Vinsæl biblíuvers úr Oduu Nagayaa Ka Luuqaasii 8

Deildu

Sanyii lafa mishaa irratti bu'e ammoo worra dubbii Rabbii dhagayanii, amanamuuma'aaf mishumma'aan fudhatanii obsaan sanyii daraaraniiti.»

Sanyiin qoree keessatti bu'ellee worra dubbii dhagayanii. Akkuma oolmetii isaanii ka duraatiti yaada'aa, badhaadhummaa jireenna qananiitiinillee waan hudhamaniif, sanyii hin godhatan.

Sanyiin lafa biyyee guddaa hin qabne ka jalli isaa dhaka'aa irratti bu'e sunillee worra dubbii dhagayanii gammachu'uun fudhatan. Isaan garuu hidda waan hin godhaneef haga hennaa diqqo'ootiif amanan malee, yoo ataabamuun isaan irra gaye, hin ganan.

Innillee, «Amantaan keessan meeti» jedhee isaan gaafate. Sodaatanii maalala'aa ka qilleensinii fi bisaanillee ajajamaniif kun eennu? woliin jedhan.

Sanyiin karaa qace'etti bu'e sun namoota dubbii Rabbii dhagayanii akka isaan amananii hin fayyineef daabiloos dhufee dubbii san onnee isaanii keessaa fudhata.

Wonti dhokate uduu hin mudhanne, yookiin wonti golgame uduu hin beekkamneef uduu ifatti hin baane ka hafu tokkollee hin jiru.

Dubartiin sunillee akka dhokatee hafaa hin jirre argitee, hollata'aa dhuftee afoo isaatitti gadi kufte. Achiin maayessa maaf akka isa tuxxee fi yoma san attamitti akka fayyite gumii afo'otti itti himte. Innillee mucattii tiyya amantaan kee si fayyiseeraa nagayaan deem isi'iin jedhe.

Hennaa san darasoonni isaa gara isaa dhiyaatanii, Gooftaa keenna banne! jedha'aa isa kaasan. Innillee dammaqee bubbe'eef danbalii bisaanii teedeffatee cadhisiise. Dambaliinillee hin cadhise.