Vinsæl biblíuvers úr Jɔnə́ 10

Deildu

Njíb a pilí wə̂ álí jíb, álí búlú na álí fɛnj. Mi mə́ ɛ paʼ nána nyí kwísi luŋgɛ́ álə́ lí lwínjí litúm limɛnɛ.

Mi n dí ntátya-mílɔŋgi a mbâ. Ntatya-mílɔŋgi a dí mbunsan álí wá á mílú mí mílɔŋgi mí mɔ.

Mílɔŋgi mí myə mí wú ŋgɔli ɛ́ myə. M bí bɔ́, bɔ́ pə́ mí pɔ̌ŋ mî á mbǐ.

M bəkí bɔ́ luŋgɛ́ álə́ lí sə̌ ɛ́ mɛ na bá sî wá. Mɔʼ a tíŋganiyǎ bɔ́ ɛ shukan á makɛ́ má myə.

Mi n dí ɛkuʼ. Ká njá mɔ́lə́ awə̌ a túmbí á mi, á kwisí lishuŋgɛ. Á kwili, a nyít pə́ ɛ́yə́ ká mɔ̂ʼ a tákiyaní mɔ́. Á kwisi ká yə̌ ɛ́yə́ a sakíní

Mi n dí ntátya-a-mílɔŋgi a mbâ. M bí mílɔŋgi mí myə, mílɔŋgi mí myə pə́ mí bí mi.

Yǔm ɛ́yə́ Sáŋ m myə a bəkíní mi ɛ́ túmbí byə̌m bísə́sə̌n, ká mɔ̂ʼ a tíŋganiyǎ bɔ́ ɛ shu á makɛ́ má Sáŋ m myə. Mi na Sáŋ ŋ myə sí dí mɔʼ nfɔ́.”

Mulimlim, nâ pə́ Sáŋ m myə a bíní mi, mi pə́ m bí mɔ́. N dí mbunsan álí wá á mílú mí mílɔŋgi mí myə.

Mɔʼ ká nfɔ́ a sə̌ nuŋ luŋgɛ́ lí myə á mi, ndé nǎn bə lɔ́ na mimə̌n. N wɔ́ŋŋí wunja álí bə luŋgɛ́ lí myə, na wunja álí nǔŋ pə́ lɔ́ mbǐ. Nâ Sáŋ m myə a pɔŋíní mi álí bwə.”

Áfánikə̌, Yésuwə a byábí pə́ nána, “Á mbálɛ nǎn pɔ̌ŋ nyə́ nána, mi n dí ɛkuʼ ɛ́yə́ mílɔŋgi mí túmní.

Mɔʼ awə̌ bá núŋíní wɔ̂ á ɛ́bulú, awə̌ mɔ́mə̌n a shiyǎ ntátya-a-mílɔŋgi, ti mílɔŋgi mî mí shiyǎ mí mɔ, njí a mínní ngə ngvwɛʼ ɛ̌ paní, ǎ makú mílɔŋgi mî a búngú mifílí. Á púndá ɛni, ngvwɛʼ ɛni ɛ̌ paʼ ɛ kú nlɔŋgi, ti á mínání mí páŋili.

Yésuwə a byábí nána, “Á mbálɛ nǎn pɔ̌ŋ nyə́ nána ká njá awə̌ a kwíliyǎ á ɛkuʼ ɛ́ ndáʼ ɛ́ Dyǔ, ndé a pulú wɔ̂ á pɛsi ɛpə́pə̂, a dí njíb na mbúluwa a baʼ.