Popular Bible Verses from A-pûn Awang 28

Deildu

Ngò gi, nàng eq rahá nghut nyî mù, nàng, hká ê hká ló kôlhang, nang lé wú mâgum nyì râ; Ngò gi, nang lé, maumyî shî má dum shuî taû lò râ nghut lhê. Nang lé Ngò danghtum htûm to byî é lé a lhoqdìk dìk gi, Ngò, nang lé tô pyâm to râ a nghut.” ga taî ri.

Haû Yhûmsîng Garai gi, zùmhtâng hpyo má yàp to mù, “Ngò gi, náng é îchyí îwa Abraham é Garai Gasang eq Isak é Garai Gasang, haû Yhûmsîng Garai nghut lhê. Ngò gi, nàng eq náng é awùt ashîn pé lé, haû nàng lèq tô é maumyî byi râ nghut lhê.

Yakup yhup bûn lo é hkûn, yhang gi, “Haû Yhûmsîng Garai gi, gè gè yhang, shí jowò má nyi ri myhî-nhûng é lé, ngò a sê kat.” ga wó myìt ri.

Hau htâng, Yakup gi, “Ngò, ngá wâ é yhûm má ngón za wó taû lò râ matú, Garai Gasang gi, ngò eq rahá nghut nyî mù, ahkuî ngò sô nyi é hkyôwuì má mâgum yù luî, ngò zo râ zoshuq eq ngò wùt râ mèbu lé byi râ nghut jáng, haû Yhûmsîng Garai gi, ngá é Garai Gasang dùt râ nghut mù, shî pyîlàt zìng dông ngò xuq é lùqgòk gi, Garai Gasâng é yhûm dùt râ nghut lhê; haû mù, ngò gi, Nàng, ngo lé byî é lhúnglháng mâ é xê gàmbùm ragàmbùm, Nang lé byi râ nghut lhê.” ga dakâm danghtum htûm to bê nghut ri.

Náng é awùt ashín pé gi, myìdàm htoq mâ é hpuílhup su myo râ nghut mù, núngmòq gi, buìhtoq, buìwàng, maupyî, mautsûng nyi jam ló kôrâ nghut lhê. Myìdàm htoq mâ é byù myû lhúnglhâng bang gi, nàng eq náng é awùt ashîn é yánmai, shimân jeju wó kôrâ nghut lhê.

Yhang gi, wà mó haú lé Luza ga myhîng laî lò kôlhang, haú jowò lé Behtela ga myhíng bê nghut ri.