Matteyo 2
2
Afwanna ono Alofyorojok
1Isiuni nya Yesu imiji Betlehem ono Yudea to oŋitek huno hobu Erode. Ofwonni alofyorojok t’ettedwoŋi holoŋ many Yerusalem ette jaran, 2?Tali Hobu olo Yudea lya al hetehi isiuna? Nyo egonyu hohoi elelyef honyi ettedwoŋi holoŋ ette hohoi fwanna itahabuyere inyi. 3Ninya itaniŋu hobo Erode erre huna ette ataji honyi iko huno laati daŋ hutto Yerusalem papaŋi. 4Al ottubanie ehumak eleittaha daŋ iko legyorok#2:4 legyorokArai isi laati hul ihenie bwo fe ittiyenie abuk ono Hollum. jihonyi ette inyi ifiyo isi ojo, ?Ocorok nya Hollum ojo isiuni adi Kristo aja? 5Itarraŋi isi jihonyi ojori, Isiuni adi inyi imiji Betlehem ono Yudea, nyo igyorok nya eyani sayyo jo,
6“Iye Betlehem amiji ono Yudea,
Ibeŋ iye imuta ihiji amisihi hun obolori’to huno Yudea;
Nyo tehiji hoi ottu adi aboloni
Al itamanyayo adi laati hoŋ Israele.”
7Iloŋo Erode alofyorojok hama ette ifiyo isi ojo, ?Oleyo elelyef nya baya? 8Ette inyi ifahina isi Betlehem ette jaran, Ifwatta, ottifyati eito. Al inyurana tai inyi ocohuniete jihoŋ iramaniere ani, bwo alo adi ni itahabuyere inyi. 9Itaniŋuni isi nekyanita huno hobu ette isi fwatan. Afwoi isi ette isi inyyak igonyuna elelyef an adaha ihosyere hosi many afanyari inyi ihide maji an awanari eito ette inyi wotya dia. 10Omunoi alofyorojok bebe ligonyuni isi elelyef. 11Ojiŋani isi ihaji ette igonyuna eito iko honyonyi Maria. Origoŋi isi itahabuyere eito. Ette isi iŋa asenuhi hosi ette isyarana jihonyi esyorita hun arai ayyel iko ottogoŋ bwo mura.#2:11 muraAra inyi ayyani on oŋwo’to gir gir. 12Acaharai isi ifau hosi to obo ekoi hama nyo iramak Hollum jihosi ta arigya jo oŋida isi obeŋi acaharai jyo Erode.
Afwatan Hosi Ifau Masir
13Ihalu erre huna, oleyo anjelo olo Hollum jyo Yosefo ta arigya ette jaran, Odyotoi, ofuhoi iko eito bwo honyonyi many ifau Masir. Itoŋoi dia many eramaniere ni iye, nyo ottifya adi Erode eito ittohori inyi. 14Tania odyoto Yosefo ta attari nya ette iyaro eito iko honyonyi many ifau Masir. 15Amanyai isi dia many oyeri Erode, jo oŋida itasiru ekyana ono Hobu inya ikyanari eyani sayyo ojo, “Eloŋo ni lonyi hoŋ to fau Masir.”
Attohoro ono Aduri
16Iloŋojita Erode bebe al itaniŋu inyi jo inyobye alofyorojok inyi, ette inyi ifahina laati ittohyere laduri daŋ hulo Betlehem iko afauhyen hutteger honyi. Ottohori isi aduri hul ottubai aŋasi hosi arrihai many jyo hul hetehi isiuna nyo ojori dwo alofyorojok jo allaŋi aŋasi arrihai hunya igonyunierek isi elelyef. 17Ihwania itasiru ekyana ono eyani sayyo Yeremia on ojo,
18“Itaniŋuni laati ayyo imiji Rama,
Ayyo iko atariha on obolo.
Oyyo Rakele ta aduri honyi,
Iha inyi etadwa nyo abyaŋarani isi.”
Acohuno Hosi to Masir
19Al aye Erode oleyo anjelo olo Hollum jyo Yosefo ta arigya howon inyi ifau Masir ette jaran, 20Odyotoi, iyaru eito iko honyonyi. Acahatti ifau Israele, nyo aye lya inya ottifya’to ittohori eito. 21Teyya odyoto inyi ette fwatan iko eito bwo fe honyonyi many lifau Israele. 22Ati abaŋ Yosefo icahari Yudea nyo itaniŋu inyi jo orutak Arukelo amaji monyonyi Erode ette ratan hobo olo Yudea. Tania ette inyi leten ifau Galilea ihwa itahutak Hollum jihonyi ta arigya. 23Afany inyi dia ette manya imiji Nasaret jo oŋida itasiruni nekyanita huno eyak sayyo hun ojori, “Iloŋoi adi Yesu Anasaretanani.”
Attualmente Selezionati:
Matteyo 2: LOT1969
Evidenziazioni
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
This text was originally published by the British and Foreign Bible Society in 1969.