I Versetti Biblici più popolari da Juan 12

Condividi

Wet elh che häpe che t'uhläk tachumlhi n'oho, is tä nek n'okwe. Wet lhip che oihi, häte elh tä tachumlhi n'oho ihihila. Wet elh tä tachumlhi n'oho, Ojcha iwujyenla t'at.

Wet elh che häpe che ihumin lew'atshancheyaj, tatäyhla. Mat elh che yen w'et m'ayeka lew'atshancheyaj tä ihonhatena, häpe elh tä t'amajej at lhamho lew'atshancheyaj tä t'un.

Matche, matche tä ofwel amhohen, Che trigo lhofwaj nichätaho honhat yämthilek y'il, kamaj tefwaj'atni. Mat che y'il, häpkhilek wuj lhay tä iwoye.

Olham tä ohäpe isi onek honhatena häpkhilek wichi tä t'ekha n'oye nemla ihi honataj.

“Wet häp elh tä iläte olhämtes mat niwoyaye, olhamhit'ak otiyej letes. Tsi tä onek, ot'uhläk ofwayhthen wichi, häpkhit'ak otiyej letes.

Wet nech'e María ichäj medio litro hal'ä t'i tä wuj laha, wet itsäype Jesús lepach'ol wet äp ilejej lew'ole. Wet lenij tä akäjche tapoyejej häp hup tä lhamel ichufwi.

Tä ifwala elh p'ante, tä wujpe wichi pajche ihoye Jerusalén tä lhaihute n'okäjyaj tä Pascua, Jesús i'pe asnofwaj wet häte lham ihoho hupuytso. Wet wichi tä iyejnaj lham häp ifwala tä t'äne Lázaro tä ihi lep'itsekw'et tä inuhatphä tä tälho lep'itsek, lhamel ifwenhomche iyhäj häp m'ak tä hiw'enej tä Jesús yenlhi. Wet häp tä tamenej tä wichi, tä ihanch'oye tä Jesús eyte nämhiho Jerusalén, lhamel yisthen fwitsuk w'oley wet ihohlä, wet t'änwethä tä yok: –¡Lewujyaj ihi! ¡Is che Lhawuk itiyej lakäpfwayaj tä is häp hin'o tä näm tä Lhawuk lhämetej, häp Israel lhayis laka Niyat! Mälhyej iwoye Dios lhämet tä ihi Lehi tä yok: “Wichi tä Sión lheley, yej lenoway. Lhek yahinya aka Niyat, lham i'pe asnofwaj tä näm.” Mat tä ichun lechufwenkay ihanhiyejt'a m'ayhaytso. Mat tä paj tä Jesús nichätho lewujyaj, nech'e lhamel lehusekch'oye tä nilhokej m'ayhay tä õ'woyejetso häpe t'at m'ak tä pajche Dios lhämet tä ihi Lehi yämeje häp lham. Mat häp Fariseo lhayis, tä hiw'en m'ayhaytso, yämwethä lhamhomche wet yok: –¡Lhek yahinya, tek wo m'ak che y'akalhi! ¡Tsi lew'en tä nilhokej wichi tä yikche t'at häp lham!

Tä Jesús iläte lhamel, wet yok: –Nech'e nichäte lewhäy wet lhain'älthila häp Hin'o Lhäs lewujyaj.