I Versetti Biblici più popolari da Luk 11

Condividi

Bepi naŋ, ma nə yi aləs-e, nə tȧrȧ tə kəsɔŋ ɛboya ɛfinɔ ka aŋwuth a nu-e, thamsinɛ ɔKas ka nu ɔwe yi ro riana-e, ɔ tə sɔŋ ɔYina məsəm ka ŋaŋ aŋa mə yif kɔ-i?

Ɔwa i pa ro rɔnu, Yif, ɔwa a ba tə kəsɔŋ nu ti; thɛns, ɔwa nə tə fir; gbȧtgbȧt, ɔwa a tə kanthɛ nu.

kotȧy-e wuni o wuni ɔwe mə yif, ɔ tə sɔthɔ; ɔwe mə thɛns ɔ tə fir; ɔwa ɔwe mə gbȧtgbȧt, a tə kanthɛ kɔ.

kɔ pa ro ŋaŋ, Ma nə ramnɛ-e, pa nu, ƆKas kȧsu ɔwe yi ro riyana, ta ȧŋes a mu aŋ yi asəm. Ta rȧbȧy ra mu rə bek. Ta mȧselɔ ma mu mə yɔnɛ nɔru mɔ mȧ mə yɔnɛ ro riyana.

ɔwa tera su maləs ma su kotȧy-e saŋ sɔ sə tera ŋaŋ bɛ aŋa yɔ su ɔləs. Te su wɔŋȧ rə tȧy ta məgbɔns, kɛrɛ wurɔ su ka mȧtȧy mələs.

Yer su thonɔŋ ɛdi ɛbeki su

ȧŋmothȧ ŋa aŋdɛr a mu aŋ yi rafɔr ra mu. Tiyȧŋ bepi rafɔr ra mu rə yi rəfinɔ, aŋdɛr a mu bɛ aŋ la ɔwaŋ; kɛrɛ bepi rə yi rələs-e, aŋdɛr a mu aŋ la asum.

Wuni o wuni bepi ɔ moth amotha-e, ɔ bot hɛ ŋi dɛr ɔmaŋknɛ thalɔm rə ȧthunthȧ rata, kɛrɛ ɔ tə bot ŋi rȧ ɔtəmər, kȧmȧ ŋaŋ aŋa mə wɔŋ ri aŋ nənk kawalɛ.