I Versetti Biblici più popolari da Luk 3

Condividi

Ɔwa ma ɔ baftays aŋfəm bɛ-e, ka pə re yi a baftays Yisɔs sɔ. Ɔwa ma ɔ yi ras ka kəramnɛ-e, ȧkȧriyana kə kanthɛ, ka ɔYina məsəm ɔ thor ɔ ba adɛr mɔ kəpərəm, kɔ rensa kɔ, ɔwa rim rə wur ka ȧkuru ara pa, Munɔ yi ɔWan kȧmi ubɔthər; mə thesis ȧŋmerȧ a mi finɔ.

Minɛ i baftays nu yi mȧnt, kɛrɛ kɔnɔ ɔwe mə der ɔ thasi mi afɔsɔ, i yi hɛ ubeki tə kəsəli nabeŋa na ɛkɔftha yɔŋ. Kɔnɔ tə baftays nu yi ɔYina məsəm yi nȧnt.

Wurɔ nu məkomi ama bek ta kəthupi, ɔwa te nu təp kəpa ka ɛmerȧ ɛ nu, Sə ba Ebraham ta ɔkas kȧsu, kotȧy-e i kanɛ nu kəpa, Kuru ɔ gbəli yɔ awuth aŋ wur ka masar ame ta Ebraham.

Ɔwa ka-ake a po bot kabap ka ɛthəŋk ya ɛyint. Tiyȧŋ ŋənt o ŋənt aŋa mə te wurɔ məkomi məfinɔ a tə tap ŋi, ɔwa a tə fitha ŋi ro nȧnt.

mɔ mə a gbal ka ȧkȧfȧ ka Isaya ɔnȧbi kəpa, Ȧrim rəgbaŋklo ra wuni ro wula ara pa, Bɛmpa nu aroŋ da ɔMarki, Lompəs nu asoŋ tɔŋ. A tə lasər tagboŋkəl bɛ, a tə thora tȧteŋ bɛ, təbana-o, təlɔl-o, Asoŋ təkənə a tə lompəs ti, ɔwa a tə thənəpəs asoŋ təgbopɛ gbopɛ. Ɔwa afəm sɛŋk aŋ tə nənk kakisi ka Kuru.