I Versetti Biblici più popolari da Johanni 4

Condividi

O Dewel hi kek mensho, – job hi i ducho. Un kolla, kai mangenn les an, kolen hunte well o Debleskro Ducho. Kowa sikrell len, har te mangenn le les tchatchepah an.”

Ko tsiro wella, un hi kanna kai, koi della menshe, kai mangenn o dades an o tchatchepen an. Kal menshen hunte well o Debleskro Ducho. O dad rodell kolen, kai mangenn les jaake an.

Koon ko pani pijella, hoi me les dau, kowa lell an peskro tselo djipen buder kek trush. Ko pani, hoi me les dau, well an leste i djido pani, hoi dell les o djipen, hoi gar pre-herella.”

Penas o Jesus ap late: “Te djinals tu, hoi o Dewel kamell tut te dell, un koon tutar ko pani mangella, mangals tu mandar, te dap tut o pani. Un me doms tut o pani, hoi dell o djipen.”

Penas o Jesus lenge: “Me djiwau kolestar, te krap, hoi o Dewel mandar kamella. Un leskri budi krau jaake rah, har job kamella. Doleske bitchras man lo ap i phub.

“Romeha,” penas koi djuwel, “tut hi tchi, kai leh ko pani nai win. Un ko pani hi tel an i phub. Kai kameh tu ko pani, hoi dell o djipen, te lell?

Penas i djuwel: “Me djinau, kai well ko baro rai, kolestar o Dewel penas, te well job, kai kharell ninna o Kristo . Te well job pash mende, penell lo menge halauter.” Penas o Jesus: “Me hom kowa. Tu rakreh leha.”

“Awenn un dikenn! Me taprom i murshes, kowa djinas halauter pral mande. Nai hi job ko Kristo?”