Vinsæl biblíuvers úr Oduu Nagayaa Ka Luuqaasii 6

Deildu

Kennaa'a, isinii kennamaa. Waan isin ittiin safartaniin isinniillee safaramaa. Safartuu akka misha'atti itti gadi qabamee sochoofamee guuttameen haga isin baadhachuu dandeettanitti isinii kennama.

Waan garaa keessa guute afaan qaaqa; namni waan mishaa garaa ufii keessatti kuufate dubbata. Namni badaan waan badaa garaa ufii keessatti kuufate dubbata.

Isin garuu diinota keessan jaaladhaa'a; waan mishaa isaanii godhaa'a, womaa uduu abdii hin goone liqeessaa'a; yoo san gatiin keessan guddaa ta'a. Ijoollee Rabbii taatan. Inni worra isa hin galateeffanneef, worra hamootaafuu arjaa waan ta'eef.

Akkuma abbaan keessan garaa laafu, isinillee garalaafeyyii ta'aa'a.

«Eennuttillee hin murteessinaa'a, isinitillee hin murtaayu; yakkillee isinitti hin muramu, namaa dhiifama godhaa'a, isiniifillee hin dhiifamaa.

Haata'uu ammoo isin worra na dhageettaniif akkana jedha. Diinota keessan jaaladhaa'a, worra isin jibbuuf waan mishaa godhaa'a. Worra isin abaaru eebbisaa'a, worra isin yakkaniif Rabbiin kadhadhaa'a.

Waan namoonni akka isinii godhan feetan isinillee akkasuma isaanii godhaa'a.

Ka boqoo kee dhabanaasu deebisii ka lammaffa'aallee itti naannessi. Ka kootii kee fudhatuuf shamisiillee eda'ii kenniif. Nama si kadhate maraafuu kenni. Ka birrii kee sirraa liqeeffate yookiin ka fudhate akka sii deebisu hin gaafatin.

«Munni mishaan midhaan hamaa hin daraaru, munni hamaanillee midhaan mishaa hin daraaru.

Munni maruu daraaraa isaatiin waan beekkamuuf muka qore'ee irraa daraaraa hurbu'uu guuran.