యోహన్ 1
1
బగవంతన వచన్ మాయ్నన రూప్ యేత్వల్
1కలి గడె మాయ్వక్ మునెనె వచన్ ఇన్వల్#1:1-2 వచన్ ఇన్వల్: ఇత్తెకె యేసు కిరిస్తు ఇంజెర్ అర్తమ్. మత్తొర్. బగవంతన్ సంగ వోర్ వచన్ ఇన్వల్ మత్తొర్. వోర్ వచన్ బగవంతలె ఆందుర్. 2వోర్ వచన్ ఇన్వల్ మొదొడలె బగవంతన్ సంగ మత్తొర్. 3కలిత సమ్దొతున్ బగవంతల్ వోర్ వచన్తున్ హిందలె గడి కీతొర్. వోర్ సెల్వ ఉంది గిర్ వస్తు గడె మాయ్మకి. 4వోన్గ జీవ మంత. అద్ జీవ సమ్దిర్‌కున్ వేడ్చి సీత. 5వేడ్చి సికటితగ బహన్తె పారంతయొ, అహ్నె పర్జతంగ్ దిల్క్‌నగ వోర్ వేడ్చి సీసెర్ మంతొర్. బతి బస్కెట్‌కె అద్ వేడ్చితున్ సికటి#1:5 బగవంతన సరి-మారగ్ బూలె మాసి పాప్నంగ్ కామ్క్‌నె నించి మన్వల్ దునియ. పిహ పరొ.
6బగవంతల్ వొరొర్ మాయ్నన్ సారి కీతొర్. వోన పొరొల్ బాప్తిస్‌మ సియ్వల్ యోహన్.#1:6 వేర్ అపొస్‌తుల్ యోహన్ ఆయొర్. 7అద్ వేడ్చితున్ బారెతె తన వెహ్వల్ గవతున్ కేంచి, సమ్దిర్ వోర్ వేడ్చితున్ దాత్నొన్ పొరొ బరొస ఇరనిర్ ఇంజెర్ వాతొర్. 8అద్ వేడ్చి సియ్వల్ యోహన్ ఆయొర్. బతి వేడ్చితున్ దాత్నొన్ బారెతె, వెహ్లె వాతొర్ వోర్, సిరిప్ గవదారల్ ఆందుర్. 9ఇద్ దునియతుర్కున్, బోర్తె జీవత సతె వేడ్చి సీసెర్ మంతొరొ, వోర్ వాసెర్ మంతొర్.
10వోర్ వచన్ ఇన్వల్ ఇద్ దునియతె వాతొర్. వోన కెయ్దెనె బగవంతల్ సమ్దొ గడి కియుస్తొర్. బతి ఇద్ దునియతుర్ వోర్ కరల్ బోర్ ఆందుర్ ఇన్వల్ వొడ్కి కియ్మకి. 11వోర్ తన్వుర్‌గ వాతొర్, బతి వూర్ ఇజ్రయేల్ లోకుర్#1:11 యూదుల్క్ ఇంజెర్ గిర్ కేయంతెర్. వోన్ వొప్మకి. 12తెర్ బతి, బోర్-బోర్తె తన్వ పొరొ బరొస ఇర్తెరొ, వూర్ సమ్దిర్‌కున్ బగవంతనుర్ మరి-మియడ్ ఆయ్లె అదికార్ సీతొర్. 13ఆడ్-మాడ్సొన్ మరి-మియడ్ జల్మ ఆతపినయ్ మేందొల్ అని నెతుడె వూర్ జల్మ ఆయ్మకి. బతి బగవంతల్ వూర్కున్ నేమి కీతతున్#1:13 బగవంతల్ తన్వ ఆత్మ వూర్గ ఇర్తతున్ హిందల్ మరి-మియడ్ ఆతెర్. హిందలె వోనుర్ మరి-మియడ్ ఆతెర్.
14-15వోర్ వచన్ మాయ్నల్ ఆసి, దర్తురిత్ పొరొ వాసి, మా నడ్డుమ్ పిస్తొర్. బాప్తిస్‌మ సియ్వల్ యోహన్ వోర్ వచన్తున్ బారెతె, “‘నా పెజెటల్ బోర్తె వాంతొర్’ ఇంజి వెహ్తొనొ, వోర్ వేరె ఆందుర్. వేర్ నాకున్ తెర్ మొదొడలె పిసి మత్త కాడ్కి, నాకున్ తెర్ డగుర్ ఆందుర్” ఇంజెర్ జోర్తె గవ వెహ్తొర్. వోర్ వచన్ మాకున్ బగవంతన బర్పుర్ సతెమున్ అని బర్పుర్ పెర్మత-దయతున్ తొహ్తొర్. ఇద్ సత్ అని పెర్మత-దయతున్ సూడ్సి, బగవంతన మయ్మతున్ కరి కీతట్. బగవంతల్ తన్వొర్ వొరొరె మన్వల్ మరిన్ సీత మయ్మ ఇదె ఆంద్. 16వోన బర్పుర్ పెర్మత-దయతున్ హిందల్, మరట్ సమ్దిర్ ఆసిర్‌వాదున్ పెజెయ్ ఆసిర్‌వాద్ యేచ్చెర్ మంతట్. 17అవ్ బవ్ ఇత్తెకె, మొదొడ ఆసిర్‌వాద్ తన్వ ఇచ తీర్ పర్జ పిసనిర్ ఇంజెర్ బగవంతల్ మోసెన కెయ్దె, దర్మత కానున్ సీసి మత్తొర్. బతి ఇంకె, రెండవ ఆసిర్‌వాద్ యేసు కిరిస్తున కెయ్దె అద్ కానున్తున్ తెర్ చొకొట్నంగ్ పెర్మత-దయ అని సతెమ్ ఇన్వలికున్ సీతొర్. 18బోరె బస్కెనె బగవంతన్ సూడ్మకి. బతి బస్కెట్ బాబొన్ సంగ మన్వల్#1:18 ఇత్తెకె బాబొ బగవంతల్ అని మరి యేసు వొరొరె ఇంజెర్ అర్తమ్. వొరొరె మరి ఆయ్వల్, మాకున్ బగవంతన్ బారెతె వెహ్చి తొహ్తొర్.
బాప్తిస్‌మ సియ్వల్ యోహన్త గవ
(మత్తయి 3:1-12; మార్క్ 1:1-8; లూక 3:1-9,15-17)
19యెరుసలెమ్నల్ యూదుల్క్‌నుర్ అదికారిర్, మోక వేర్ కిరిస్తు మందర్ ఇంజెర్ పూసి కియ్లె, కటొడలిర్కున్ అని లేవియుల్కున్#1:19 లేవియుల్క్ ఇన్వలిర్ లేవిన కాన్‌దాన్తుర్ ఆందిర్. వీర్ బగవంతన మందిర్తున్ బచి కీసెర్, కటొడలిర్ కియ్వలిక్ కామ్క్‌నగ మదత్ కియ్వలిర్ ఆందిర్. యోహన్తగ సారి కీతెర్. 20తె యోహన్, “నన కిరిస్తున ఆయొన్” ఇంజెర్ మకుస్వక్ వూర్కున్ గవ వెహ్తొర్. 21అస్కె వూర్, “తె నిమె బోని ఆంది? యేలియ#1:21 యేతె బాప్తిస్‌మ సియ్వల్ యోహన్తున్ తెర్ తొత్తొర్ పర్‌వక్తల్ ఆందుర్. కిరిస్తు వాయన్ మునె వోర్ పర్‌వక్తల్ మల్సి వాంతొర్ ఇంజెర్ యూదుల్క్ బరొస కీంతెర్. పర్‌వక్తని కి?” ఇంజెర్ పూసి కీతెర్. తె, “నన ఆయొన్” ఇంజెర్ ఇత్తొర్. “మంజె బవిసత్నె వాంతొర్ ఇంజి వెహ్తెర్ వోర్ పర్‌వక్తని కి?” ఇంజెర్ వూర్ పూసి కీతెర్. బతి యోహన్ “నన ఆయొన్” ఇంజెర్ వెహ్తొర్. 22అస్కె వూర్, “అసల్ నిమె బోని ఆంది? మాకున్ సారి కీతుర్కున్ మమొట్ జవబ్ సియ లాగర్. నీ బారెతె బతల్ వెహన ఇంతియొ అద్ మాకున్ వెహ” ఇంజెర్ యోహన్తున్ పూసి కీతెర్. 23తె యోహన్, “యెసయ పర్‌వక్తల్ మొదొల్ వెహ్తపినయ్, ‘బగవంతల్#1:23 బగవంతల్: సెలెతె పర్బు. వాయన్ సాటి సరి సుద్రి కీమ్ట్’ ఇంజెర్ బోడి గుటనగ కిలివల్ లేంగ్న ననయ్ ఆందున్” ఇంజెర్ వూర్కున్ వెహ్తొర్.
24-25అస్కె సవల్క్ పూసి కియ్లె వాతుర్గటల్ కహితుర్ పరిసయుల్క్, “నిమె కిరిస్తుని ఆయ్వి, యేలియని ఆయ్వి, బవిసత్నె వాయ్వల్ పర్‌వక్తని గిర్ ఆయ్వి. తె నిమె బద్ అదికార్దె బాప్తిస్‌మ సీసెర్ మంతి?” ఇంజెర్ యోహన్తున్ పూసి కీతెర్. 26తె యోహన్, “నన యేతె బాప్తిస్‌మ సీసెర్ మంతొన్. బతి నా పెజెటల్ వాయ్వల్ మీ నడ్డుమ్ మంతొర్. మిరట్ వోన్ వొడ్కి కియ్విట్. 27నా పెజెటల్ వాయ్వల్ నాకున్ తెర్ డగుర్ సక్తివంతల్ ఆందుర్. వోనంగ్ చెపుల్క్‌న పటి రెహ్లె గిర్ నన కామి సియొన్#1:27 వోర్ బెయ్ డగుర్ మాల్కల్ ఆందుర్. నన వోనొర్ దాసిన ఆసి మన్లె గిర్ కామి సియొన్.” ఇంజెర్ వెహ్తొర్. 28ఇవ్ గట్నంగ్ యోహన్ బాప్తిస్‌మ సీసెర్ మత్తొర్ అద్ యోర్దన్ లవిడున్ సిడయింగ్ బాజ్ మన్వల్ బెతనియ ఇన్వల్ చహర్తగ జర్గ్‌తంగ్.
యేసుయె బగవంతనొర్ మరి ఇంజెర్ వెహ్చి తొహ్వల్
29దుస్రొ నేటి యోహన్ తన్గ వాయ్వల్ యేసున్ సూడ్సి,
“ఇచుల! వేరె దునియతురంగ్ పాప్కున్ కాంచి వోయ్వల్ బగవంతన గొరె పిల ఆందుర్. 30ఇదెన్ మునె, ‘నా పెజెటల్ బోర్తె వాంతొర్ ఇంజి వెహ్తొనొ, వోర్ వేరె ఆందుర్. వేర్ నాకున్ తెర్ మొదొడలె పిసి మత్త కాడ్కి,#1:30 కలి గడె మాయన్ మొదొలె వచన్త రూప్నె పిసి మన్వల్ యేసు ఆందుర్. నాకున్ తెర్ డగుర్ ఆందుర్’ ఇంజెర్ వేన్ బారెతెన్ వెహ్చి మత్తొన్. 31అసల్ వోర్ బోర్ ఆందుర్ ఇన్వల్ నన వోన్ వొడ్కి కీసి మనొన్. బతి ఇజ్రయేల్ లోకుర్కున్ వోర్ తన్వ వొడ్కి అరుసీనుర్ ఇంజి బాప్తిస్‌మ సీతొన్. 32అస్కెనె హాబర్ కోలె మాసి, బగవంతన పవిత్ర ఆత్మ ఉంది పారెవత్ దాత్ యేసున్ పొరొ రెయ్వల్ సూడ్తొన్. 33యేతె బాప్తిస్‌మ సియ్లె నాకున్ సారి కీతొర్ వోర్ బగవంతలె, ‘బోన్ పొరొ పవిత్ర ఆత్మ పారెవత్ దాత్ రెయ్సి ఉద్వల్ సూడంతియొ, వోరె లోకుర్కున్ పవిత్ర ఆత్మతె బాప్తిస్‌మ సియ్వల్#1:33 పాప్నె తాక్వలిర్ లోకురంగ్ దిల్కున్ ఆత్మ సక్తితె పవిత్ర కియ్వల్ ఇంజెర్ అర్తమ్. ఆందుర్’ ఇంజెర్ వెహ్తొర్. అహన్ వెహ్వక్ ఇత్తెకె, వోన్ నన వొడ్కి కీసి మనొన్. 34ఇద్ సమ్దొ సూడ్సినె, ‘వేరె బగవంతనొర్ మరి ఆందుర్#1:34 బగవంతల్ నేమి కీతొర్ వోర్.’”
ఇంజెర్ బాప్తిస్‌మ సియ్వల్ యోహన్ యేసున్ బారెతె గవ వెహ్తొర్.
యేసునుర్ మొదొడుర్ సిస్యలిర్
35దుస్రొ నేటి దుపరిత నాలుంగ్ నేక్నెకె యోహన్ అని వోనుర్ ఇవిర్ సిస్యలిర్ గిరె అగనె నిల్సి మత్తెర్. 36అదె వకత్నె యేసు అగటల్ వీడ్సెర్ మత్తొర్. వోన్ సూడ్సి, “ఇచుల! బగవంతన గొరె పిల” ఇంజెర్ యోహన్ సిస్యలిర్‌కున్ వెహ్తొర్. 37అద్ కేంచి వూర్ ఇవిర్ సిస్యలిర్, యేసున్ పెజెయ్ సొత్తెర్. 38తె అస్కె వూర్ తన్వ పెజెయ్ వాయ్వల్ సూడ్సి, యేసు పెజె మల్సి, “మీకు బతల్ పహ్జె?” ఇంజెర్ పూసి కీతొర్. తె వూర్ “గురుజి#1:38 గురుజి: సెలెతె ‘రబి’.! నిమె బగ మందంతి?” ఇంజెర్ పూసి కీతెర్. 39తె యేసు, “వాసి సూడట్” ఇంజెర్ ఇత్తొర్. అస్కె లగ్-బగ్ పోద్రెక్ నాలుంగ్ నేక్సెర్ మత్త. తె వోర్ మన్వల్ జాగతగ సొంజి, అంటిత్క్ అగన్ మత్తెర్. 40యోహన్త గొస్టి కేంచి యేసున్ పెజెయ్ సొత్తుర్ ఇవిర్గటల్ వొరొన పొరొల్ ఆంద్రెయల్. వేర్ సీమొన్-పేతుర్తొర్ తముర్ ఆందుర్. 41వేర్ ఆంద్రెయల్ తన్వొర్ తాదల్ సీమొన్-పేతుర్తున్ బేటె మాసి, “దాద! కిరిస్తున్#1:41 కిరిస్తున్: హెబ్రి బాసతె మెసయల్ ఇంతెర్. ఇదెన అర్తమ్ పర్జతున్ బచి కియ్లె, బగవంతల్ నేమి కీసి, సారి కియ్వల్ రాజల్. వేన్ సాటి యూదుల్క్ సూడ్సెర్ మత్తెర్. సూడ్తొమ్” ఇంజెర్ వెహ్తొర్. 42అని వోన్ యేసునగ పియ్సి వాతొర్. తె యేసు వోన్ సూడ్సి, “నిమె యోహన్తొర్#1:42 వేర్ యేతె బాప్తిస్‌మ సియ్వల్ యోహన్ ఆయొర్. మరి సీమొన్తి ఆంది. బతి ఇంగెడల్ నీకున్ కెపా#1:42 ఇవ్ రండుతె పొరొల్క్‌న అర్తమ్ బండ. ఇంజి కేయనిర్” ఇంజెర్ ఇత్తొర్. వేన్ పేతురు గిర్ ఇంతెర్#మత్తయి 16:18.
యేసు పిలిపున్ అని నతనియేల్తున్ కేయ్వల్
43దుస్రొ నేటి యేసు గలిలయ యేరియతె సొన్లె నిర్నయ్ కీతొర్. తె నడ్డుమ్ పిలిపున్ సూడ్సి, “నా సంగ వర” ఇంజెర్ యేసు కేయ్తొర్. 44వేర్ పిలిప్, ఆంద్రెయల్ అని పేతురు మువిర్తె బెత్సయిద చహర్తుర్ ఆందిర్. 45పిలిప్ నతనియేల్తున్ మహ్క్‌లె సొత్తొర్. వోర్ బేటె మాత పెజె, “మోసెన దర్మత కానున్తగ అని దుస్రుర్ పర్‌వక్తలిర్ లిహి కీతనగ బోన్ బారెతె లిహి కీతెరొ, వోర్ మాకున్ బేటె మాతొర్. వోరె నజరేత్ చహర్తొర్ యోసెప్నొర్ మరి యేసు ఆందుర్” ఇంజెర్ పిలిప్ వెహ్తొర్. 46అద్ కేంచి నతనియేల్, “ఎహె! నజరేత్నల్ బతయ్ చొకొట్న పుటరియ్?” ఇంజెర్ పిలిపున్ పూసి కీతొర్. తె “వాసి సూడ” ఇంజెర్ పిలిపు ఇత్తొర్. 47తె నతనియేల్ యేసునగ వాసెర్ మనెకె వోన్ సూడ్సి, “ఇచులట్! వేర్ కరల్ ఇజ్రయేల్ జాతితొర్ ఆందుర్. వేన్గ కపట్ బతయ్ సెలె” ఇంజెర్ వోన్ బారెతె యేసు వెహ్తొర్. 48తె నతనియేల్, “నా బారెతె నీకున్ బహన్ టావ?” ఇంజెర్ పూసి కీతొర్. తె యేసు, “పిలిపు, నీకున్ కేయ్వక్ మునె, నిమె అంజురి మరత్ బూడ్ మనెకెన్ నీకున్ సూడ్తొన్” ఇంజెర్ వెహ్తొర్. 49అస్కె నతనియేల్, “యే గురుజి! నిమె బగవంతనొర్ మరిని అని ఇజ్రయేల్ లోకురొర్ రాజని ఆంది!” ఇంజెర్ జవబ్ సీతొర్. 50తె యేసు, “నీకున్ అంజురి మరత్ బూడ్ మనెకెన్ సూడ్తొన్ ఇంజెర్ వెహ్తతున్ హిందలె, బరొస ఇర్సెర్ మంతి కి బతల్? ఇవెన్ తెర్ డగుక్ కామ్క్ సూడంతి. 51అవ్ బవ్ ఇత్తెకె, హాబర్ కోలె మాయ్వల్, బగవంతనుర్ దూతలిర్ స్వర్గ్‌నల్ స్వర్గ్‌నొర్ మాయ్ననగ#1:51 మాయ్నన రూప్నె వాతొర్ వోర్ బగవంతనొర్ మరి. బూడ్ రెయ్వల్, వర్వల్ మిరట్ సూడ్కిట్.#పుట్‌గడ్మి 28:12 ఇద్ సతెమ్ ఆంద్” ఇంజెర్ వెహ్తొర్.
Attualmente Selezionati:
యోహన్ 1: WSGNT
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© (Active), Wycliffe Bible Translators, Inc. All rights reserved.