I Versetti Biblici più popolari da GÉNESIS 9

Condividi

Taita Diosca cashnapishmi nirca: “Cancunapajpish, cai pachapi caj causaiyuj animalcunapajpish ñuca ari nishcata ricuchijca caimi: Ñuca cuichitami jahua p'uyupi churani. Chai cuichimi cai pachapi causajcunapaj ñuca rurasha nishpa ari nishcata ricuchijca canga.

P'uyupi cuichita ricushpaca, causaiyuj caj tucuicunapaj ñuca rurasha nishpa huiñaipaj ari nishcatami yuyarisha”.

Maijanpish shuj runapaj yahuarta jichajtaca, paitapish shujtaj runami yahuarta jichanga. Runataca Taita Dios paiman rijchajta rurashcamanta pi mana yahuarta jichanallachu.

Taita Diosca Noetapish, paipaj churicunatapish alli cashca cachun nishpaca: “Huahuacunayuj tucushpa, alli huiñachishpa achcata mirarishpa cai pachapi jundarichij.

Causaiyuj caj tucui animalcunaca cancuna micunapajmi. Chashnallataj yacu granocunatapish, verdi q'uihuacunatapish tucuitami cancunaman cuni.

Cai pachapi tiyaj tucui animalcunaca huairata purij alasyuj animalcunapish, pambapi purij animalcunapish, mama cuchapi causaj animalcunapish tucuicunami cancunata manchacuj tucungacuna. Tucui chaicunataca cancunapaj maquipimi churani.

Ashtahuanpish cancunaca huahuacunayuj tucushpa, alli huiñachishpa achcata mirarichij. Cai pachapica achca huahuacunayuj tucushpa tucuipi jundarichij” nircami.