I Versetti Biblici più popolari da Jon 8

Condividi

Ana Jisas aglke kor yoba magigl meglkwa i, yegl di togwa, Na makandigle yoba abuglageno moluwa. Yoba ta na duglo borabuka i, ye mim erumara wan moglkrabuka ba ye abuglage ta ye kor morabedi tenabuka sumara wan morabiwe dugwa.

Te, ka kaima paugwa i, ene pre pogl sinaiglkwa. Pre pogl sibi, ka kaima i, ene ake ple di tenan, ene kane ta paikraiglmiwe dugwa.

Ana Jisas ere mogl, Juda yoba tau ye pre mediglkwa i, yegl di togwa, Ene na kana duglo bogl meglbi, ene na duglo beglkwa yoba kaima moraiglkwa.

Yegl pre God Wam ene kane pai dinaiglmedi eran, ene kane paikre, yoko kaima moraiglkwa.

Ana Jisas ka ta dikruko, God lomo beke teigwa yoba ya Farisi yoba i, kira pogl meglkwa. Kira pogl meglko, Jisas adiglsre, ye yegl di togwa, Yoba ta tadaglme swara ta erekrukwa ta morabuka i, ye komono kana kobuglo ta idre, abu i kobuglo sinabiwe dugwa.

Yegl digo, Jisas aglke kor ye yegl di togwa, Na ene kaima di teiga, yoba tadaglme erikwa i, mudu tadaglme mina atne kane paigwa.

Yoko miurko, Jisas adiglsre, abu i yegl di prukwa, Ye ede aglo eime? Yoba ta ene kot ere tenaiglkwa i, ta moglkrimo? dugwa. Dugo, abu i di ikne ede, Yagl Kade yo, ta moglkrimiwe dugwa. Yegl dugo, Jisas yegl di togwa, Na ama ene kot ere tekraglka. Ene pidre, tadaglme okuo ere moglkro dugwa.