انجیلِ مَتّی 1
1
شجره‌نامۀ عیسی مسیح
1شجره‌نامۀ عیسی مسیح،
کِرِ داوود، کِرِ ابراهیم:
2ابراهیم بو اِسحاق،
اِسحاق بو یعقوب،
وِ یعقوب بو یهودا وِ کَکایَلِش بی.
3یهودا بو فِرِص وُ زِراح بی وِ نومِ دِیشون تامار بی.
فِرِص بو حِصرون،
وِ حِصرون بو رام.
4رام بو عَمّیناداب،
وِ عَمّیناداب بو نَحشون،
وِ نَحشون بو سَلمون بی.
5سَلمون بو بوعَز بی وِ دِی بوعَز، نومِش راحاب بی.
بوعَز بو عوبید بی وِ دی عوبید، نومِش روت بی.
عوبید بو یَسا بی،
6یَسا بو داوودِ پادشاه بی.
وِ داوود بو سِلِیمون بی.
دِی سِلِیمون نَهاتَر زنِ اوریا بی.
7سِلِیمون بو رِحُبعام،
وِ رِحُبعام بو اَبیّا،
وِ اَبیّا بو آسا بی.
8آسا بو یَهوشافاط،
وِ یَهوشافاط بو یورام،
وِ یورام بو عُزّیا بی.
9عُزّیا بو یوتام،
یوتام بو آحاز،
وِ آحاز بو حِزقیا بی.
10حِزقیا بو مَنَسی،
مَنَسی بو آمون،
وِ آمون بو یوشیا بی.
11یوشیا بو یِکُنیا وِ کَکایَلِش بی.
مِنِه ای زمون یَهودی‌یَل تَبعید وابی‌یِن وَ بابِل.
12بَعدَ تبعید یَهودی‌یَل وَ بابِل:
یِکُنیا بو شِئَلتیئیل،
وِ شِئَلتیئیل بو زروبابِل بی.
13زروبابِل بو اَبیهود،
اَبیهود بو اِلیاقیم،
وِ اِلیاقیم بو عازور بی.
14عازور بو صادوق،
صادوق بو اَخیم،
وِ اَخیم بو اِلیود بی.
15اِلیود بو اِلعازار،
اِلعازار بو مَتّان،
وِ مَتّان بو یعقوب بی.
16یعقوب بو یوسُف میرِۀ مریم بی،
که عیسِی معروف وَ مسیحَ وَ دنیا آوُرد.
17وَ ای ترتیب، وَ ابراهیم تا داوود وَ ری یَک چاردَه نَسل، وُ وَ داوود تا زمونِ تبعید یَهودی‌یَل وَ بابِل، چاردَه نَسل، وُ وَ زمون تبعید وَ بابِل تا مسیح چاردَه نَسل بییِن.
وَ دنیا اومَیَنِ عیسی مسیح
18وَ دنیا اومَیَنِ عیسی مسیح ایطو بی: مریم، دِی عیسی، نومزِی یوسف بی. امّا نِهِی یِکه بِی یَک عروسی کِنِن، معلوم وابی که مریم وَ روح‌القدس حامِلِیَه. 19وَ وُچه که میرَش یوسف مِردِ صالحی بی وِ نیخواس مریمَ رسوا کِنِه، تصمیم گِرُت که بی سرِصیا وَش جیا وابو. 20امّا وختی ای تصمیمَه گِرُت، فرشتۀ خداوند مِنِه خُو وَش ظاهر وابی وِ گُت: «ای یوسف، کِرِ داوود، وَ یِکِه مریمَ وَ زَنی بِگِری زَلَت نَرَه، سی‌یِکِه چیئی که مِنِه کِمِشِه، وَ روح‌القدسِه. 21مریم کِری وَ دنیا ایارِه وِ تِ بایِس نومِشَه بِنی عیسی، سی‌یِکِه وِّ قومِ خِشَه وَ گِنایَلِشون نجات اییِه.» 22تَمومِ ای چییَل وابی تا اوچیئی که خداوند وَ زُوونِ اِشعیایِ پیغمبر گُتَه بی، وَ اَنجوم بِرَسِه که:
23«ریبَسَه‌ای حامِلَه ایابو، کِری وَ دنیا ایارِه
که نومِشَه اینِن عِمانوئیل،»
که وَ معنیِ «خدا بِی ایما» یَه. 24وختی یوسف وَ خُو دیار وابی، اوچیئی که فرشتۀ خداوند وَش امر کِردَه بی، اَنجوم دا وِ مریمَ اِسَه. 25امّا باش نَخُوسی تا وِّ کِرِشَه وَ دنیا آوُرد؛ وِ یوسف نومِشَه نَها عیسی.
Attualmente Selezionati:
انجیلِ مَتّی 1: SLB
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
@ 2024 Korpu Company
انجیلِ مَتّی 1
1
شجره‌نامۀ عیسی مسیح
1شجره‌نامۀ عیسی مسیح،
کِرِ داوود، کِرِ ابراهیم:
2ابراهیم بو اِسحاق،
اِسحاق بو یعقوب،
وِ یعقوب بو یهودا وِ کَکایَلِش بی.
3یهودا بو فِرِص وُ زِراح بی وِ نومِ دِیشون تامار بی.
فِرِص بو حِصرون،
وِ حِصرون بو رام.
4رام بو عَمّیناداب،
وِ عَمّیناداب بو نَحشون،
وِ نَحشون بو سَلمون بی.
5سَلمون بو بوعَز بی وِ دِی بوعَز، نومِش راحاب بی.
بوعَز بو عوبید بی وِ دی عوبید، نومِش روت بی.
عوبید بو یَسا بی،
6یَسا بو داوودِ پادشاه بی.
وِ داوود بو سِلِیمون بی.
دِی سِلِیمون نَهاتَر زنِ اوریا بی.
7سِلِیمون بو رِحُبعام،
وِ رِحُبعام بو اَبیّا،
وِ اَبیّا بو آسا بی.
8آسا بو یَهوشافاط،
وِ یَهوشافاط بو یورام،
وِ یورام بو عُزّیا بی.
9عُزّیا بو یوتام،
یوتام بو آحاز،
وِ آحاز بو حِزقیا بی.
10حِزقیا بو مَنَسی،
مَنَسی بو آمون،
وِ آمون بو یوشیا بی.
11یوشیا بو یِکُنیا وِ کَکایَلِش بی.
مِنِه ای زمون یَهودی‌یَل تَبعید وابی‌یِن وَ بابِل.
12بَعدَ تبعید یَهودی‌یَل وَ بابِل:
یِکُنیا بو شِئَلتیئیل،
وِ شِئَلتیئیل بو زروبابِل بی.
13زروبابِل بو اَبیهود،
اَبیهود بو اِلیاقیم،
وِ اِلیاقیم بو عازور بی.
14عازور بو صادوق،
صادوق بو اَخیم،
وِ اَخیم بو اِلیود بی.
15اِلیود بو اِلعازار،
اِلعازار بو مَتّان،
وِ مَتّان بو یعقوب بی.
16یعقوب بو یوسُف میرِۀ مریم بی،
که عیسِی معروف وَ مسیحَ وَ دنیا آوُرد.
17وَ ای ترتیب، وَ ابراهیم تا داوود وَ ری یَک چاردَه نَسل، وُ وَ داوود تا زمونِ تبعید یَهودی‌یَل وَ بابِل، چاردَه نَسل، وُ وَ زمون تبعید وَ بابِل تا مسیح چاردَه نَسل بییِن.
وَ دنیا اومَیَنِ عیسی مسیح
18وَ دنیا اومَیَنِ عیسی مسیح ایطو بی: مریم، دِی عیسی، نومزِی یوسف بی. امّا نِهِی یِکه بِی یَک عروسی کِنِن، معلوم وابی که مریم وَ روح‌القدس حامِلِیَه. 19وَ وُچه که میرَش یوسف مِردِ صالحی بی وِ نیخواس مریمَ رسوا کِنِه، تصمیم گِرُت که بی سرِصیا وَش جیا وابو. 20امّا وختی ای تصمیمَه گِرُت، فرشتۀ خداوند مِنِه خُو وَش ظاهر وابی وِ گُت: «ای یوسف، کِرِ داوود، وَ یِکِه مریمَ وَ زَنی بِگِری زَلَت نَرَه، سی‌یِکِه چیئی که مِنِه کِمِشِه، وَ روح‌القدسِه. 21مریم کِری وَ دنیا ایارِه وِ تِ بایِس نومِشَه بِنی عیسی، سی‌یِکِه وِّ قومِ خِشَه وَ گِنایَلِشون نجات اییِه.» 22تَمومِ ای چییَل وابی تا اوچیئی که خداوند وَ زُوونِ اِشعیایِ پیغمبر گُتَه بی، وَ اَنجوم بِرَسِه که:
23«ریبَسَه‌ای حامِلَه ایابو، کِری وَ دنیا ایارِه
که نومِشَه اینِن عِمانوئیل،»
که وَ معنیِ «خدا بِی ایما» یَه. 24وختی یوسف وَ خُو دیار وابی، اوچیئی که فرشتۀ خداوند وَش امر کِردَه بی، اَنجوم دا وِ مریمَ اِسَه. 25امّا باش نَخُوسی تا وِّ کِرِشَه وَ دنیا آوُرد؛ وِ یوسف نومِشَه نَها عیسی.
Attualmente Selezionati:
:
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
@ 2024 Korpu Company