John THUMAKAI
THUMAKAI
ASUNPA: John sut kipana thupha sunpa hi Jesu'n angailut seijui kitipa sut chu ahi (21:20,24), Amahi Palestine gam Judah mi thengtah ahin, Juda te chonle khan hoitah-a hethem mi ahi. John hi Zebedee le Salome chapa ahin achapa lhon Jacob naopa chu ahi. Amahi Galilee gamma insung nomtah-a kona hinkho hinmanga ahin, amale a-upa Jacob hi Jesu'n van gin chate ana sah-in ahi (Mrk 3:17). Amahi Ephesia khopi houbung'a chun Lamkaijin anapangin ahi akiti. Khonungin ama Ephesia khopi-a konin gal hingin anakikai mangin, Patmos twikol'a anakihenin ahi (Tph. 1:9). Ama Ephesia houbung'a aumpetna hiche lekhabu hi asut ahiding tahsan ahi, chule Thuphon lekhabu hi Patmos twikol'a aum sunga asut ahi.
AJATCHOMNA: John'in asut lekhabu sunga hin Pathen thu lampang agilna lentah akimun ahi. Jesu hi mudan le hetdan chombeh-in akisunin ahi. Thu chu Pathen ahi, Pathen kelngoi nou, Messiah (1:41); Pathen Chapa; Israelte lengpa, (1:49); vannoi huhhingpu; Pakai le Pathen. Kipana thupha lekhabu dang hon aseiju thulema kisei hiche John sut kipan thupha sunga hin aumpoi. Jesu'n mihem ho changvala kimaito tah-a akimupia akihou limpi akimui. Thuhil lhem, chihna ngailu ho chun Jesu hi mihem bulhingset ahipoi atinao hilchetnan Jesu'n gilkel athohdan, adangchah dan, alungkham dan, athohnatna chule athidan kichentah-in apen ahi. Pakai Jesu tonsotna umjing, tonsot Pathen Thu ahidan, Pathen toh umkhom jing chule thilsem jouse-a jong panga ahidan akimui. Ephesia hi Asia gamkaija um khopi khat ahivangin Greece to kinai ahitan, Greek te chihgut hi John'in phatah-a ahetdan akimui. Greek te chihgut dungjuijin thilsem jouse hi Thun asemdoh ahi atiu ahi. Hiche ‘chihgutna’ hi amangchan John'in Jesu Christa hi hiche Thu chu hia ahitai tin alekhasut kipatna-a hin apen ahi. John'in asut gospel hin Jesu hinkho umdan aseinom sangin Ama ipi ahinaho, Ama Thua aumdol ho lamjoh aha vetsahjon ahi. Samaria numeinu toh akihoulim, ajonpet tah-a kimandoh numeinu ahuhdoh, chule athisa Lazarus akaithou ho hi athilbol natoh hetthei tah ho ahi.
AKISUTPHAT: John gospel hi AD 85-90 kahsunga kisun hidin ginchat ahi. Chule hiche hi Ephesia khopi-a kona kisun ahi. Hiche lekhabu hi vannoi pumpi hopsoh dinga kisun lekhabun akihei (Jhn. 3:16). John'in Jesu thilbol ho abonchan kisun sohkeile kei ngaiton lekhabu kisun chengse chu vannoi leisetnin dolponte, kati tin akhum khan ahi. Hiche hin amatah-in asut ahidanle Jesu thusim hi vannoi pumpi thusim hin ahil chet joulou dan jong akimui.
ASUNGA THU UMHO
Thubul (1:1-8)
John Baptist le Jesu Seijui masaho (1:9-51)
Jesu'n japi lah-a na atoh (2:1-12:50)
Anikho kichaina lam Jerusalem kimvelah-a anatoh (13:1-19:42)
Pakai thodoh le akilahna ho (20:1-31)
Thu chaina: Galilee'a akilah kit (21:1-25)
Attualmente Selezionati:
John THUMAKAI: THADBSI
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Thadou Kuki CL (Re-edited) Bible - Pathen Thutheng BU
Copyright © 2015 by The Bible Society of India
Used by permission. All rights reserved worldwide.