Popular Bible Verses from Utumbulilu 18

Deildu

Bho, kubhi le na lijambu lokapi lela langakuwezikana kwaka Bambo? Anangelabhuka kabhete mu chikahi ngati chenjenu mu chaka chechihika, na Sala anaapata mwana wa chikambako.”

Bhela, Sala akahekiki chumuntima waki, akapwaghaje, “Nepani ngongapili anana, na ndomi wangu asejike, bho, ananhweza le kuhekalela lijambu alele?”

Chakaka Ibulahimu anaakubha litaifa likolongwa na lelibhi na makili, na kupetela kwaki mataifa ghokapi gha pundema anaghapengalikaje.

Bhela, Ibulahimu akunheghali Bambo na kumpwaghila, “Bho, anaubhayonanga le bhandu bhabhajetakaliwi palongi jaku papamu na bhandu bhahakau? Bho, ngati anakubhi na bhandu bhabhajetakaliwi palongi jaku hamsini mu muchi ghonihoghu, chakaka le anauyonanga muchi wokapi na wala ngawauleki kwa ndandi ja bhandu bhabhajetakaliwi palongi jaku hamsini habha bhabhabhi monihomo?

Bambo Chapanga akapwaghike, “Ngati anambatiki bhandu bhabhajetakaliwi palongi jangu hamsini mu muchi wa Sodoma, ananuleka muchi ghonihoghu wokapi kwa ndandi jabhu.”