Matteyo 6
6
Ettiyenio Te Eram ono Emorot
1 #
Mat 23:5
“Ihumata mijio! Hèhaniete erre huno emojiti hatai Hollum ihosiere waati jio oŋida isi igonyuni. Nyio, elle ihaniete itai ihuo nyia, ibiaŋata adi itai irumana esiorita jio Monyatai ettedou.
2“Elle isio iyye aluahio jio olociaŋ, hèhut amohuo jio oŋida aati igonyuni iyye, ihuo enne ihanierek etihanak huattek itua hasik emojiti iko ilofirihi. Ihanie isi ihuo nyia jio, oŋida aati itahuye isi. Hode hode, eramak ni itai jio, arumani isi esiorita hosi. 3Ati elle isio iyye aluahio jio olociaŋ, isiarak ollokuai, hèlaha obo atulo omijak, ara duadi bu motte hoi. 4Buo Monyohoi elle igonyu 'to erre hunne ihanio iyye edimai, ette isiarana adi jihoi esiorio.
Ettiyenio te Eram ono Amojo
(Luk 11:2-4)
5 #
Luk 18:10-14
“Elle imojo iyye hèso ihuo etihanak huattek, hullo omunoi 'to amojo owotiai ihasik imojiti iko ipehiti lofirihi jio, oŋida aati igonyuni isi. Eramak ni iyye, arumani isi esiorita hosi 'daŋ. 6Ati elle imojo iyye, ojiŋak itua haji, ihianak ekat, itte mojo jio Monyohoi ollo obeŋ tulo igonyu. Buo Monyohoi elle igonyu 'to erre hunne ihanio iyye edimai, ette isiarana adi esiorio jihoi.
7“Elle imojo iyye, hètabolorio ekiana asai ihuo Alufajak, hulle igigiloi 'to jio itaniŋu adi Hollum isi te emojiti hosi hunno ohodori 'to. 8Hèra ihuo isi; nyio, omijak Monyohoi ariŋ enne iwak iyye many hèbeŋ iyye ikoddaŋ ifiyo inyi. 9Ati omojoi ihuo ana:
‘Monye hohoi ollo owon idou,
Ijiara abaŋi afure hoi onno olibo 'to
10Hetettu Nolobie hoi.
Ijiara awahan hoi hétera ifau ihuo anna arari inyi idou.
11Isiarak jihohoi ahana aŋiyo hohoi ottoloŋi.
12Obusak epalita hohoi
ihuo enne ebusaniere hohoi epalita waati hulle ihanie 'to onno orroho jihohoi.
13Hèyaru hohoi jio ekemiti hunno ogoli 'to
Ati itahoru hohoi jio Olorroho’#6:13 Ofonihini omuk egierita jio: ara Nolobie iko agolon buo akuatan ahunohoi 'tulaŋ. Amen.
14 #
Mar 11:25-26
“Elle ibusana itai epalita waati hulle ihanie 'to onno orroho jihatai, obusak adi buo fe Monyatai ettedou epalita hatai. 15Ati elle ibiaŋata itai ibusana epalita waati hullomuk, obeŋ adi buo fe Monyatai obusak epalita hatai.
Ettiyenio te Eram ono Aferuna
16“Elle iferuna itai, hètumuroto omomite ihuo etihanak huattek. Ibasani isi ahuattek hosi oŋida aati omijani aferuna hosi. Hode, eramak ni itai jio, arumani isi esiorita hosi. 17Ati elle iferuna itai, imujulati buo fe igugurutata oofir, 18oŋida aati obeŋi omijani aferuna hatai…arari fe Monyatai hama, ollo obeŋ tulo igonyu, omijak. Buo Monyohoi, elle igonyu 'to erre hunne ihanio iyye edimai, ette adi isiarana jihoi esiorio.
Esamiti Huttedou
(Luk 12:33-34)
19“Hèttunana esamiti hatai jio afau ana, ŋadi eŋenyu iko oloŋoruo otuhi isi; buo fe ahahalak oremehini ihahalaru. 20Ati, ottunana esamiti hatai idou; amaji onno obiaŋari eŋenyu iko oloŋoruo oremehini ituk isi; buo fe ahahalak ittallihi ihahalaru isi. 21Nyio, odulo adi ataji hoi jio amaji onno ottunarik esamiti hoi.
Afaŋan ono Ahuan
(Luk 11:34-36)
22“Arai oŋite ihuo allomo ihuan. Alla ayiji oŋite hoi, afaŋ adi ahuan hoi 'daŋ. 23Buo alla arrohoji oŋite hoi, owon adi ahuan hoi 'daŋ idumele enne iriok 'to bebe. Alla ara afaŋan ottonohoi edumele, orroho adi eriohi honyi bebe!
Hollum Iko Esamiti
(Luk 16:13; 12:22-31)
24“Obeŋ obo atulo oremik igiama jio elettaha arrihai; nyio, oliwari adi inyi abotie, buo ataji honyi obuor obotie; oniŋio adi inyi abotie, buo iyasio obotie. Ittallik iyye irahan a hegiamani Hollum buo fe a holo esamiti.
25“Tania, eramak ni itai, hèhawwati te nesu hatai; ta anyio adi enne iŋiyete itai, ta anyio adi enne imatati itai; kuyya buo fe ta aboŋojin hunne iyyafana itai ihuattek. Obeŋ soho nesu hatai agalik aŋiyo? Obeŋi soho ahuattek hatai agalihini aboŋojin? 26Ike imijata aheny; obeŋi isi oyehini hinyomoti, kuyya odeŋuni himmai, buo fe obeŋi ottunani riŋ imuguo; ati itaŋiyo Monyatai ettedou isi. Ibiaŋata soho itai igalihina aheny? 27Ŋai jihatai ollo oremik 'to ifonihina nesu honyi obo kai#6:27 ifonihina nesu honyi obo kai : kuyya ifonihina esagaji honyi kai. te ehawwa?
28“Nyioti ihawwati itai te eram boŋojin? Ike imijata obolori ayaburita hutto mur aŋai? Obeŋi isi igiamai buo fe obeŋi ihuhumuni aboŋojin hosi. 29Ati, eramak ni itai jio, ara duadi bu Solomon hobu iko esamiti honyi 'daŋ, obeŋi nyia aboŋojin honyi ilamani ihuo obo jio ayaburita hunia. 30Ati, elle itiyyefio Hollum amiyaŋ otto mur, onno owon 'to ahana buo motie osuahini iyali, obeŋ 'tadi inyi itiyyef itai agalik 'daŋ? Aii, itai aati hullo omuta neruk!
31“Tania, hèhawwati jio, ‘Eŋiyo adi hohoi anyio? Kuyya emata adi hohoi anyio? kuyya eyyafatio adi hohoi anyio?’ 32(Erre hunia, hunno ottifiai aati atimok Hollum.) Ati omijak Monyatai ettedou jio, iwahata itai erre hunia 'daŋ. 33Ati ottifiati do Olobie Hollum iko erre hunna awak inyi; buo adi inyi ette isiarana jihatai erre hunnomuk hunia 'daŋ. 34Tania, hèhawwati te erre huno motie; nyio, owoni adi ehawwata huno motie hama. Ijiara ettigemita huno oloŋ abotie, oremehini to oloŋ ania hama.
Attualmente Selezionati:
Matteyo 6: EA2003
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
© The Bible Society in South Sudan 2003