Vinsæl biblíuvers úr Oduu Nagayaa Ka Luuqaasii 7

Deildu

Kanaaf akkana isiniin jedha guddiftee waan jaalala guddaa mudhifteef cubbuun hedduu isi'ii dhiifameera. Ka jaalala diqqoo qabuuf waan diqqatu dhiifamaaf. Isi'iinillee «Cubbuun kee sii dhiifameera» jedhe.

Yesuusillee dubartii saniin amantiin kee si fayyiseeraa, nagayaan gali» isi'iin jedhe.

Duuba isaatiin luka isaa bira dhaabattee booya'aa imimmaaniin luka isaatitti jissitee rifeensa ufiitiin haqa'aa luka isaa dhungata'aa urgoo dibaa turte.

Kanaafuu ani gara kee dhufuun naaf hin malu. Haata'uu ammoo afaanuma calla'aan ajaji, mucaan kiyya hin fayya jedhe. Ani nama worra baallii qabu jalatti bulu. Anillee loltoota uf jalatti bulchu qaba. Isaan keessaa tokkoon, ‹Deemi› yoo jedhe, innillee hin deema; ka biraatiinillee ‹Koottu› yoo jedhe, innillee hin dhufa; hojjataa kiyyaan ‹Waan kana huji› yoo jedheen hin huja» Yesuusillee kana dhagayee maalalfatee gara banii isa faanaa deemaaruutitti garagalee, «Ani isinitti hima, amantii guddaa akkasii Israa'eliin keessattuu sirimaa hin argine» isaaniin jedhe.

Hennama sanitti dhukkubaa fi rakkinna dhukkubaatiin ayyaana hamaa irraallee heddu isaanii fayyise; ballaa hedduullee ija bane. Yesuusillee deebisee, «Deema'aatii, waan argitanii fi waan dhageettan Yohaannisitti himaa'a! Ballaan hin arga, worri hokkolu hin deema, worri dhukkuba gogaa kukkutuun qabame hin fayya, worri gurraan hin dhageenne hin dhagayan, worri du'ellee hin ka'a, Oduun Nagayaa hiyyeeyyi'iif hin lallabama.