Yoane 2
2
Matompre mi bar u Kana. Isana ri bukwetshi
1Matu masat ampis, matompre mibar mawar bora Kana u Garirea ; inyante a Yes awara ona.
2Banta kuur Yes nto ake baronki bante u matompre mibar mana.
3Nter awint banta mana ma vinyo,#2:3 Mas ma vinyo : mas ma Putu, nko mana. inyante a Yes kunor : Banta rek bakamon mana ma vinyo bo.
4Yes kunsaks yampe : Ngat, biye bingwar kat ami nto awo ? Itankua rami rek rato wiy bo.
5Inyant a Yes kuror baker nguna : Mey makima mubiror yante, boker ana.
6Ona mabonko nko mpenta mawar, mabonko masiampr mu mamanya ; batshuer nko nsamp mu ba mu basi Yuda ; u kat ibonko rumwetsh rumwetsh rueri nko makueme ibua.
7Yes kubaror : Yors mabonko mene nto a mas, banta kuyors to ?
8Yes kubaror : Tek ana mas itank rine, wek ana kumu matompr mibar, ba kungwek a manta.
9Nter akik kumu matompr mibar mas maker Yes mawiy mana ma vinyo, ya iyeb bo mpok awiy mas mana, na bat bana baraba mas mana babayeba ; kumu mukang kuur mun ngat.
10Kunor yampe : Bat bakima bungwekek mana ma vinyo mamasek buso, ampis mpe batu banyo buiki, keka bukabawek mene mungwa rek busek ampis, di wene unturont mana masek kakaka a kekanko.
11Isana ri bukwetshi aker Yes bora Kana u Garirea, yante amasor ruton rante, baronki bante kunyes.
12Ampis muna, ya kuwe bora Kapernaum nto inyante nto ake bekiyi bante, nto ake baronki bante; banta kubabika matu ma buiki bo.
Nter abing Yes basariy nto ake basomp
13Rusu Rasampa Ntsampe kuwiy kora kor; Yes kuwe ra Yerusarem.
14Ya kumon bat kat a mpur a Ntsampe, banta baukusariyi bankwemp, i mameme, i tshukwirp; banta baukusoms biketa, bawar asin.
15Nter aker ya nsuinya mu namp muakenke, ya kubabing ruera ba mpur a Ntsampe u tou busuebe, i mameme, i bankwemp ; ya kutshak birok bia bene baukusomsi, ya kupur mes ma banta.
16Ya kuror bene baukusariyi tshukwirmp : Wor ana biket bin ane bikima, kat ker ana mpuru a Tata, mpuru ntshi ut impump.
17Baronki bante kukan mey mungwak mapunta u kat mukanta mua Ntsampe : Ruwont runen ra mpur awo rungua tshiya tshu mak tump.
18Basi Yuda kunor bampe : Yentsh ru na ritshusuintsh wene ukukeri mey mene ?
19Yes kubasaks, kubaror yampe : Kar ana mpuru a Ntsampe ine, matu masat minyi rapakaiumun.
20Basi Yuda kunor bampe : Mpur a Ntsampe ine tshuamaison mabur makuem mane nto mabur masiampr, wene apaison matu masat ?
21Yes atot nkos isin mpuru a Ntsampe ntshi rutok rante.
22Ampis mpe Yes aumu kat iwa, baronki bante bukan, ya amabaror mey mene, bana buyes mukanta mua Ntsampe, nto ake mey matotok Yes.
23Nter awar ya u Yerusarem, rusu ru nkira mu nianko mu Asamp Ntsampe, bat ba buiki bayes rukompua rante, isin atar banta bisana biaker yante.
24Di Yes uyes mey ma ba bo, isina yante amabayeb ruera ba.
25Yante kuasot muot unsuengs mey ma bat, isina ya amayeb mey mu mitem mia bat.
Attualmente Selezionati:
Yoane 2: EJK2012
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
Copyright © 2012, ASAREB, Suisse MiDi BIBLE