I Versetti Biblici più popolari da YOHANES 19

Condividi

Mawu Yesus naattemma ua'en anggore udde see nabbisara, “Nia'omante!” See nal᷊apute pua-Ne wuṛṛu natete.

Mawu Yesus masingkatta manungku orassa udde sarangkanambone natipusse, wuṛṛu tadea'u apa apan uawoṛṛetta sulal᷊ummu Wuke Susi wotongngete mariaddi, i Tou nabbisara, “I Ya'u marou.”

Napawe Mawu Yesus naasilo inang-Nge wuṛṛu mallal᷊aṛṛenggenna apan arangnguan-Ne uarisikka isudde, i Tou nabbisara inang-Nge, “Inangnga, udde ana'i Inangnga.” Wua'udde Mawu Yesus nabbisara su mallal᷊aṛṛenggen-Ne udde, “Udde inangngu.” Nanattakka orassa udde mallal᷊aṛṛenggenna nanengkampe inangngu Mawu Yesus matana'a su wal᷊ene.

Napawe i mangitou na'omate ringannu Mawu Yesus, i mangitou naasilo i Tou natete. I mangitou tate nariaddi namadi ledda-Ne. Arawe sandiṛṛannu Mawu Yesus niusu'u sangkatou tantara ringannu sambeangnga; wuṛṛu tawe nal᷊annu sinumabangke raṛṛa wuṛṛu ua'e.

Olangnge udde mariaddi tadea'u apa apan uawoṛṛetta sulal᷊ummu Wuke Susi, eteudde, “Tawe saran sambau wuassu duṛṛi-Ne paddianna.” Sulal᷊ummu Wuke Susi uawoṛṛetta lai: “I mangitou sarun ma'ellega si Tou apan suete niusu'i mangitou.”

Mawu Yesus sinumabangnga uapasanna alu arussane sassane watukku tampa apan aranne “Tampan Tanggilal᷊a”. (Sulal᷊ummu wisaran Ibrani isassago Golgota.)

Manga tantara na'ola'a sambau araposa wuassu manga rannang kalu ṛoaanna, see niluṛṛe su pua Mawu Yesus. Wua'udde i Tou nilluṛṛeanni mangitou jubah ungu