Matiyu 5
5
1Miyi yemokesora ōvun numpūn lō memsah ra numpūo; memetesep, mōvun nūrie eni dūmūvelum pugi; 2miyi yemenūwi nam memtavsokonda memokū.
3Nevĭeves ōvun narumkor ra ōvun naviat enirora, ĭt enirora lō ūnpokūp.
4Nevĭeves ōvun norugumpūnū, ĭt irora wonavos.
5Nevĭeves ōvun noramel, ĭt irora wampĭ nemap enirora.
6Nevĭeves irora mori umampieni mūmampamoneki tanepō, ĭt ontalira.
7Nevĭeves ōvun togesoveli, ĭt ontogesovelora.
8Nevĭeves ōvun sentevives ūnōwanda, ĭt irora wagesi Nōbū. 9Nevĭeves ōvun tasiasie, ĭt wonatov ninda ōvun netnime eni Nōbū.
10Nevĭeves irora mori ūmampīĭndi popōwo ugi tanepō, ĭt enirora lō ūnpokūp.
11Nevĭeves kĭmi pol sugkū wuntavūntan sat irami, mam-pĭĭndi kĭmi, manūwi narolī sat irami, popōwo ugi yaū.
12Wavos mūvokotekat, ĭt nĭpmi enugkĭmi ūnpokūp tamas; ĭt irora dūpmampīĭndi ōvun profet sugkū, mori dūm-mūbūm irami.
13Kĭmi netūkūs ra nemap; kō nagkū netūkūs umpū wokon andūleki nokowo? ūr wokon, wontaf ugi ilat wonavanwi.
14Kĭmi nilara ranemap; sĭ sĭti ra numpun teretnsĭsah tawi faneteme woramon. 15Pol sugkū sĭ umentūgon lamp iyi otūmantipe ra numpon nūrah, kō ran tan wore-tipe, memneliugesĭgi omwisū ūnisog nimo. 16Aremī nilara enugkĭmi woneliugesi sugkū ūniminda ōveteme, ma irora wagesi ōvun numpūrah ves enugkĭmi mōmam-pietivesep Itemen enugkĭmi ūnpokūp.
17Utōkū ya okovelum woresumpoliora ōvun selnivi nam kū ōvun profet; ya otūvelum woresumpolora, kō woro-kompelisū; ĭt ĭtsenog, ya umanūwi pugkūm memagkū, 18afeli nempugon pokūp mūnemap wampia, sĭ nam ūrekis, kū nĭpmi nam otū ampia marugi ōvun selnivi nam afeli nempugon wonekompeli omwisū. 19Popōwo pe sugkū iyi sĭ osumpoli sĭ ra imo ōvun selnivi nam momentavsokonda ōveteme sugkū, iyi amplūtenū ra lō ūnpokūp; kō iyi sĭ onekompelisū, momentavsokondugi, iyi anti nūsian ūnimĭnda ōveteme ra lō ūnpokūp.
20It ya umanūwi pugkūm memagkū nagkū, tanepō enugkĭmi otū ontantevakepe enirora ōvun Somūl, mōvun Faresi kūtūonentorempe ra lō ūnpokūp.
21Kĭmūrĭgi yemenūwi punora ōvun ūvūmle memokū, Owi kĭmentalugi; miyi sĭ ontalugi onūrian iran nampon. 22Kō ya umanūwi pugkūm memagkū, iyi sĭ umarakĭ wokon pugi avensĭ eni onūrian iran nampon; miyi sĭ anūwi pugi avensĭ eni memagkū, Kĭnĭndūabū, ōvun natemonōk mori ra nūsian wonūrian iran; miyi sĭ anūwi magkū, Kĭk narekĭndi, onumpi nampon iran ra neswate. 23Popōwo pe sugkū nagkū kĭmandiuki ĭmpelum ĭteraas enugkĭk ra nefati, ĭm yūi konentemi ma apmisĭ umalakoi punok, ōwi yūi ĭtemas enugkĭk ra nokoren nefati mempe, 24ĭm mampūm ūitkūmūndū apmisĭ, mōmampelum memsa-krifĭs ugi itemas enugkĭk. 25Oretevetewi mūitekūm ūndū novsen nakan neugkĭk pol sugkū kĭmnavan ūselat ūndū, ma novsen nakan enugkĭk otū ontōrok pugi natemonōk nūrian, miyi natemonōk nūrian ontenĭmpe kĭk pugi nivūo sĭ mori osumpat amtugkĭk ūnisog nimo nugkugko; 26ĭtnesog ya umanūwi pugkĭk kotūōmontūratumpeni ilat afeli nempugon kontampenĭgi omwisū.
27Kĭmūrĭgi yemenūwi punora ōvun ūvūmle memokū, 28Owi kimenatampalaū; kō ya umanūwi pugkūm memagkū, iyi sī umagesi nasiven worelasevi iyi, osĭ Im tampalaū ūndū ūnōan. 29Kō nagkū nĭmtum meves umnempiri-wugkĭk, evsi ĭm tafugimarugkĭk; ĭt aremī sī nevlugkon kĭk metevavteti, ĭm tawi nokolesiram omwisū ontafugi ra neswate.
30Im nagku nokopmū meves onempiriwugkĭk tantevi ĭm tafugi marugkĭk: ĭt aremī nĭsekom ma sī nevlugkon kĭk metevavteti ĭm tawi nokolosiram omwisū ontafugi ra neswate.
31Im yemenūwi memokū, Iyi sī osatevugi ratepon eni, aremī iyi ampugi netīyi ugi satevugi. 32Kō ya umanūwi pugkūm memagkū, iyi sī osatevugi retepon kū entawi popōwo ugi tampalaū eni, umnumpi iyi worōmentam-paīaū; miyi sī ōmenetovrugi iyi mori satevugi, umen-tampalaū.
33Im sĭ mōmū nam kĭmūrĭgi yemenūwi punora ōvun ūvūmle memokū, Owi kīmentesūĭ namlī, kō konampesog nam ūnarn enugkĭk ūnĭpmi eni Novsūromon; 34kō ya umanūwi pugkūm memagkū, Utū tesūĭ namūnam mōkū ugi pokūp ĭt potnumpūtūo eni Nōbū; 35ĭm tawi ugi nemap, ĭt woretipe nōwon eni; Im tawi ugi Yerūsalem, ĭt sĭti eni Natemonōk ra nūsian; 36ĭm tawi ugi numpum kontesūī namūnam, ĭt kĭk tawi faneteme worumpi sĭ novlempū nesebo kū nakomsū Enūwi mokū, 37Monokowo; monokowo; Tawi; tawi; ĭt mōmū ra imosū emamne ra sat.
38Kĭmūrĭgi yemenūwi memokū, Sī nĭpmi ra sī nĭpmi; Im sī nis ra sī nis; 39kō ya umanūwi pugkūm memagkū, Utū umpi nampon ra sat; nagkū sĭ onatugkĭk ra waū nugūn meves, ovoli pugi moor sugkū. 40Im nagkū sĭ ontōrok pugi natemonōk nūrian magkū ampĭ parug kĭk netaūsep, ovugi semplaūon enugkĭk sugkū. 41Miyi sĭ oselielok woravan sĭ mīl, avan ūndū mīl endūrū. 42Ovugi iyi mori umnesenugkik; Im polsugkū sĭ umnakĭugi worevīugi lap enugkĭk, etūsiugi.
43Kĭmūrĭgi yemenūwi memokū, Elentugi numpūnaram makan pugi novsen nakan enugkĭk; 44kō ya umanūwi pugkūm memagkū, Ufielentokonda ōvum novsen nakan enugkĭmi; ūnūwi nam paū punora mori urunelelugkūm; ūvĭeves iranda mori umnakan pugkūm; mufwaki nĭsekonda mori umuntavūntan sat irami mūmanpīĭndi kĭmi; 45ma kĭmi wanti ōvun netnime eni Itemen kĭmi ūnpokūp ĭt iyi umeselieli nĭpminen umentūok iranda ōvetemĭndi mōveteme aremī, mementamūli nebĭp iranda ovun tanepō īnōvun sempiri. 46It nagku kūmnelentokonda wokon mori umnelentugkūm, kĭmi, kwampĭ nĭpmi entie? ĭt Ovun lĭvsaū nalekon umnumpi sugkū kū? Im nagku kūmanūwi mūmagkū, 47kĭmi paū, punora rapmisĭeme wokon, kūmnumpi mōmū aremī iranda ovun nelebōkevat kū? Ovun lĭvsaū nalekon umnumpi sugkū kū? 48Uti kĭmi aremī ĭndōwi sugkū Itemen kĭmi ūnpokūp aremī ĭndōwi.
Attualmente Selezionati:
Matiyu 5: ERGNT79
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Erromangan New Testament © British and Foreign Bible Society, 1909,1979.