ꓡꓰ ꓬꓥ ꓚꓥ ꓫꓴꓔ ꓡꓰ ꓡꓪꓲ꓾ ꓘꓲ ꓒꓴꓔ ꓕꓴ ꓴ ꓚꓥ꓾ ꓠꓥ ꓓꓳꓥ ꓡꓰ ꓖꓶ꓾ ꓥꓳ ꓡꓰ ꓪꓳ ꓡꓳ ꓚꓳꓲ ꓐꓲ ꓣ ꓢꓴ ꓠꓥ ꓥꓴꓔ ꓔꓳ ꓡꓰ꓾ ꓖ ꓡꓪꓲ꓾ ꓓꓴꓥ ꓠꓲ ꓰ꓿ 41ꓬꓥ ꓖꓶ ꓫꓳ ꓖꓬꓳ ꓡꓪꓲ꓾ ꓬꓥ ꓡꓳ ꓡꓟ ꓡꓪꓲ꓾ ꓬꓥ ꓡꓰ ꓢꓳꓑ ꓐꓲ ꓰ꓾ ꓥꓳ ꓓꓳꓥ ꓔꓳ ꓡꓰ꓾ ꓚꓳꓲ ꓬꓴꓥ ꓡꓳ ꓮ ꓘꓳꓲ꓿ 42ꓧꓮꓴ ꓙꓥ ꓟꓥ ꓖꓟ ꓖꓶ ꓬꓥ ꓚꓥ ꓟꓮꓲ ꓕꓳ ꓐꓬꓴ ꓡꓳ ꓐꓰ꓾ ꓚꓳꓲ ꓬꓴꓥ ꓐꓬꓴ ꓐꓰ꓿ 43ꓬꓥ ꓖꓶ꓾ ꓧꓮꓴ ꓘꓬꓳ ꓡꓰꓺ ꓳ ꓡꓰꓺ ꓡꓰꓽ ꓓꓥ ꓣ ꓘꓴꓠ ꓡꓥ ꓠꓥ ꓘ ꓔꓮꓲ꓾ ꓢ ꓓꓲ ꓮ꓾ ꓕꓳ ꓡꓳ ꓡꓪꓲ꓾ ꓘꓶꓠ ꓙꓳꓥ ꓪ ꓡꓰ ꓠꓥ ꓖꓴꓥ ꓓꓴ ꓡꓳ ꓫꓲꓔ ꓣ꓾ ꓬꓥ ꓟꓳ ꓟ ꓔꓴ ꓢꓗ ꓢꓰ ꓓꓴꓔ ꓮ꓾ ꓠꓥ ꓚꓳꓲ ꓬꓴꓥ ꓰ ꓟ ꓔꓴ ꓟꓳ˗ꓫꓲ ꓔꓳꓸ ꓔꓳꓺ ꓰ ꓣ ꓙꓴꓥ ꓜ ꓘꓶꓥ ꓖ ꓡꓳ ꓠꓳꓼ ꓐꓲ ꓮ꓾ 44ꓖ ꓡꓪꓲ꓾ ꓧꓮꓴ ꓬꓴ ꓡꓰ ꓔꓮꓲ ꓗꓔ ꓰ꓾ ꓧꓠ ꓧꓠ ꓑꓴꓠ ꓗꓔ ꓐꓰ꓿ 45ꓧꓮꓴ ꓬꓴ ꓕꓳ ꓡꓳ ꓡꓪꓲ꓾ ꓧꓮꓴ ꓘꓬꓳ ꓡꓰ ꓖꓬꓮꓲ ꓖꓬꓮꓲ ꓔꓮꓲ ꓑꓬꓳ ꓗꓔ ꓐꓰ꓾ ꓧꓮꓴ ꓟꓴ ꓬꓰ˗ꓢꓴ ꓖꓶ ꓪ ꓖꓴꓥ ꓘꓮꓴ ꓒꓬꓥ ꓓꓠ ꓓꓠ ꓮ ꓪꓳ ꓪꓥ ꓡꓪꓲ ꓰ꓾ ꓬꓳ ꓢꓳ ꓟꓠ ꓐꓴꓥ ꓘꓮꓴ ꓟ ꓠꓲ ꓠꓲ ꓡꓪꓲ ꓰ ꓙꓳ ꓪꓳ ꓘꓥ ꓟꓳ ꓟ ꓐꓥ ꓡꓰ ꓬꓥ ꓚꓥ ꓙꓰ ꓡꓰ ꓐꓴꓟ ꓗꓳ ꓰ꓿
Pilihan Saat Ini:
ꓟ˗ꓗꓴ ꓟꓮꓴ ꓢꓮꓴ 1: ATB1938
Sorotan
Berbagi
Salin
![None](/_next/image?url=https%3A%2F%2Fimageproxy.youversionapistaging.com%2F58%2Fhttps%3A%2F%2Fweb-assets.youversion.com%2Fapp-icons%2Fid.png&w=128&q=75)
Ingin menyimpan sorotan di semua perangkat Anda? Daftar atau masuk
First published in Fraser script in 1938.