I Versetti Biblici più popolari da Genesis 22

Condividi

Pwen pe Apraham ipohowe ngala kol ara, “YAPAN andre kihang.” Iro mwonen lang ara isa matne mahapo, hu ndramat ngara hu kapa, “YAPAN andre kihang kiya ngondron atan.”

Pwen Ngindrai ipa, “Awiri norum hamou opu, ngalan Yisak, mepo ndriyam imbuluhi yiy pwokeyan iya, pe alkaya kol namandran hape Moriyah. Andre kuyingani ngondron sih ita aliy. Pwen atingundrun kiro ara, pe aiki yiy kisa kili yo tehe yukyuk para mwan andre kitimwiy masih.”

Pe angelou ipwai ipa, “Mbuna atingundrun! Pe mbuna ambusi hapesah kiya ta wihou ara. Paratesah, mahapo upahasaniy tehe wou ara ngara aro pahandra nohowai ta Ngindrai, pe norum mepo ndriyam imbuluhi yiy imwonen ara, ara nerem kinna tan pwi.”

Apraham isomwi yiy ipa, “Noru, Ngindrai mbukenan andre kihang noru sipsip nakirayah yukyuk para mwan andre kitimwiy masih.” Pwen pe hilu yerokai iyawule hilyau.

pwen pe andre kutoholi wou, pe andre kumbusi ndrayem hu kasarayah soyo-soyon iya, tehe hu piriy hora yang, pe hu kalayeng para pwakileng. Pe ndrayem hu ara andre hu kapo pahun kiya kili hu ndram tahu, pe andre hu kawiri kolo hu ndram ara, karayah kolohu. Pe yihu ndraye ndramat masih para kol pwan andre kutoholi hu kiyau kili ndrayem hu, paratesah, wou ahalingi yo.’”

Hayou masahayeh ihipwen, Ngindrai pakihinonou lohonga Apraham. Pwen pe Ngindrai iyoh iya kili yiy ipa, “Apraham.” Pe Apraham isomwi yiy ipa, “Apwai. Yo urupo.”

Hapeko angelou ta YAPAN hamou iho paingan yang, iyoh isa kili yiy ipa, “Apraham! Apraham!” Pe Apraham isomwi yiy ipa, “Tesah? Yo urupo.”

Pwen angelou ta YAPAN iyoh iya kili Apraham iyau paingan yang porosih i, ipa, “YAPAN ipwai ipa, ‘Yo mbukeno urandragan iya ngolo, toro: wou nerem kinnata norum pwi, pe apaiki yiy masih kisa kili yo

Pwen hilyarayah hilya kol mepo Ngindrai kinpwai pwen kinnata Apraham ara, pe Apraham isoye pere tuntun iro ariya, pe imwaniyani kihiy iya ndritan. Pwen iwasi tiriyi norun kamai Yisak pe iyki yiy iya ndrita kihiy iro pere tuntun.