I Versetti Biblici più popolari da Luc 8

Condividi

Mat häp yachuyaj lhoy tä nichätho honhat tä is, häpe wichi tä lehusey matche tä isen wet tach'ahuye Dios lhämet, wet itihi lehusey, wet tä lhait'untejiche iwo lhaya.

Wet yachuyaj lhoy tä nichätho ch'uthanil, häpe lhamel tä tach'ahuye Dios lhämet, mat tä iche m'ayhay tä yen tichunhayaja, lhäy'e lakhäywet, lhäy'e lakäjyajay, tähestso lhimphajpej tä hip'o'pe lechayaj wet iwohit'a lhaya.

Wet iyhäj yachuyaj lhoy tä nichätho honhat tä tuntey ihi, häpe lhamel tä iläte Dios lhämet wet wuj tä ihumin wet iti lhamejen. Mat tä hätet iwoyek lefwettsil ni'tofwahchä, pitajit'a lewhäy tä iwo lechayaja. Näm ifwala tä n'olhelhtshayaj nichäte, wet ileyej.

Wet nech'e tahuyej lechufwenkay wet yok: –¿Chip ihitso amel achayaj? Lhamel wuj tä iseltejen wet nowayhen, wet yok: –¿Atsi tä häpe hin'ona? ¡Tsi tahuye yafwthitaj lhäy'e inät, wet iwoye t'at lhämet!

wet iyhäj tä nichätho n'äyij häpe wichi tä iläte Dios lhämet, mat näm ahättaj wet isoyej tä ihi lehusek yämthilek nichayaye wet nitfwaya.

“Häp tä hätet iwoye täjtso, m'ak at che häpe che õ'iskat, õhn'älthila, wet m'ak at che häpe che õ'thahyen, õ'hanhiyeja wet kalelhäj.

Wet atsinha tä hiw'en tä nhanayej lhaiwoyneje che lhaiskat, yik tä ihoye, wet tachettiche, takhoschufwi, wet lhaifwel tä ihi tä nilhokej wichi tatache, yäme m'ak tä letichunhayaj tä lham t'uhläk itsok Jesús lew'uy, wet tä iwoynejetso m'ak tä iwoye iches t'at. Tä ileyej, wet Jesús yok: –Yäse, achayaj tä aichesat. Mäh, atamsek ihi.

Wet lhamel ihoye Jesús tä hin'omhatlhi wet yok: –¡Maestro! ¡Maestro! ¡Y'ach'ahen! Wet Jesús nephä, wet ifwone yafwthitaj lhäy'e inät tä iwo lhetheya wet yok: –¡Wo atamseka! Wet takasit yafwthitaj lhäy'e inät wet iwo letamseka.