I Versetti Biblici più popolari da Mathiu 5

Condividi

Ɔwa afǝm aŋ moth hɛ kǝmulɛ tǝ kǝbot ki rǝ ȧthunthȧ roratha-e, thambe aŋ bot ki rǝ ɔtǝmǝr, kȧmȧ kǝ mothǝr ŋa bɛ ro seth. Yɔ nu kȧmȧ ȧŋmothȧ a nu aŋ gbɛntha rodi ka aŋfǝm, kȧmȧ aŋ nənk mȧyɔs ma nu mǝfinɔ, ɔwa aŋ yikis ɔKas ka nu ɔwe yi ro riyana.

Naŋ nǝ yi ȧŋmothȧ ŋa ȧdȧru. Kȧpet ȧke yi ka kǝteŋ rokɔm-e kǝ gbǝli hɛ maŋknɛ.

Aruba ŋaŋ aŋa ba ɛmerȧ ɛfera, kotȧy-e aŋ ba kǝnǝŋk Kuru.

Aruba ŋaŋ aŋa ba afela ta mȧlompi mɔ dor, kotȧy-e aŋ ba kǝnȧmrȧ.

Kɛrɛ minɛȧŋ i pa ro nu, Bɔthǝr aŋtheranɛ a nu, ɔwa ramnɛ nu ta ȧtȧ ŋaŋ aŋa sɔmpa nu

Aruba ŋaŋ aŋa yi amɔnɛ rǝ ȧmerȧ, kotȧy-e ŋa ba rȧbȧy ra ro riyana.

Aruba ŋaŋ aŋa yi awom, kotȧy-e a tǝ bont ŋa aŋwuth ŋa Kuru.

Aruba ŋaŋ aŋa saŋ amɔl, kotȧy-e a ba kǝthɔnthɔ ŋa.

Aruba ŋaŋ aŋa a po sɔmpa salata mȧlompi, kotȧy-e ŋa ba rȧbȧy ra ro riyana.

Aruba ŋaŋ aŋa ba ȧney, kotȧy-e a tǝ ba ŋa ȧney.

Nǝ ba aruba bepi a sambos nu, ɔwa a sɔmpa nu, thalɔm a fɔf nu ɔlǝs rǝ rǝyem salata mi. Sel nu mǝbɔnɛ, ta pǝ bɔnɛ nu ɔthasǝr, kotȧy-e ȧŋram a nu aŋ yi ȧbana ro riyana; ȧtesoma-e ya a sɔmpa aŋnabi aŋa yi thǝpaŋ.

Aruba ŋaŋ aŋa ba ɛmerȧ ɛthoranɛ, kotȧy-e aŋ tǝ ba ȧŋthɔf mɔ kɛŋ.

Naŋ nǝ yi amɛr ma ȧdȧru, kɛrɛ bepi amɛr mǝ dim mabɔthi mati-e, ko rǝka rǝ mǝ bɔthǝs ma sɔ-e? Mǝ thesa hɛ sɔ ta rǝka o rǝka thambe a fitha ma, ɔwa afǝm aŋ nas ma.

Tiyȧŋ yi nu agbenthis mɔ mǝ ɔKas ka nu ɔwe yi ro riyana ɔ yi ugbenthis.

Kɛrɛ ta mapa ma mu mǝ yi Yao, Yao, thalɔm Yi thahɔ, Yi thahɔ; kotȧy-e tȧy o tȧy ȧte thas ȧte tǝ wur ka ɔlǝs.

Nǝ po tǝl kǝpa a pa, Rǝfɔr ta rǝfɔr, rǝsek ta rǝsek; kɛrɛ minɛȧŋ i pa ro rɔnu, Te kasi mǝlǝs. Bepi wuni o wuni ɔ gbantha mu ka aŋkos ȧdiyɔ-e, lȧfthɛ kɔ aŋlɔm sɔ.

Bepi rafɔr ra mu rǝdiɔ rǝ yɔ mu mǝ pǝnthbǝla-e, kothi ri, fitha ri, kotȧy-e pǝ tǝ fisa mu bepi abɛm ŋin ŋa aŋdɛr a mu aŋ lǝsȧ-e, pǝthasi kǝfitha aŋdɛr a mu alolok ro yahanama. Ɔwa bepi kȧta ka mu kǝdiyɔ kǝ yɔ mu mǝ pǝnthbǝla-e, gbǝk ki, fitha ki, kotȧy-e pǝ tǝ fisa mu bepi abɛm ŋin ŋa aŋdɛr a mu aŋ lǝsǝ pǝthasi kǝfitha aŋdɛr a mu alolok ro yahanama.