I Versetti Biblici più popolari da SAN MATEO 5

Condividi

Lo'o jua'a̱ si cua'a̱ ngu' sca quii' quityee, ná su'ba cuatsi' ngu' ji'i̱ bi' ne' caju̱ li'; cua̱ sta ngu' quityee cha' clyane xee tyucui ña'a̱ ni'i̱ bi'. Lo'o jua'a̱ cu'ma̱ ni, si xee laca ma̱ nu culu'u tyucui̱i̱ ji'i̱ ñati̱, xcui' cha' tso'o cua'ni ma̱ cha' ña'a̱ xa' ñati̱ ña'a̱ cha' tso'o nu ndu'ni ma̱, nu laca ma̱ sñi' ycui' Ndyosi. Lo'o li' tyi'u ti' ngu' ji'i̱ ycui' Ndyosi Sti na, cua'ni tlyu ngu' ji'i̱ ycui' Ndyosi nu ntucua nde cua̱.

’Ñi'ya̱ nti' sca xee laca cu'ma̱, cha' culu'u ma̱ tyucui̱i̱ ji'i̱ ycui' Ndyosi ji'i̱ lcaa ñati̱ chalyuu. Sca quichi̱ nu ndi'i̱ lo xlya ca'ya ni, ná ca tyi'i̱ bi' cuaana ti; ña'a̱ lcaa ñati̱ quichi̱ bi'.

’Lo'o jua'a̱ tso'o ntsu'u tyiquee ñati̱ nu lubii cresiya ji'i̱, cha' ji'i̱ ñati̱ bi' cua nda ycui' Ni chacuayá' cha' ña'a̱ ji'i̱ ycui' ca Ni nde loo la.

’Lo'o jua'a̱ tso'o ntsu'u tyiquee ñati̱ si tyaja'a̱ tsa cua'ni lcaa cha' tso'o, lcaa cha' liñi; ji'i̱ ñati̱ bi' xtyucua ycui' Ndyosi cha' taca ji'i̱ cua'ni lcaa cha' nu nti' ycui' Ni.

Pana, quiña'a̱ la cha' chcui' na' lo'o ma̱ juani, cha' tso'o ti tyu'u tyiquee ma̱ ña'a̱ ma̱ ji'i̱ tya'a cusu̱u̱ ma̱, lo'o jua'a̱ tso'o ti chcui' ma̱ ji'i̱ ngu' nu nchcui' cuentyu ji'i̱ ma̱, tso'o ti cua'ni ma̱ lo'o ngu' nu ti'í ti' ji'i̱ ma̱; chcui' ma̱ lo'o ycui' Ndyosi cuentya ji'i̱ ngu', masi ndyu'ni lya' ti' ngu' ji'i̱ ma̱, masi nxtyí lo'o ngu' ji'i̱ ma̱.

―Tso'o ntsu'u tyiquee ñati̱ si jlo ti' cha' sca ti lo'o ycui' Ndyosi caca cua'ni ngu' cha' tso'o ―nacui̱ Jesús―. Caca ycui' Ndyosi loo ne' cresiya ji'i̱ ngu' bi', pana ná caca ji'i̱ ngu' si jua'a̱ ti ngu'.

’Lo'o jua'a̱ tso'o ntsu'u tyiquee ñati̱ nu nxtyucua ji'i̱ tya'a ñati̱ cha' caca tso'o ti ngu' lo'o tya'a cusu̱u̱ ngu'. “Sñi' na'”, ñacui̱ ycui' Ndyosi ji'i̱ ñati̱ nu jua'a̱ xaala' tyiquee tya'a ngu'.

’Lo'o jua'a̱ tso'o ntsu'u tyiquee ñati̱ masi xñi'i̱ ti' juani xqui'ya qui'ya nu ntsu'u ji'i̱, cha' ndu'ni ycui' Ni cha' caca tso'o tyiquee ñati̱ bi'.

’Lo'o jua'a̱ tso'o ntsu'u tyiquee ñati̱ si talo tyiquee ji'i̱ xa' ñati̱, masi lya' ti' ngu' ji'i̱, masi ti'í ti' ngu' ji'i̱, xqui'ya cha' tso'o nu ndu'ni cuentya ji'i̱ ycui' Ni. Tso'o ntsu'u tyiquee ñati̱ bi' si talo tyiquee ji'i̱ ngu', cha' jua'a̱ laca ycui' Ndyosi loo ne' cresiya ji'i̱ ñati̱ bi'.

’Lo'o jua'a̱ tso'o ntsu'u tyiquee ñati̱ nu tya'na ti' ji'i̱ tya'a ñati̱, cha' jua'a̱ cua'ni tya'na ti' Ni ji'i̱ ycui' ngu' bi'.

’Lo'o jua'a̱ tso'o ntsu'u tyiquee ma̱ masi xtyí lo'o ngu' ji'i̱ ma̱ xqui'ya na', masi lya' tsa ti' ngu' ji'i̱ ma̱, masi cuiñi tsa ngu', masi chcui' tsa ngu' cuentyu ji'i̱ ma̱ xqui'ya na'. Li' caca tso'o tyiquee ma̱, ca chaa ti' ma̱ cha' cua laca nguxco'o ycui' Ndyosi sca cha' tso'o nu tyacua ji'i̱ sa scaa ma̱ ca su ntucua ycui' Ni. La cui' jua'a̱ ngua lya' tsa ti' jyo'o cusu' sa'ni, nu lo'o na'a̱ ngu' ji'i̱ jyo'o cusu' nu ngua tu'ba ji'i̱ ycui' Ndyosi tyempo bi'.

’Lo'o jua'a̱ tso'o ntsu'u tyiquee ñati̱ nu ná nti' tyiji̱loo ji'i̱ tya'a ñati̱, cha' ca su ntucua ycui' Ni tyacua cha' tso'o nu ta ycui' Ni ji'i̱ ñati̱ bi' li'.

’Ñi'ya̱ nu ndu'nijo'o tsa teje' ji'na cha' cñi', cha' cua'ni tyuju̱' scuaa, jua'a̱ laca cu'ma̱ nde chalyuu; na ndu'nijo'o tsa ma̱ ji'i̱ ycui' Ndyosi cha' cua'ni ma̱ cña ji'i̱ Ni. Si cua ngunu'u̱ teje' ji'na, nga'aa cua'nijo'o bi' ji'na li'; tso'o si xcua̱a̱ na ji'i̱ teje' bi' li', masi to' tyucui̱i̱ su ntyeje tacui ñati̱. Ná ndu'ni cha' masi sta quiya' ngu' hichu̱' teje' ngunu'u̱ bi'. Ñi'ya̱ nti' ngu' lo'o teje' ngunu'u̱ bi', jua'a̱ nti' ycui' Ndyosi lo'o ñati̱ nu ná taquiya' ji'i̱ Ni.

Ycui' Ndyosi Sti na nu ntucua nde cua̱ ni, xcui' cha' tso'o, xcui' cha' liñi, xcui' cha' lubii ndu'ni Ni; ñi'ya̱ ndu'ni ycui' Ni, jua'a̱ nga'a̱ cha' cua'ni ma̱ xcui' cha' tso'o lo'o lcaa ñati̱, si chañi cha' sñi' ycui' Ni laca ma̱.

Tsa bi' ti cha' ñacui̱ ma̱: “Chañi”, si cha' liñi laca; lo'o jua'a̱ ñacui̱ ma̱: “Si'i”, si cha' cuiñi. Cua ña'a̱ ca cha' nu chcui' ma̱ nu lo'o ndu'ni ma̱ jura, cha' ji'i̱ nu xña'a̱ laca bi'.

’Lo'o jua'a̱ cua ndyuna ma̱ cha' nu nchcui' jyo'o cusu' sa'ni. Ndi'ya̱ nacui̱: “Sca ñati̱ tyaala ni, si cua ngüichu yu si'yu cloo tya'a yu, li' ntsu'u cha' culo ngu' nu laca cña si'yu cloo ycui' yu cha' cati̱ xqui'ya yu. Lo'o jua'a̱ si nguxtyú yu sca la'ya tya'a yu, li' ntsu'u cha' culo ngu' nu laca cña la'ya ycui' yu, cha' cati̱ xqui'ya yu.” Jua'a̱ nchcui' ngu' nu ngua tya sa'ni li'. Pana, quiña'a̱ la cha' chcui' na' lo'o ma̱ juani, cha' nga'aa xu̱u̱ tya'a ma̱ lo'o ñati̱ nu ngua'ni cha' cuxi lo'o ma̱. Lo'o quiji'i̱ ya' ngu' loo ma̱ la'a tsu' cui̱, li' ta ma̱ chacuayá' quiji'i̱ ngu' chaca tsu' loo ma̱, si nti' ngu'.

’Tso'o la si culo ma̱ si'yu cloo ma̱ la'a tsu' cui̱, xcua̱a̱ ma̱ ji'i̱ li', si si'yu cloo ma̱ ndacui qui'ya cha' ndu'ni ma̱ cha' cuxi. Masi cuityi̱' ma̱, tyanu lubii cresiya ji'i̱ ma̱ li', cha' ná tsaa ma̱ su lye ndyaqui̱ quii' ca bilyaa. Tso'o la xi'yu cu' ma̱ ya' ma̱ la'a tsu' cui̱, xcua̱a̱ ma̱ ji'i̱ li', si ya' ma̱ ndacui qui'ya cha' ndu'ni ma̱ cha' cuxi. Masi cu' ya' ma̱, tyanu lubii cresiya ji'i̱ ma̱ li', cha' ná tsaa ma̱ su lye ndyaqui̱ quii' ca bilyaa.