I Versetti Biblici più popolari da Luk 8

Condividi

Kɛrɛ ama ka ȧŋthɔf afinɔ-e, mə yi ŋaŋ aŋa po təl ȧrim, ɔwa maŋ təl-e, aŋ wop ri ɔbaksər ka tȧteŋ dɛ yi ka ȧmerȧ ȧferȧ, kaŋ kom məkomi rə kəmuyu.

Ama fumpɔ rə tabaŋk ratɔŋ, mə yi ŋaŋ aŋa po təl. Ɔwa maŋ kɔnɛ ka asoŋ ta ŋaŋ-e, ɛsoli, yi rayola, yi mabɔthi ma ȧdȧru, ɛye bɛ ɛ thiŋkanɛ ŋa, ɔwa aŋ kom hɛ məkomi məgbenthis.

Ŋaŋ ka aŋgbalaŋ, maŋ təl-e, aŋ malanɛ ȧrim yi məbɔnɛ, kɛrɛ maŋ te ba ɛthənk-e, aŋ lanɛ alɔkɔ agbut gbo; ma aŋgbɔnsanɛ aŋ bek-e, aŋ bȧrȧ kəmuth.

kɔ pa ro ŋaŋ, Kiya kȧlanɛ ka nu-a? Ɔwa rənes yi kəkabanɛ kə wop ŋa, aŋ pa kətɔŋ ka ŋaŋ, Kanɛ ɔwe mən, ma ɔ yamari hali aŋfef yi ȧmȧnt, ɔwa ɛ təlȧ kɔ-e?

Ŋaŋ ka aroŋ ŋa yi ŋaŋ aŋa təl. Ȧŋlɔkɔ ŋati Sethani ɔ der, ɔ nɔy ȧrim ka ɛmerȧ yaŋ kȧmȧ aŋ te lanɛ, ɔwa aŋ te sɔthɔ kakisi.

kotȧy-e, tȧy təmaŋknɛ tə yi hɛ, ȧte mə a te ŋaibi; amurare aŋ yi hɛ aŋa mə a te tȧrȧ, ɔwa mə a te wurɔ gbəraŋ.

Ma ɔya ɔ nənk kəpa ɔ gbəli hɛ maŋknɛ-e, ɔ der yi kəyɛr, ɔ sanɛ rodi kɔŋ, ɔ kanɛ ka kabəpər ka aŋfəm bɛ ȧŋsabu aŋa yɔ ɔ gboŋ kɔ, ɔwa to ɔ sɔthɔ kəyeŋk mədɛr ka ɔlɛmp wati. Ɔwa ɔ pa ka ɔya, Wan kȧmi ubɛra, kȧlanɛ ka mu kə po mu yenkəs. Kɔ yi məthɔfəl.

Ɔwa aŋ der ro ŋɔŋ, aŋ thəmi kɔ, aŋ pa, Pa, Pa, sə dinɛ. Kɔ thəmɛ, ɔ ŋal aŋfef yi rabaŋ ra ȧmȧnt. Ka ɔlɛmp wati-e, pə thɔfəla.