I Versetti Biblici più popolari da ወንጌል ዘማቴዎስ 11

Condividi

ንዑ ኀቤየ ኵልክሙ ስሩሓን ወክቡዳነ ጾር ወአነ አዐርፈክሙ።

ንሥኡ አርዑትየ ላዕሌክሙ ወተመሀሩ እምኔየ ወአእምሩ እስመ የዋህ አነ ወትሑት ልብየ ወትረክቡ ዕረፍተ ለነፍስክሙ።

እስመ አርዑትየኒ ሠናይ ወጾርየኒ ቀሊል ውእቱ።

ኵሉ ተውህበኒ እምኀበ አቡየ ወአልቦ ዘየአምሮ ለወልድ ዘእንበለ አብ ወለአብኒ አልቦ ዘየአምሮ ዘእንበለ ወልድ ወለዘፈቀደ ወልድ ይከሥት ሎቱ።

ወአውሥአ እግዚእ ኢየሱስ ወይቤሎሙ ሐዊረክሙ ዜንውዎ ለዮሐንስ ዘርኢክሙ ወዘሰማዕክሙ። ዕዉራን ይሬእዩ ወሐንካሳን የሐውሩ እለ ለምጽ ይነጽሑ ወጽሙማን ይሰምዑ ሙታን ይትነሥኡ ወነዳያን ይዜነዉ።

ዘቦ እዝን ሰሚዐ ለይስማዕ፤