انجیلِ مَتّی 2
2
ملاقات مُغَل
1عیسی مِنِه زَمونِ سلطَنَتِ هیرودیسِ پادشاه، مِنِه بیت‌لَحِمِ وِلاتِ یهودیَه وَ دنیا اومَه، مِنِه او موقَع چَن تا مُغ که آیَمَلی مَهلی حکیم بییِن وِ مِنِه ستارَه‌شناسی سَررِشتَه داشتِن وَ دیارِ مشرق اومَن وَ اورشلیم 2وِ پُرسییِن: «کوچِنِه او بَچَه‌ای که مِنِه مقامِ پادشاهِ یهود وَ دنیا اومَیِه؟ سی‌یِکِه ستارۀ وِّ نَه مِنِه مشرق دیمونِه وِ اومِیمِه تا پرستشِش کِنیم.» 3وختی ای خَوَر وَ گوشِ هیرودیسِ پادشاه رَسی هراسون وابی، وِ تمومِ مردمِ اورشلیم هَم باش هراسون وابی‌یِن. 4پَ هیرودیس تَمومِ کاهنلِ گپو وِ معلِمَلی نَه که توراتَه وَ مردُم درس ایدان، جَم کِه وُ وَشون پُرسی: «مسیحِ موعود کوچِه باید وَ دنیا بیا؟» 5جواب دان: «مِنِه بیت‌لَحِمِ یهودیَه، سی‌یِکِه میکایِ پیغمبر درمورد یِه ایطو نوشتِه:
6«" تِ ای بیت‌لَحِم که مِنِه دیارِ یهودایِی،
تِ مِلِی فَرمُنرَوایَلِ یهودا وَ هیشکَه نَه کمتری،
سی‌یِکِه وَ تِ فَرمُنروایی ظهور ایکِنِه
که قومِ مو، اسرائیلَ چِپونی ایکِنِه."»
7پَ هیرودیس او مِردَلِ حکیمَه که وَ دیارِ مشرق اومَیَه بییِن وَ پَنونی طِی خُوش خواس وُ وَشون پُرسی ستارَه چه موقَع وَشون ظاهر وابی‌یِه. 8اوسِه اونگَلَه رُونَه کِه وَ طرفِ بیت‌لَحِم وُ وَشون گُت: «بِرِیت وِ خوب تِرِ او بَچَه بِگردیت. وختی وِّ نَه جُسیت، مِنَه خَوَر کِنیت تا مِ هَم بیام، وِّ نَه پرستِش کِنُم.» 9مُغَل بعدَ اِشنُفتَنِ گَپَلِ پادشاه، رُونَه وابی‌یِن وِ ستاره‌ای که وَ مشرق دییَه بییِن، نهاشون ایرَت تا عاقبت وِیسا وَ بالِی جِیی که بَچَه بی. 10اونگَل بِی دییَنِ ستارَه مَهلی شای وابی‌یِن. 11وختی رَتِن مِنِه حونَه وِ بَچَه نَه بِی دِیش مریم دییِن، ریشونَه نَهان وَ زمین، او بَچَه نَه پرستش کِردِن. اوسِه صندوقچه‌یَلِ خِشونَه واز کِردِن وِ پیشکِشَلی وَ طلا وِ کُندر وِ مُر وَش تقدیم کِردِن. 12وِ سی‌یِکِه مِنِه خُو هشتار گِرُتِن که نَوَرگَردِن طِی هیرودیس، وَ رَیی دَ رایی دیارِ خِشون وابی‌یِن.
دَرَتَن وَ طرفِ مصر
13بعدَ رَتَنِ مُغَل، فرشتۀ خداوند مِنِه خُو وَ یوسُف ظاهر وابی وِ گُت: «وَری، بَچَه وِ دِیشَه وَگِه وُ وَ طرفِ مصر بِدَرَه وِ هَموُچه وِیس تا وَت خَوَر بییُم، سی‌یِکِه هیرودیس وَ دینِ بَچَه یَه تا وِّ نَه بِکِشه.» 14پَ یوسف شَبونَه وَریسا، بَچَه وِ دِیشَه وَگِرُت وِ راییِ مصر وابی، 15وِ تا مُردَنِ هیرودیسِ پادشاه وُچه وِیسا. یِه وابی تا اوچیئی که خداوند وَ زُوونِ هوشَعِ پیغمبر گُتَه بی وَ اَنجوم بِرَسِه که «کِرِ خِمَه وَ مصر صیا کِردُم.»
16وختی هیرودیس فَمی که مُغَل گولِش زَنِه، تَش گِرُت وِ سربازَلی بِسی کِه، تا تَمومِ بَچه‌یَلِ کِرَ که مِنِه بیت‌لَحِم وِ مِنِه تَمومیِ او دیار بییِن بِکِشِن، بَچه‌یَلِ دِ سالَه وِ کِچِلوتَر، دِرُس طبقِ او زمونی که وَ مُغَل پُرسِجو کِردَه بی. 17اوسِه اوچیئی که وَ زُوونِ اِرمیایِ پیغمبر گُتَه وابی‌یَه بی، وَ اَنجوم رَسی که:
18«صیایی وَ رامَه وَ گوش ایرَسِه،
صییِی شیون وِ زاری وِ ماتمی مَهلی گَپو.
راحیل سی کُرَلِش ایگِریوِه
وِ آروم نیابو،
سی‌یِکِه بَچه‌یَلِش دَ نیسیشون.»
وَرگشتَن وَ ناصرَه
19بعدَ مُردَنِ هیرودیسِ پادشاه، یِه فرشتۀ خداوند مِنِه مصر اومَه وَ خُو یوسُف 20وِ گُت: «وَری، بَچَه وِ دِیشَه وَگِه وِ وَرگَرد وَ دیارِ اسرائیل، سی‌یِکِه اونگَلی که ایخواسِن بَچَه نَه بِکِشِن، مُردِنِه.» 21پَ یوسُف وَریسا، بَچَه وِ دِیشَه وَگِرُت و وَرگَشت وَ دیارِ اسرائیل. 22امّا وختی اِشنُفت آرکِلائوس وَ جِی بُوش هیرودیس مِنِه وِلاتِ یهودیَه حکمرانِه، زَلَش رَت بِرَه وُچو، وِ طبقِ هُشتاری که مِنِه خُو گِرُتَه بی، رایی وِلاتِ جلیل وابی. 23وِ مِنِه شهری وَ نومِ ناصِرَه منزل کِه. یِه وابی تا کلام پیغمبرل وَ حقیقت بِرَسِه که گُتَه بییِن "ناصری" خوندَه ایابو.
Attualmente Selezionati:
انجیلِ مَتّی 2: SLB
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
@ 2024 Korpu Company
انجیلِ مَتّی 2
2
ملاقات مُغَل
1عیسی مِنِه زَمونِ سلطَنَتِ هیرودیسِ پادشاه، مِنِه بیت‌لَحِمِ وِلاتِ یهودیَه وَ دنیا اومَه، مِنِه او موقَع چَن تا مُغ که آیَمَلی مَهلی حکیم بییِن وِ مِنِه ستارَه‌شناسی سَررِشتَه داشتِن وَ دیارِ مشرق اومَن وَ اورشلیم 2وِ پُرسییِن: «کوچِنِه او بَچَه‌ای که مِنِه مقامِ پادشاهِ یهود وَ دنیا اومَیِه؟ سی‌یِکِه ستارۀ وِّ نَه مِنِه مشرق دیمونِه وِ اومِیمِه تا پرستشِش کِنیم.» 3وختی ای خَوَر وَ گوشِ هیرودیسِ پادشاه رَسی هراسون وابی، وِ تمومِ مردمِ اورشلیم هَم باش هراسون وابی‌یِن. 4پَ هیرودیس تَمومِ کاهنلِ گپو وِ معلِمَلی نَه که توراتَه وَ مردُم درس ایدان، جَم کِه وُ وَشون پُرسی: «مسیحِ موعود کوچِه باید وَ دنیا بیا؟» 5جواب دان: «مِنِه بیت‌لَحِمِ یهودیَه، سی‌یِکِه میکایِ پیغمبر درمورد یِه ایطو نوشتِه:
6«" تِ ای بیت‌لَحِم که مِنِه دیارِ یهودایِی،
تِ مِلِی فَرمُنرَوایَلِ یهودا وَ هیشکَه نَه کمتری،
سی‌یِکِه وَ تِ فَرمُنروایی ظهور ایکِنِه
که قومِ مو، اسرائیلَ چِپونی ایکِنِه."»
7پَ هیرودیس او مِردَلِ حکیمَه که وَ دیارِ مشرق اومَیَه بییِن وَ پَنونی طِی خُوش خواس وُ وَشون پُرسی ستارَه چه موقَع وَشون ظاهر وابی‌یِه. 8اوسِه اونگَلَه رُونَه کِه وَ طرفِ بیت‌لَحِم وُ وَشون گُت: «بِرِیت وِ خوب تِرِ او بَچَه بِگردیت. وختی وِّ نَه جُسیت، مِنَه خَوَر کِنیت تا مِ هَم بیام، وِّ نَه پرستِش کِنُم.» 9مُغَل بعدَ اِشنُفتَنِ گَپَلِ پادشاه، رُونَه وابی‌یِن وِ ستاره‌ای که وَ مشرق دییَه بییِن، نهاشون ایرَت تا عاقبت وِیسا وَ بالِی جِیی که بَچَه بی. 10اونگَل بِی دییَنِ ستارَه مَهلی شای وابی‌یِن. 11وختی رَتِن مِنِه حونَه وِ بَچَه نَه بِی دِیش مریم دییِن، ریشونَه نَهان وَ زمین، او بَچَه نَه پرستش کِردِن. اوسِه صندوقچه‌یَلِ خِشونَه واز کِردِن وِ پیشکِشَلی وَ طلا وِ کُندر وِ مُر وَش تقدیم کِردِن. 12وِ سی‌یِکِه مِنِه خُو هشتار گِرُتِن که نَوَرگَردِن طِی هیرودیس، وَ رَیی دَ رایی دیارِ خِشون وابی‌یِن.
دَرَتَن وَ طرفِ مصر
13بعدَ رَتَنِ مُغَل، فرشتۀ خداوند مِنِه خُو وَ یوسُف ظاهر وابی وِ گُت: «وَری، بَچَه وِ دِیشَه وَگِه وُ وَ طرفِ مصر بِدَرَه وِ هَموُچه وِیس تا وَت خَوَر بییُم، سی‌یِکِه هیرودیس وَ دینِ بَچَه یَه تا وِّ نَه بِکِشه.» 14پَ یوسف شَبونَه وَریسا، بَچَه وِ دِیشَه وَگِرُت وِ راییِ مصر وابی، 15وِ تا مُردَنِ هیرودیسِ پادشاه وُچه وِیسا. یِه وابی تا اوچیئی که خداوند وَ زُوونِ هوشَعِ پیغمبر گُتَه بی وَ اَنجوم بِرَسِه که «کِرِ خِمَه وَ مصر صیا کِردُم.»
16وختی هیرودیس فَمی که مُغَل گولِش زَنِه، تَش گِرُت وِ سربازَلی بِسی کِه، تا تَمومِ بَچه‌یَلِ کِرَ که مِنِه بیت‌لَحِم وِ مِنِه تَمومیِ او دیار بییِن بِکِشِن، بَچه‌یَلِ دِ سالَه وِ کِچِلوتَر، دِرُس طبقِ او زمونی که وَ مُغَل پُرسِجو کِردَه بی. 17اوسِه اوچیئی که وَ زُوونِ اِرمیایِ پیغمبر گُتَه وابی‌یَه بی، وَ اَنجوم رَسی که:
18«صیایی وَ رامَه وَ گوش ایرَسِه،
صییِی شیون وِ زاری وِ ماتمی مَهلی گَپو.
راحیل سی کُرَلِش ایگِریوِه
وِ آروم نیابو،
سی‌یِکِه بَچه‌یَلِش دَ نیسیشون.»
وَرگشتَن وَ ناصرَه
19بعدَ مُردَنِ هیرودیسِ پادشاه، یِه فرشتۀ خداوند مِنِه مصر اومَه وَ خُو یوسُف 20وِ گُت: «وَری، بَچَه وِ دِیشَه وَگِه وِ وَرگَرد وَ دیارِ اسرائیل، سی‌یِکِه اونگَلی که ایخواسِن بَچَه نَه بِکِشِن، مُردِنِه.» 21پَ یوسُف وَریسا، بَچَه وِ دِیشَه وَگِرُت و وَرگَشت وَ دیارِ اسرائیل. 22امّا وختی اِشنُفت آرکِلائوس وَ جِی بُوش هیرودیس مِنِه وِلاتِ یهودیَه حکمرانِه، زَلَش رَت بِرَه وُچو، وِ طبقِ هُشتاری که مِنِه خُو گِرُتَه بی، رایی وِلاتِ جلیل وابی. 23وِ مِنِه شهری وَ نومِ ناصِرَه منزل کِه. یِه وابی تا کلام پیغمبرل وَ حقیقت بِرَسِه که گُتَه بییِن "ناصری" خوندَه ایابو.
Attualmente Selezionati:
:
Evidenzia
Condividi
Copia
Vuoi avere le tue evidenziazioni salvate su tutti i tuoi dispositivi?Iscriviti o accedi
@ 2024 Korpu Company