I Versetti Biblici più popolari da От Луки 14

Condividi

«Кина алңунак тагилӷӣ хўаңамнун малихся̄ҳтыкна̄нӷитақа ўыткуқун пиниқатаӷақумиңа пакихулъюңа атаминың, на̄миның, нулӣӷминың, авақутаминың, аңлыгутминың, наягминың, лъңаның лъю катам.

Китум алңунак лъми катам қақӯрани уяминӷилъкумигулъю, малихтыкумиңалъю, малихся̄ҳтыкыпагниңитақа».

Тамаҳаӷмың лъңитның а̄ңўа̄ӷуҳтыкат қусывыхтылъыңьяҳқа̄гут, иўырңа тамаҳаӷмың лъңитның қусывыхлъыҳӣт, та̄ўа а̄ңўа̄ӷуҳтылъыңьяҳқа̄гут».

Иисусым нагныӷуткӣ: «Ынка̄м уна сюмыхтаӷа̄ткитыху, китум алңунак пыхсюнӷилъкумики қамахлъюки лъми пини, малихся̄ҳтыкыпагниңитақа».

Та̄хкын Иисусым пикӣ: «Налиҳси башняңлъяӷьюгукуми, сивуклъюни ақумлюни акитуляңа нарақылъықа̄ на̄маяҳқа̄наюкан манини. Нарақынӷилъкумигу манини, тунымаңлъяӷлюку башня пыхлъықа̄. Ынка̄м югыт ысҳаӷлюку ныңляӷьюхся̄ткылъықа̄т. Пилъықут: “Ӯм югым пӣнлиӷлюку ныкыфтыкани та̄қыпагниңита̄”».

Иўырңа нықынӷаҳқыстинақңукувык, тахсиқлъиӷнакытын аклъюмалӷӣт, югусӣт налиӷныҳлъюгмылңӯт, иӷулъюгмылңӯт, ая̄катлъю. Ынка̄м қуястылъыңылъықутын қаюҳлъяк тама̄кут акитыпагниңита̄тын. Кияӷныӷым акилыҳтуҳлъықа̄тын уңуваҳтыкумики қа̄ткутңалӷӣт югыт».

Иисусым та̄қниқӣ: «Таӷьюқ пиниҳтуқ, иўырңа таӷьюӷниңӣскуми алъямыңлъю таӷьюӷниӷунъа̄нӷитуқ. Та̄ўа пиниӷна̄нӷитуқ сюнамун, налиӷмың пӣнъа̄сӣлюни пӣтысиӷаӷвигмун, ынка̄м югыт ыхлъықа̄т. Нагатык, сигутылгӯси!»